විශේෂ කාර්ය බලකාය දඹුල්ල කඳවුරේ නිලධාරීන්ට ලද තොරතුරකට අනුව විශේෂ කාර්ය බලකා නිලධාරීන් කණ්ඩායමක් විසින් 2023.11.10 වන දින මහවෙල පොලිස් වසමේ කළුගහපිටිය වත්ත, මහවෙල ප්‍රදේශයේ දී වැටලීමක් සිදුකර ඇත.
එහි දී බලපත්‍ර නොමැතිව ඇමරිකාවේ නිෂ්පාදිත බෝර 12 පතරොම් යෙදිය හැකි තුවක්කුවක්, සන්තකයේ තබාගෙන සිටි ලග්ගල ප්‍රදේශයේ පදිංචි වයස අවුරුදු 59 ක පුද්ගලයකු අත්අඩංගුවට ගෙන වැඩිදුර විමර්ශන කටයුතු සඳහා මහවෙල පොලිස් ස්ථානය වෙත භාර දී ඇත.
විශේෂ කාර්ය බලකාය දඹුල්ල කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී ජ්‍යෙෂ්ඨ නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි කලාප අණදෙන නිලධාරී ජ්‍යෙෂ්ඨ පොලිස් අධිකාරී නිෂේධ ප්‍රනාන්දු මහතාගේ අධික්ෂණය මත සහකාර පොලිස් අධිකාරී අබේරත්න මහතාගේ මෙහෙයවීමෙන් විශේෂ කාර්ය බලකාය දඹුල්ල කඳවුරේ දෙවන අණදෙන නිලධාරී පොලිස් පරික්ෂක කේ.ජී.ආර්. උදය කුමාර ඇතුළු නිලධාරීන් කණ්ඩායමක් විසින් මෙම වැටලීමක් සිදුකර ඇත.
(අම්බලන්ගොඩ-අනුරාධ ප්‍රියදර්ශන)
