කිලිනොච්චිය,කොකාවිල් ප්රදේශයේ අද(26) උදැසන සිදුවු රිය අනතුරකින් යුධ හමුදා සෙබළෙකු ජිවිතක්ෂයට පත්ව තවත් යුධ හමුදා සාමාජකයින් තිදෙනෙකු තුවාල ලබා ඇති බව මාන්කුලම පොලිසිය පවසයි.
පොලිසිය පැවසූවේ කොකාවිල් ප්රදේශයේ යාපනය නුවර ප්රධාන මාර්ගයේදී යුධ හමුදා කැබ් රථයක් හා ලොරි රථයක් එකිනෙක ගැටීමෙන් අනතුර සිදුව ඇති බවයි.
මානකුලම දෙස සිට පැමිණි යුධ හමුදා කැබ් රථයක් කොකාවිල් ප්රදේශයේ යුධ හමුදා කඳවුරකට හැරවීමට යාමේදී,යාපනය දෙස සිට වවුනියාව දෙසට ගමන්ගත් ලොරි රථයක් අදාළ කැබ් රථයේ ගැටී ඇති බවයි.
අනතුරින් යුධ හමුදා සාමාජිකයෙකු අදාළ ස්ථානයේදීම ජිවිතක්ෂයට පත්ව ඇති අතර, තුවාල ලැබු යුධ හමුදා සාමාජිකයින් තිදෙනෙකු කිලිනොච්චිය රෝහලට ඇතුළත් කොට ඇති බවද පොලිසිය පැවසූහ.
කිලිනොච්චිය රෝහල් ආරංචි මාර්ග පැවසූවේ තුවාලකරුවන්ගේ තත්වයද තරමක් බරපතල බවයි.
අනතුර සම්බන්ධයෙන් මාන්කුලම පොලිසිය වැඩිදුර පරීක්ෂණ මෙහෙයවයි.
(වවුනියාව මාධව කුලසූරිය)
