කොම්පඤ්ඤවීදියේ පිහිටි අල්ටෙයාර් සුඛෝපභෝගී මහල් නිවාස සංකීර්ණයේ 67 වැනි මහලෙන් ඇද වැටී වයස අවුරුදු 15ක ගැහැනු ළමයෙකු සහ පිරිමි ළමයෙකු ඊයේ (02) රාත්රියේ මියයෑම සම්බන්ධයෙන් මේ වනවිට ආරක්ෂිත කැමරා දර්ශන ඔස්සේ පරීක්ෂණ ආරම්භ කර තිබෙනවා.
පොලීසිය සඳහන් කළේ, මෙය සියදිවි නසාගැනීමක් බවට සැක පළ කරන බවයි.
මොවුන් දෙදෙනා කොළඹ ජාත්යන්තර පාසලක 10 වැනි ශ්රේණියේ එකම පන්තියේ ඉගෙනුම ලබමින් සිට ඇති බව සඳහන්.
පොලිස් පරීක්ෂණවලදී අනාවරණය වී ඇත්තේ ඔවුන් දෙදෙනා අතර ප්රේම සබඳතාවක් පැවති බවයි.
පාසල අවසන් වී සිසුවිය සහ සිසුවා සුඛෝපභෝගී මහල් නිවාස සංකීර්ණයේ පස්වන මහලේ පිහිටි කායවර්ධන මධ්යස්ථානය වෙත පැමිණ තිබෙනවා.
එහිදී ඇඳුම් මාරුකර, පාවහන් ගලවා ඔවුන්ගේ බෑගයන් ද එම මධ්යස්ථානය තුළ තබා කායවර්ධන මධ්යස්ථානයට පිටතින් ඇති තරප්පු පෙළ ඔස්සේ ඔවුන් 67 වැනි මහලට ගොස් තිබුණා.
අනතුරුව ඔවුන් එම මහළෙන් බිමට පැන සියදිවි නසාගන්නට ඇතැයි පොලීසිය සැක පළ කරනවා.
මහල් 70කින් යුත් එම සුඛෝපභෝගී මහල් නිවාස සංකීර්ණයේ 03 වන මහලේ ඇති වායුසමීකරණ යන්ත්ර සවිකර ඇති ස්ථානයේ තිබියදී ඔවුන්ගේ සිරුරු හමුවු වී තිබුණා.
එම යන්ත්රවලට කැපී ඔවුන්ගේ සිරුරුවලට බරපතළ තුවාල සිදුව ඇති බවද සඳහන්.
මියගිය සිසුවා වැල්ලවත්ත ප්රදේශයේ පදිංචිකරුවෙකු වන අතර සිසුවිය කැලණිය ප්රදේශයේ පදිංචිකාරිනියක්.
