අනතුරුදායක ලෙස මිනී පෙට්ටි තොගයක් ලොරියක ප්රවාහනය කරමින් තිබියදී අත්අඩංගුවට ගත් බව බණ්ඩාරගම පොලිසිය පවසනවා.
බණ්ඩාරගම පොලිසියේ රථවාහන අංශයේ නිලධාරීන් බණ්ඩාරගම නගරයේ රථවාහන රාජකාරියේ යෙදී සිටියදී පානදුර දෙස සිට අන්තරාදායක ලෙස පැමිණි ලොරි රථය නවතා සිදුකළ පරික්ෂාවේදී ඉතා අනතුරුදායක ලෙස මිනී පෙටිටි 50ක් එක පිට එක පටවා තිබෙන අයුරු දැක ගත හැකි වූ බව පොලිසිය සඳහන් කරනවා.
පොලිසිය පැවසුවේ බණ්ඩාරගම නගරයේ ආවරණය වන පරිදි යොදා තිබෙන සංඥා පුවරු වලද ගෑවෙන නොගෑවෙන තරමට මෙම මිනිපෙට්ටි පටවා තිබූ බවයි.
එම රථයේ රියදුරුගෙන් සිදුකළ ප්රශ්න කිරීමේදී පානදුර අළුබුමුල්ලේ සිට මූලතිව් දක්වා මෙම මිනිපෙට්ටි තොගය ප්රවාහනය කරන බව පවසා තිබෙනවා.
අන්තරාදායක ලෙස මිනීපෙට්ටි තොගයක් ප්රවාහනය කිරීමේ චෝදනාව යටතේ අධිකරණයට කරුණු වාර්තා කිරීමට නියමිතයි.
