පාසල් සිසුන්ගෙන් ලක්ෂ 6ක පිරිසක් උදෑසන ආහාර වේල නොගෙන පාසල් පැමිණෙන බව අනාවරණය වෙනවා.
ඒ බව අනාවරණය වන්නේ ක්රම සහ විධි පිළිබඳ පාර්ලිමේන්තු කාරක සභාවෙ දී යි.
පාසල් දරුවන්ට ආහාර ලබාදීමේ වැඩපිළිවෙළ ක්රියාත්මක කිරීමෙන් පසු දරුවන් පාසලට පැමිණීම වැඩි වී ඇතැයි එම කාරක සභාවේ දී තොරතුරු වාර්තා වී තිබෙනවා.
ප්රාථමික ශ්රේණිවල පාසල් දරුවන්ට ආහාර ලබා දීමේ වැඩපිළිවෙළේ ප්රගතිය සම්බන්ධයෙන් වර්තාවක් ලබා දෙන ලෙස ක්රම හා විධි පිළිබඳ කාරක සභාව අධ්යාපන අමාත්යාංශයට දැනුම් දුන් බවයි කියන්නේ.
පාසල් දරුවන්ට ලබාදෙන ආහාර වේල සඳහා වසරකට රුපියල් කෝටි 1600කට වැඩි මුදලක් වැය වන බව මෙහිදී වාර්තා වී තිබුණා.
මේ නිසා පාසල් සිසුන්ට ආහාරවේලක් ලබාදීමේ වැඩපිළිවෙළ සඳහා ආධාර ලබාදීමට කැමති විදෙස්ගත ශ්රී ලාංකිකයන් සඳහා විධිමත් ක්රමවේදයක් සකසන ලෙසද කමිටුව උපදෙස් දුන් බව පැවසෙනවා.
