අප්‍රේල් 22 වන දා කුලියාපිටිය පොලිස් වසමේ වෙරළුගම ප්‍රදේශයේ පදිංචි වයස අවුරුදු 31ක පුද්ගලයෙකු පැහැරගෙන යාමේ අපරාධයට අවශ්‍ය කරන වෑන් රථයක් සහ සැකකරුවන් අත්අඩංගුවට ගැනීම සඳහා පොලිසිය මහජන සහය පතයි.
පොලිසිය සඳහන් කළේ, සැකකරුවන් මෙම ප්‍රදේශයෙන් පළා යාම සඳහා කුලී රථ ආයතනයකින් ලබා ගන්නා ලද බවට අනාවරණය වී ඇති අංක NW PK-0125 දරන සුසුකි එව්රි වර්ගයේ සිල්වර් පැහැති වෑන් රථය අත්අඩංගුවට ගැනීම සඳහා විමර්ශන සිදු කරන බව ය.
මෙම වෑන් රථය හා සැකකරුවන් සම්බන්ධයෙන් යම් තොරතුරක් වෙතොත් පහත දුරකතන අංක වෙත දැනුම් දෙන ලෙස පොලිසිය මහජනතාවගෙන් ඉල්ලා සිටියි.
දුරකතන අංක:
ජ්‍යෙෂ්ඨ පොලිස් අධිකාරි / කුලියාපිටිය – 0718591260
ස්ථානාධිපති/ කොට්ඨාස අපරාධ විමර්ශන කාර්යාංශය 0773528325
