Connect with us

Article

දශක හතක් සොරා කෑ පාලකයින් ! – (වික්ටර් අයිවන්)

රටේ ඇතිවූ බංකොලොත් භාවයට බලපෑ ඇත්ත හේතුව නිදහසින් පසුව මේ දක්වා රට පාලනය කළ සියළුම පාලකයින් රටේ වස්තුව සොරා කෑම නිසා ඇතිවී තිබෙන සුවිශේෂ තත්වයක් යන්න ජන මනසට තදින්ම කාවද්දා තිබෙන මතයකි.

එම මතය රට බංකොලොත් තත්වයකට පත්වීමත් සමග රටේ රජකළ අරාජක වටපිටාව තුළ ජවිපෙ වර්ධනය කර ගනිමින් තිබු දේශපාලන බලය ප්‍රයෝජනයට ගනිමින් එම පක්ෂය විසින් අර්බුදයෙන් විකල්වී තිබුණු සමාජ මනසේ පැළ කරන ලද නරුම මතවාදයක් ලෙස සැළකිය හැකිය.

ඒ මතවාදය වැඩියෙන්ම බලපා තිබෙන බව පෙනෙන්නේ තරුණ පරපුර කෙරෙහිය. එම මත වාදය ජවිපෙ තම ප්‍රතිපක්ෂ කෙරෙහි ජනතාව තුළ වෛරයක් හා පිළිකුලක් ඇති කරමින් තමන්ට තිබෙන පිළිගැනීම ශක්තිමත් කරගැනීමේ අරමුණින් සමාජගත කර තිබෙන මතවාදයක් ලෙස ද සැළකිය හැකිය.


ප්‍රජාතන්ත්‍රවාදි දේශපාලන ක්‍රමයක් තුළ ඕනෑම දේශපාලන පක්ෂයකට ප්‍රතිපක්ෂ විවේචනය කිරීමේ හා ඔවුන්ගේ හොඳ නරක විග්‍රහ කිරීමේ අයිතිය තිබෙන්නේය.

එහෙත් එම විවේචනයන් හා විග්‍රහයන් සිදුවිය යුත්තේ සත්‍ය හා සාධාරණ පදනමක් මත පිහිටාය. නිදහසින් පසු රට පාලනය කල ඩී. එස්. සේනානායක, ඩඩ්ලි සේනානායක, ජෝන් කොතලාවල, එස්. ඩබ්ලිව්. ආර්. ඩී. බණ්ඩාරණායක හා සිරිමා බණ්ඩාරණායක යන රාජ්‍ය පාලකයින්ට දේශපාලනයේ ඔවුන් දරන ආකල්ප වලදී යම් යම් සීමීතකම් තිබුණා වුවත් කවර මට්ටමකින්වත් ඒ කිසිවකු තමන්ට තිබුණ රාජ්‍ය බලය වැරදි ලෙස ප්‍රයෝජනයට ගෙන රටේ වස්තුව සොරකම් කළ පාලකයින් ලෙස සැළකිය නොහැකිය.

ඩී. එස්. සේනානායක හා ඔහුගේ පුත් ඩඩ්ලි සේනානායක පවුලට 1927 වන විට තිබුනු වතු ඉඩම් ප්‍රමාණය මයිකල් රොබට්ස් ඉදිරිපත් කර තිබෙන ගණන් හිලව් වලට අනුව අක්කර 1,414 කි. එම පවුලට ලොකු නාගරීක දේපල හිමිකමක්ද තිබුණි. ඊට අතිරේකව එම පවුලට අබේපුස්ස, මීරිගම හා පුස්සහේව යන ප්‍රදේශවල ලොකු මිනිරන් පතල් තුනක්ද තිබුණි.

මීරිගම පතලේ පමණක් වැඩ කල කම්කරුවන්ගේ සංඛ්‍යාව 3,000 කි. ඩී. එස්. ගේ බෑනා කෙනෙකුද වූ ජොන් කොතලාවලගේ පියා විවාහ වී තිබුණේ වයඹ පලාතේ ලොකුම ධනවතා වූ චාලස් ආටිගලගේ වැඩිමහල් දියණිය සමගය. කොතලාවලගේ පියාගේ මරණයෙන් පසු කොතලාවල ගේ මවගේ නමට පමණක් තිබූ වැවිලි ඉඩම් ප්‍රමාණය අක්කර 2,058 කි.

එම අගමැතිවරුන් තිදෙනාටම (ඩී.එස්. , ඩඩ්ලි හා කොතලාවල) ධනවත් පවුල් පසුබිමක් තිබුණු අතර ජාතික මට්ටමින් දේශපාලන කටයුතු සඳහා යන වියදම් දරාගැනීමේ ආර්ථික ශක්තියක් ද තිබුණි. දෘෂ්ටිය අර්ථයෙන් සීමාසහිත කම් තිබුණා විය හැකිවුවත් මා දන්නා තරමින් එම නායකයින් තිදෙනාගේ පාලන කාල තුළ ඔවුන් දේශපාලන බලය යොදා ගෙන අයථා ලෙස ධනය උපයාගත් බව පෙන්නුම් කරන කිසිදු සාක්ෂියක් නැත.

එම පවුල් දෙකම බ්‍රිතාන්‍ය පාලන යුගය තුළ විවිර වී තිබූ ආර්ථික ඉඩ ප්‍රස්ථා ප්‍රශස්ත ලෙස ප්‍රයෝජනයට ගැනීම මගින් ධනවත් වූ සාමාන්‍ය පවුල් දෙකක් ලෙසද සැළකිය හැකිය. අගමැති බණ්ඩාරණායකගේ හා අගමැති සිරිමා බණ්ඩාරණායකගේ තත්වය ඊට වෙනස් විය. ඒ දෙදෙනාට රදල ඉඩම් හිමි පවුල් පසු බිමක් තිබුණද සේනානායකවරුන්ට මෙන් ධනවත් ව්‍යාපාරික පසුබිමක් නොතිබුණි.

මයිකල් රොබට්ස් ගේ ගණන් හිලව් වලට අනුව බණ්ඩාරණායකගේ පියාගේ නමට (මහමුදලි) තිබූ ඉඩම් ප්‍රමාණය අක්කර 1,831 කි. ඔහු ඉතා වියදම් අධික ජේත්තුකාර ජීවිතයක් පවත්වාගෙන ගිය මහමුදලි වරයෙකි. ලංකාවේ හොඳම විස්කි එකතුව තිබුනේ ඔහු ලඟය. එහෙත් ඔහුගේ ජීවිතේ අවසන් කාලය වන විට ඔහු ආර්ථික අමාරුකම් මැද ජීවත්වන කෙනෙකු බවට පත්ව තිබුණි.

S. W. R. D. බණ්ඩාරණායක නමට ඉඩම් තිබුණද ඒවා සේනානායක වරුන්ට තිබූ ඉඩම් මෙන් සරු ආදායම් උපයන වාණිජ වැවිලි ඉඩම් නොවීය. ඒ නිසා 1956 මැතිවරණයට අවශ්‍ය වියදම් සොයා ගැනීම සදහා රොස්මිඩ් පෙදෙසේ තිබූ සිය නිවස ලංකා බැංකුවට උකස් කොට රුපියල් ලක්ෂ දෙකක ණයක් ලබාගැනීමට බණ්ඩාරණායකට සිදු විය.

මොරින් සෙනවිරත්න ලියා තිබෙන සිරිමා බණ්ඩාරණායක චරිතාපදානයේ එන තොරතුරු වලට අනුව එම උගස බේරා ගැනීම සඳහා ගත වී තිබෙන කාලය අවුරුදු 25 කි. එම නායක දෙපළ අතින් භාෂා විෂයෙහි දී දෙමළ ජනතාවට සිදු වී තිබෙන හානිය අති විශාල වුවත් ඒ දෙදෙනා අයථා ලෙස ධනය උපයාගැනීමට තමන්ට තිබුණු දේශපාලන බලය යොදාගත් බවට සාක්ෂි නැත.

පොදු දේපළ විෂයෙහි අයුතු අත්පත් කර ගැනීම් ඇති වෙමින් එය ක්‍රමයෙන් ලොකු ප්‍රවාහයක් බවට පත්වන්නේ ආර්ථිකය නිදහස් වෙළඳපොල ආර්ථිකයක් බවට පත් කිරීමෙන් පසු හා එතෙක් පැවති පාර්ලිමේන්තු ආණ්ඩු ක්‍රමය 1977 දී ජනාධිපති ආණ්ඩු ක්‍රමයකට පරිවර්ථනය වී ජනාධිපති නීතියට ඉහළින් සිටින තත්වයක් ඇතිවීමෙන් පසුවය. ඒ මගින් ගජමිතුරන්ට අනුග්‍රහය දක්වන ක්‍රමයක් ස්ථාපිත වී පසුව එම ක්‍රමය අන් අය පමණක් නොව රාජ්‍යය නායකයා ද අයුතු ලෙස ලාභ ලබන ක්‍රමයක් බවට පරිවර්ථනය විය.

මේ විෂයේදී 1977 න් පසු බලයට පත් සියළුම ජනාධිපතිවරුන් ඉන්නේ අඩු වැඩි ප්‍රමාණයකට චෝදනා එල්ල කල හැකි තත්වයකය. දූෂණය දේශපාලකයින්ට පමණක් සීමා නොවූ සමස්ථ ලංකා සමාජයම වෙලාගෙන තිබෙන බිහිසුණු පිළිකාවක් ලෙස සැළකිය හැකිය. පිළිකාවේ ව්‍යාප්‍තිය කොතරම් දුර ගොස් තිබෙනවාද කියතොත් දැන් ප්‍රශ්නය තිබෙන්නේ ජයගැනීම පහසු නැති තරමට දුර ගිය සංකීර්ණ තැනකය.

ඒ ප්‍රශ්නය ගැන මහජනයා දැනුවත් කිරීම ඉතා වැදගත් වුවත් සියළු පරණ පාලකයින් කෙරෙහි වෛරයක් හා ක්‍රෝධයක් ඇති කිරීම එම ප්‍රශ්නයට පිළිතුරක් වන්නේ නැත. නිදහසින් පසු බලයට පැමිණි නායකයින් ඊට පෙර බලයේ සිටි බ්‍රිතාන්‍ය පාලකයින් පවත්වාගෙන ගිය දියුණුව අඛණ්ඩ ලෙස ඉදිරියට ගෙන යාමට සමත් වී නැති බවට චෝදනා කල හැකි වුවත් නිදහසින් පසු එළඹෙන යුගය මුළුමනින් එකතැන පල්වෙන තත්වයක පැවති යුගයක් ලෙස ද සැළකිය නොහැකිය.

නිදහසින් පසු බලයට පත්වන දේශීය නායකයින් දියුණු ආකල්ප සහිත පරිණත නායකයින් වී නම් ලංකාව හිමිකරගනා දියුණුව දැන් හිමිකරගෙන තිබෙන දියුණුවට වඩා විශාල හා වේගවත් වන්නට ඉඩ තිබුණි. එවැනි සීමිත කම් තිබියදීත් නිදහසින් පසුව ලංකාව එකතැනක පල්වෙන තැනක නොතිබුණු බව හා සැලකිය යුතු තරමේ දියුණුවක් හිමිකර ගෙන තිබෙන බව අමතක නොකල යුතුය.

ඒ සදහා දැක්විය හැකි තෝරාගත් දර්ශක කිහිපයක් මෙසේය. 1948 ලංකාවේ සාක්ෂරතාව 35% කි. 1994 99% කි. ආයු අපේක්ෂාව 1948 දී අවුරුදු 54 කි. 1994 දි අවුරුදු 75 කි. ළදරු මරණ අනුපාතිකය 1948දී උපත් 1,000 ක් සඳහා මරණ 42 කි. 1994 දී එය මරණ 17 කි. රටේ සහල් නිෂ්පාදනය 1948 දී 36% ව තිබී 1994 දී 100% කි. වී අස්වැන්න හෙක්ටයාර් එකකට එම කාලය තුළ කිලෝ ග්‍රෑම් 600 සිට 3600 දක්වා වර්ධනය වී තිබේ. ඒක පුද්ගල ආදායමද මේ කාලයේදී රුපියල් 251 සිට රුපියල් 29,656 දක්වා වර්ධනය වී තිබේ. රටේ ඇතිවූ මහා බිඳවැටීම කෙරෙහි ජේවීපිය හා එල්ටීටිය ඔවුන්ගේ ප්‍රචණ්ඩ කැරලි මගින් ලබා දී තිබෙන දායකත්වයේ ප්‍රමාණය සම්ප්‍රදායික දේශපාලන පක්ෂ ඔවුන් කර තිබෙන වැරදි ආශ්‍රයෙන් ලබා දී තිබෙන දායකත්වයේ ප්‍රමණයටත් වඩා විශාලය.

සියළුම පරණ පාලකයන් දූෂිතයන් ලෙස චෝදනා කරන ජවිපෙද එම විෂයේදී සිය දීර්ග ඉතිහාසය තුළ අවංක හා ගෞරවයට හේතුවන පිරිසිදු පැවැත්මක් පෙන්නුම් කිරීමට සමත් වූ පක්ෂයක් ලෙස සැළකිය නොහැකිය. එම පක්ෂයේ නායකයින්ද පක්ෂයට ලැබුණ ලොකු අර්මුදල් වංචා කල කල අවස්ථා තිබෙන්නේය.

එතරම් ප්‍රකට නැති එක නිදර්ශනයක් මෙසේය. අපරාධ යුක්ති කොමිසන් සභා පනත අහෝසි කොට ජීවිතාන්තය දක්වා වන සිරිදඩුවමක් විඳිමින් සිටි විජේවීර හා ඊට වඩා අඩු සිරදඩුවම් විඳිමින් සිටි 71 කැරැල්ලේ සිරකරුවන් 125 ක් (මා අයත් වුයේද එම කණ්ඩායමටය) 77 බලයට පත් ජේ. ආර්. ආණ්ඩුව විසින් නිදහස් කරන ලද්දේ 1977 නොවැම්බර් 02 වනදාය. නිදහස් ලෝකයට ඒ මෙන් පසු තමන්ට ලබාදෙන ලද නිදහස ගැන ස්තූති කරන අතර වෛද්‍ය පරීක්ෂණයකට එක්සත් රාජධානියට යාමට අවසර ලබාගැනීම සඳහා ජේ. ආර්. ජයවර්ධන හමුවීමට විජේවීරට අවශ්‍ය වී ඔහු ඒ බව ප්‍රින්ස් ගුණසේකරට දැනුම් දුන්නේය.

ප්‍රින්ස් ඒ ගැන නිවාස ඇමති ආර්. ප්‍රේමදාසට දැනුම් දී ප්‍රේමදාස මගින් විජේවීර හමුවීම සඳහා ජේ. ආර්. ගෙන් දිනයක් හා වේලාවක් ලබාගත්තේය. ජේ. ආර්. ගේ වෝඩ් ප්ලෙස් නිවසේ සවස් කාලයක පැවති මේ ඓතිහාසික හමුවට විජේවීරට අතිරේක වශයෙන් ආර්. ප්‍රේමදාස හා ප්‍රින්ස් ගුණසේකරද සහභාගි විය.

පැය දෙකක් පමණ කාලයක් තිස්සේ කෝපි බොමින් කෙරුණ මේ සාකච්ඡාව ගැන විස්තරයක් ප්‍රින්ස් ගුණසේකරගේ “A Lost Generation – The Untold Story” යන පොතට (එය ලංකාවේ ගොඩගේ ප්‍රකාශකයින් පළකර තිබෙන පිටු 776 ක පොතකි) ඇතුළත්ව ඇතත් එම සාකච්ඡාව සිදුවූ දිනය එහි සදහන් වන්නේ නැත. පසු කාලෙක මෙම නායකයින් දෙපළ (ජේ. ආර්. හා විජේවීර) අතර වෛර සහගත බිහිසුණු ගැටුමක් ඇතිකර ගත්තද විජේවීර නිදහස් කොට කලක් යන තෙක් ඒ දෙදෙනා අතර නැතිනම් විජේවීර හා එම ආණ්ඩුව අතර මනා සහයෝගයකින් ක්‍රියාකරන තත්වයක් පැවති බව ප්‍රින්ස්ගේ එම පොතේ එන කරුණු අනුව පෙනී යයි. එසේම 1982 ජනාධිපතිවරණයේ ප්‍රතිඵල ප්‍රකාශ වීමෙන් පසු විජේවීරගේ හැසිරීම ගැනත්, 83 පක්ෂ තහනමෙන් පසු එම තහනම පහසුවෙන් ඉවත් කරගැනීමට පුළුවන් කම තිබියදී එසේ නොකොට සැඟවී සිටීම ගැනත් (පක්ෂ තහනමෙන් පසු විජේවීර හමුවීමට ඔහු සැඟවී සිටි ස්ථානයකට ප්‍රින්ස් ගියේය) ලියා තිබෙන්නේ කියවන්නා තුළ විජේවීර පිළිබඳව හාස්‍යය ඇති කිරීමට හේතුවන අකාරයටය.

ප්‍රතිකාර ලබාගැනීමට විදේශගත වීමට ජේ. ආර්. ජයවර්ධනගෙන් ලබා ගන්නා ලද අනුමැතියෙන් පසුව විජේවීර 1978 මැයි 29 වනදා සිට අගෝස්තු 23 අතර තුර කාලයේදී විදේශ සංචාරයක යෙදුනේය. විජේවීර එම සංචාරයේදී එක්සත් රාජධානියට, ප්‍රංශයට, රුසියාවට, කියුබාවට, පෘතුගාලට හා ඉරාකයට ද ගියේය.

ඉරාකයට ගියේ එම රටින් පක්ෂයට මූල්‍ය ආධාර ලබාගත හැකි මාර්ගයක් විවර කරගැනීමේ අරමුණින් සදාම් හුසේන් ගේ බාත් පක්ෂය සමග සාකච්ඡා කිරීම සදහාය. එම හමුව විජේවීරට සූදානම් කරදී තිබුණේ ලංකාවේ ඉරාක තානාපති කාර්‍යාලය සමග සාකච්ඡා කොට ලයනල් බෝපගේ විසිනි.

විජේවීර ගේ එම සාකච්ඡාවෙන් පසුව විජේවීර නැවත ලයනල් බෝපගේ සමග එහි ගොස් දෙවැනි සාකච්ඡාවක් ද පවත්වා තිබේ. ඉරාකයට සහාය පිණිස ඉරානයට එරෙහිව (ඒ වන විට ඉරාකය හා ඉරානය අතර ලොකු යුද්ධයක් ආරම්භ වී තිබුණි) ජවිපෙ ලංකාව තුළ ඉරාකය දෙනු ලබන ඇනවුම් අනුව ඉරානයට එරෙහිව ඉරාකය වෙනුවෙන් කරන වැඩ සඳහා ජවිපෙට මුදලින් ගාස්තුවක් ගෙවීමට ඉරාක බලධාරින් එහිදී එකඟ වී තිබේ. ඉරාකය වෙනුවෙන් ජේවීපිය කළ යුතුව තිබුණ වැඩ වුයේ ඉරාක තානාපති කාර්‍යාලය ලබා දෙන ඉරාන විරෝධි පෝස්ටර් ලංකාවේ ඇලවීම, ඉරාන තනාපති කාර්‍යාලය ඉදිරිපිට ඉරාන විරෝධි උද්ඝෝෂණ ව්‍යාපාර මෙහෙය වීම යනාදියයි.

එක අවස්ථාවකදී තේ කොළ රැගෙන යාමට කොලඹ වරායට පැමිණි ඉරාන නැවක් ගිනි තැබීම සඳහා ලැබුණු ඉරාක ඇනවුමක්ද සම්පූර්ණ කරදීමට එම පක්ෂ නායකයින් බාර ගත්තේය. ආපසු යන නැවට ගිනිබත් කරවීමේ වගකීම බාර දී තිබෙන්නේ උපතිස්ස ගමනායකට ය. එය අකුරටම ඉටු කරවා දීමට ගමනායක සමත් විය. ජවිපෙ මේ වැඩ ඉරාකය වෙනුවෙන් කර දෙන ලද්දේ කුලී පදනමක් යටතේය.

ඉරාකයට කර දෙන ලද මෙම වැඩ වෙනුවෙන් ලංකාවේ ඉරාක තානාපති කාර්‍යාලය ජවිපෙට කොටස් වශයෙන් ලොකු ගෙවීමක් සිදු කළේය. විටින් විට ලංකාවේ ඉරාක තනාපති කාර්‍යාලයට ගොස් ඉරාකය වෙනුවෙන් පක්ෂය කරන ලද වැඩ වෙනුවෙන් ලැබිය යුතු ගෙවීම් (මුදල්) එම පක්ෂය වෙනුවෙන් අත්සන් කොට බාරගෙන තිබෙන්නේ විජේවීරය. විජේවීර සමග මුදල් ලබාගැනීම සදහා එම තානාපති කාර්‍යාලයට ගිය ගමන් වලට ලයනල් බෝපගේද සහභාගි වී තිබෙන අතර සමහර ගමන්වලට දයා වන්නිආරච්චි හා මහින්ද පතිරණ ද සහභාගි වී තිබේ.

එසේ විටින් විට ලබාගන්නා ලද මුදල් වල මුළු වටිනාකම කොතරම් දැයි පැහැදිලි නැතත් ලබාගත් මුදල්වල විටිනාකමේ ප්‍රමාණය ගැන දළ අදහසක් ඇති කර ගැනීම සඳහා එම මුදල්වලින් කරන ලද වැඩ ගැන දිය හැකි අසම්පූර්ණ ලැයිස්තුවක් මෙසේය.


(1) විජේවීර පාවිච්චිකල Peugeot 504 වර්ගයේ කාර් දෙක මිලදී ගැනීම – 31 ශ්‍රී 2175 හා 31 ශ්‍රී 5049
(2) 29 ශ්‍රී 1371 දරණ බස් රථය මිලදී ගැනීම
(3) 27 ශ්‍රී 372 දරණ වෑන් රථය මිලදී ගැනීම
(4) ඩැට්සන් නිසාන් පිකප් වාහනය මිලදී ගැනීම
(5)විමුක්ති ගී සංදර්ශනය සඳහා යොදාගත් සංගීත භාණ්ඩ මිලදී ගැනීම
(6) රත්මලානෙන් මිලදී ගත් ඉඩම
(7) කොහිලවත්තේ අංක 114 යන ස්ථානයේ තිබූ ජවිපෙ ඕෆ්සෙට් මුද්‍රණාලය මිලදී ගැනීම
(😎 1982 ජනාධිපතිවරණයට කරන ලද වියදමෙන් වැඩි පංගුවක් දරා තිබෙන්නේද එම අරමුදල් වලිනි.

ජේවීපියට යහමින් සල්ලි තිබුන මේ කාලයේදී කිසියම් මුදල් ප්‍රමාණයක් තෝරාගත් නායකයින් කිහිප දෙනෙකු ලඟ ආරක්ෂාවට තබා තිබියදී එම නායකයින්ට බාර දෙන ලද මුළු මුදල හෝ මුළු මුදලින් කොටසක් අතුරුදහන්වී ඇති බවට දේශපාලන මණ්ඩලයට වාර්තා වීම නිසා එම වරදට සම්බන්ධකමක් නොතිබූ දේශපාලන මණ්ඩල සාමාජිකයින් අතර ලොකු කලකිරීමක් ඇතිවී තිබේ. ආරක්ෂාව සඳහා විජේවීර තමන් වෙත තබාගැනීමට බාරගෙන තිබී ඇති මුදල රුපියල් ලක්ෂ හයකි. සෝමවංස අමරසිංහ බාරගෙන තිබී ඇති මුදල ලක්ෂ පහකි. ශාන්ත බණ්ඩාර බාර ගෙන තිබී ඇති මුදල ද ලක්ෂ පහකි. මේ කාලයේදී විජේවීර බ්‍රෑන්ඩ් නිව් ෆෝඩ් ලේසර් මෝටර් රථක් මිලදී ගත් මිල රුපියල් දෙලක්ෂ පනස් දහසකි. එය ඒ කාලේ මුදල් වල විටිනාකමේ තරම පෙන්නුම් කිරීම සඳහා දිය හැකි නිදර්ශනයකි. විජේවීර ලඟ ආරක්ෂාව සඳහා තබන ලද මුළු මුදලම නැතිවී තිබුණි.

විජේවීර නිදහසට කියා ඇත්තේ ඉන් රුපියල් ලක්ෂයක් මොරටුවේ කුසුම්සිරි නැමැත්තෙකු සොරාගෙන ඇති බවත් ඉතිරි මුදල මහනුවර පැවිලියන් හෝටලේ අයිතිකරු ආපසු ලබාදෙන පොරොන්දුව මත ලබාගත්තත් ඔහුද එම මුදල් ආපසු ලබා නොදුන් බවය.

සෝමවංශ අමරසිංහ සිය අක්කා ලඟ තබන ලද මුදලින්ද ලොකු පංගුවක් අතුරු දහන් වී තිබුණු අතර ශාන්ත බණ්ඩාර ලඟ තබන ලද මුදල් වලින්ද ලොකු පංගුවක් අතුරු දහන්වී තිබේ. ගාමිණී මුතුකුමාරණ ලියා තිබෙන පොතේද (මතක ගිනි පුපුරු සෝමවංශ අමරසිංහගේ අක්කා ලඟ හා ශන්ත බණ්ඩාරගේ තාත්තා ලඟ ආරක්ෂාවට සඟවා තබන ලද මුදල් අතුරු දහන් වී තිබෙන බව සඳහන් වෙතත් ආරක්ෂාව සඳහා විජේවීර ලඟ තබන ලද මුදල් අතුරු දහන් වීමේ කථාව සඳහන් වන්නේ නැත. මේ තොරතුරු දැන සිටියේ දේශපාලන මණඩල සමාජිකයින් පමණය. එකල දේශපාලන මණ්ඩලය සමන්විත වුයේ විජේවීර, ගමනායක, බෝපගේ, දයා වන්නිආරච්චි, වාස් තිලකරත්න, බණ්ඩාර තෙන්නකෝන් හා සෝමරත්න කළුආරච්චි යන අයගෙනි.

මේ කාලයේදී පක්ෂයේ ඉහල නායකයින්ට මුදල් වංචා චෝදනා පමණක් නොව පක්ෂයේ කාන්තාවන්ගෙන් අයුතු ප්‍රයෝජන ලබා ගැනීම් ගැන චෝදනා ද එල්ල වී තිබුණි. ඒ විෂයේදී ද මුතු කුමාරණගේ පොතේ ඒ ගණයට වැටෙන පක්ෂයේ විවිධ පුදගලයින් ගැන සදහන් වෙතත් විජේවීරට අදාල හලාවත මොරින්ගේ කථාව මුළුමනින් වසන් කර තිබෙන බව පෙනේ. ලයනල් බෝපගේ ” ඔබ නොදත් ජවිපෙ දැන ගතයුතු ඉතිහාසය” යන තේමාවෙන් නිකුත් කර තිබෙන වීඩියෝවකින් විජේවීරට එරෙහිව හලාවත මොරින් ගේ සම්බන්ධයට අදාලව මතුවී තිබූ විනය පරීක්ෂණය ගැන කථා කර තිබුණි. විජේවීර මොරින් සමග ඇති කරගෙන තිබුණ සම්බන්ධය නිසා තමන්ට පියදාස රණසිංහ සමග විජේවීරට එරෙහිව විනය පරීක්ෂනයක් පවත්වන්නට සිදුවූ බවත් එම විනය පරීක්ෂනයෙන් විජේවීර වැරදිකරු කරනු ලැබුවත් පක්‍ෂයෙන් නෙරපා හරින පිළිවෙතක් අනුගමනය නොකලේ පක්ෂ නිර්මාතෘ පක්ෂයෙන් නෙරපා පක්ෂය පවත්වාගෙන යාමට හැකියාවක් නොතිබූ නිසා බවත් ඔහු එහි කියා තිබෙන්නේය.

මොරින්ගේ කථාව ඔහු කියා ඇත්තේ සමහර කරුණු හෙළිකරන අතර තවත් සමහර කරුණු වසං කරන ආකාරයටය. මොරින්ගේ ස්වාමි පුරුෂයා හලාවත ජවිපෙ උද්‍යෝගිමත් පූර්ණ කාලින ක්‍රියාදරයෙකු විය. විජේවීර මොරින්ව හඳුනා ගෙන තිබුනේ ඇගේ ස්වාමි පූරුෂයා මඟිනි. මේ කාන්තාව ගැන විශේෂ ඇල්මක් විජේවීර තුල ඇතිවී ඇය තමන් ලඟ වැඩ කරන්නට ගෙන්වා ගෙන තිබෙන්නේ ඇගේ ස්වාමි පුරුෂයාගේද අනුමැතිය ඇතිවය. විජේවීර ඇය සිය ලිංගීක ආශාවන් සපුරාගැනීම සඳහා ප්‍රයෝජනට ගනිමින් සිටින බව මොරින්ගේ ස්වාමි පුරුෂයාට දැනගන්නට ලැබී ඒ ගැන සිය බිරිඳගෙන්ද ප්‍රශ්න කිරීමෙන් පසුව ඒ නිසා ඇතිකරගත් මහත් කෝපයකින් යුතුව ඔහු විජේවීරට එරෙහිව පක්ෂයට පැමිණිළි කලේය.

ඒ සමඟ ඔහු තම දුක්ගැනවිල්ල තමන් දන්නා හඳුනන පක්ෂයේ පූර්ණ කාලීනයින්ටද කීවේය. පක්ෂයට විජේවීරට එරෙහිව විනය පරීක්ෂනයකට යන්නට සිදුවූයේ මොරින්ගේ ප්‍රශ්නය පක්ෂයේ සමහර අංශවල බලවත් ලෙස කථා බහට හේතුවී තිබුණ ප්‍රශ්නයක් බවට පත්ව තිබීම නිසාය. කලක් දේශපාලන මණ්ඩලයේ සාමාජිකයෙකු ලෙස ක්‍රියා කල වාස් තිලකරත්නව දෙවරක් (වරක් මොණරාගල දී ද තවත් වරක් බදුල්ල රෝහලේ දී) වෙඩි තබ්බවා මැරවීමට විජේවිර ඇතුළු එම පක්ෂයේ සමහර නායකයින්ට අවශ්‍ය වූ යේද ඔහු ප්‍රධාන කොට ඉරාක මුදල් අතුරු දහන් වීමේ කථාව හා මොරින්ගේ කථාව පිටස්තර අයට දැනගන්නට සැලැස් වීම නිසාය. පක්ෂයේ ඉහල නායකයින් අතර ඇතිවී තිබුන එම විනය පිරීහීම පකෂ තහනම් කිරීමෙන් පසුව හා දෙවැනි කැරැල්ල කාලයේදීද නොකඩවා වර්ධනයවී ගලායන තත්වයක පැවතුණි.

බැංකු, රාජ්‍යය හා පුද්ගලික ආයතන වල පඩි සල්ලි මංකොල්ල කෑම පක්ෂය තහනමෙන් පසු පක්ෂය නඩත්තු කිරීම සඳහා ධනය උපයාගත් ප්‍රධාන මාර්ගය බවට පත්වී තිබුණි. මුදල් මංකොල්ල කෑමේ අරමුණ සඳහාම රාගම සෝමසිරිගේ නායකත්වයෙන් විශේෂ ඒකකයක්ද පක්ෂය පවත් වාගෙන ගියේය. ධර්මන් වික්‍රමරත්න “ජවිපෙ දෙවැනි කැරැල්ල” නැමැති පොතේ සදහන් කර තිබෙන ආකාරයට රාගම සෝමසිරි ගේ ඒකකය විසින් 1985- 1990 දක්වා කාලය තුල රාජ්‍ය බැංකු ශාඛා 62ක තිබූ මුදල් හා රන්භාණ්ඩ කොල්ල කා තිබේ. එක බැංකුවකින් කොල්ල කන ලද මුදල් හා රන් භාණ්ඩ වල සාමාන්‍ය වටිනාකම ලක්ෂ 50 ලෙස සැලකුවද (එහි සාමාන්‍ය අගය ඊට වඩා වැඩි විය යුතුය. 1989 පෙබරවාරි 8 වනදා වැල්ලවත්ත මහජන බැංකුවෙන් කොල්ල කෑ මුදල් වල වටිනාකම පමණක් රන් භාණ්ඩ වල වටිනාකම නැතුව රුපියල් දස ලක්ෂ 22 කකි) ඉන් උපයාගෙන තිබෙන ආදායම රුපියල් ලක්ෂ 3,100 ක් ලෙස සැළකිය හැකිය.

ඊට අතිරේකව එම පක්ෂය මේ කාලය තුළ වැටුප් මුදල් කොල්ල කෑම් ද 131ක් ද සිදු කර තිබෙන අතර ඒ මාර්ගයෙන්ද එම පක්ෂයට ලැබී තිබෙන අදායම අති විශාලය. විශේෂයෙන්ම දෙවැනි කැරැල්ල කාලයේදී ජේවීපී නායකයින් අත යහමින් මුදල් ගැවසෙන තත්වයක් තිබී ඇත. ඔවුන් අතට පත්වන මුදල් වල ප්‍රමාණයන් හෝ කරන වියදම් ගණන් තැබීමකට ලක් නොවීය. ගමනායකගේ චරිතාපදානය ලියා තිබෙන රෝහිත මුණසිංහ කියා තිබෙන්නේ “පක්ෂය තහනමට ලක්ව තිබු මුල් කාලයේදී පක්ෂයට මුදල් ලැබුණු මාර්ග ඇහිරීමෙන් දැඩි මූල්‍ය අපහසුතා තිබුණත් ” පසුව ඒ තත්වය වෙනස් වූ බවත් ඒ සමඟ “නායකයින්ගේ ආරක්ෂාව හා යැපීම වෙනුවෙන් කොතරම් මුදලක් වුවද වියදම් කිරීමට පක්ෂට පුළුවන් කම ලැබී තිබුණ බව”ත් ය. (161 වන පිටුව) මුදල් පරිහරනයේදී කැරැල්ල පැවති කාලයේ ක්‍රියාත්මකවූ ලිහිල් තත්වය ගැන සඳහනක් ජවිපෙ පළකර තිබෙන “1978-2012 ජවිපෙ ගමන් මග” නැමැති පොතේද සඳහන් වේ.

“අවසාන වකවානුවේදී සම්පත් හා මුදල් පිලිබඳව නිවරදි වාර්ථා නඩත්තු නොවු අතර සාමාජිකයින් තුළ එතෙක් මුදල් හා සම්පත් පිළිබඳව පවත්වාගෙන ආ දැඩි විප්ලවීය විනය හා සදාචාරය ද බරපතළ ලෙස බිඳ වැටුණු බව පෙනෙන්නට තිබේ” ( පිටුව 70) යැයි එහි සඳහන් වේ. ඉරාකයෙන් ලැබී ආරක්ෂාව සඳහා පක්ෂ නායකයින් ලඟ තබන ලද මුදල් වංචා කිරීමට ඔවුන් බිය නොවී නම් හා එය වංචාවන් හෙළිදරව් වීමෙන් පසුත් ඔවුන්ට එරෙහිව නිතිය ක්‍රියාත්මක නොවීනම් මංකොල්ල කෑම් නිසා මහා පරිමාණයෙන් පක්ෂයට මුදල් ගලා එන තත්වක් ඇතිවූ විට එම මුදල් ඔවුන් නීති ගරුකව පරිහරණය කරනු ඇතැයි සිතිය හැක්කේ කෙසේද?

මහා පරිමානයෙන් වංචා සිදුවී තිබෙන තවත් වැදගත් ක්ෂේත්‍රයක් වී තිබෙනුයේ පක්ෂය වෙනුවෙන් කෙරෙන දේපළ මිලදී ගැනීම් වලදීය. විජේවීර උළපනේ පදිංචියට යන්න පෙර නැවතුම් ගෙන සිටි ගලහ ලෙව්වේගොඩ වලව්ව මිලදී ගැනීමේදී ද ලොකු වංචාවක් සිදුවී තිබේ. ඒ ගැන රෝහිත මුණසිංහ ලියන ලද ගමනායකගේ චරිතාපදානයේ වාර්ථාකර තිබෙන්නේ මෙසේය. “ලෙව්වේගොඩ වලව්ව සහිත ඉඩම හෝ බණාඩාරවෙලම වෙන නිවසක් සහ ඉඩමක් මිලදී ගැනීමට යාමේදී බ්‍රෝකර් වරයෙකු යොදා ගත් අමරසිංහ ඔහුට ලක්ෂ ගණනක අත්තිවාරමක් ලබා දුන්නේය. එහෙත් එම ගණුදෙනුව සිදුවූයේ නැත. අමරසිංහ පක්ෂයට වාර්තා කරන්නේ ඔහු මුදල් දුන් බ්‍රෝකරයා අත්තිකාරමද ගෙන පැන ගොස් ඇති බවය. කෙසේ හෝ පසුව ලෙව්වේගොඩ වලව්ව විජේවීර සඳහා මිලදී ගැනුණි. (පිටුව 124) ජවිපෙ වෙනත් පක්ෂ මෙන් රට පාලන බලය හිමි කරගෙන රට පාලනය කල පක්ෂයක් නොවෙතත් ඉහත කරුණු අනුව එම පක්ෂය දූෂණයේ කැතකුණු ඇඟ තවරා නොගත් සුපිරිසිදු පක්ෂයක් ලෙස සැළකිය හැක්කේ කෙසේද?පක්ෂයේ අර මුදල් නායකයින් විසින් වංචාකල ඉතිහාසයකට හිමිකම් කියන පක්ෂයක් රටේ පාලන බලය ලැබුනු විට වංචාවෙන් හා දූෂණයෙන් තොරව රට පාලනය කරනු ඇතැයි විශ්වාස කල හැක්කේ කෙසේද?

එම පක්ෂය 2001 වසරේදී චන්ද්‍රිකාගේ ආණ්ඩුව අර්බුදයට ගිය අවස්ථාවේදී එම ආණ්ඩුවේ ආරක්ෂාව සඳහා පරිවාස ආණ්ඩුවක් ඇති කරගත්තේය. එය කඩා වැටෙන්නට යන ආණ්ඩුවට ගසන ලද මුක්කුවක් විය. ඉන්පසු 2004 දී චන්ද්‍රිකා ආණ්ඩුව සමග සන්ධානයකට යමින් එම සන්ධානයෙන් තරඟ කොට පාර්ලිමේන්තු ආසන 39 ක් දිනාගනිමින් එම සන්ධාන ආණ්ඩුවේ ප්‍රධාන පෙළේ ඇමති ධූර හතරක් ද හිමි කරගත්තේය.

2005 ජනාධිපතිවරණයේදී මහින්ද රාජපක්ෂගේ ජයග්‍රහනය වෙනුවෙන් අති විශාල වැඩ කොටසක් ඉටු කරන ලද අතර 2015 ජනාධිපතිවරණයේ දීද මෛත්‍රීපාල සිරිසේනගේ ජයග්‍රහනය වෙනුවෙන් ලොකු වැඩ කොටසක් ඉටු කොට යහපාලන ආණ්ඩුවේ අසාර්ථක දූෂණ විමර්ශන වැඩසටහනේ ප්‍රධාන විධායක බලයද එම පක්ෂය තමන් වෙත හිමි කරගත්තේය. (එහෙත් එම කටයුතු කලේ ප්‍රසිද්ධියේ නොව මුහුණ සඟවාගෙනය) විටින් විට මේ පක්ෂය විවිධ පුද්ගලයින් බලයට ගැනීම සඳහා දර දිය ඇදීම වෙනුවෙන් ඉරාක තානාපති කාර්‍යාලයෙන් වරදාන ලබා ගත් අකාරයටම විවිද වරදාන ලබාගත්තේය.

එසේ ලබාගත් වරදාන අතර මුදල්, පක්ෂ නායකයින්ගේ දරුවන්ට සුපිරි රැකියා, කාඩර්වරුන්ට හා ආධාරකරුවන්ට රැකියා, මුදල් උපයාගත හැකි විවිධ කොන්ත්‍රාත් යනාදිය ප්‍රධානය. 2005 ජනාධිපති වරණයේදී තමන්ගේ ජයග්‍රහනය වෙනුවෙන් කරන ලද කාර්‍ය්භාරය සලකා මහින්ද රාජපක්ෂ ජනාධිපති වරයා එම පක්ෂයට ගුවන් විදුලි විකාශණ බලපත්‍රයක් ලබා දෙන ලදී.

එම බලපත්‍රයෙන් ආරම්භ කල ගුවන් විදුලි නාලිකාව පසු කලෙක එම පක්ෂය විකුණුවේය. එය රජයේ භාණ්ඩාගාරයට යා යුතු ධනයක් පක්ෂය ට හිමිකරගත්තා හා සමානය. අධිකරණය කාබාසිනියා කළ අන්ත දූෂිත අගවිසුරුවරයෙකු වූ සරත් සිල්වා සමග පවත්වාගෙන ගිය ජුගුප්සා ජනක සම්බන්ධය දුෂණ විෂයේදී ජවිපෙට තිබුණ විකාර රූපි පැවත්ම පෙන්නුම් කල හොඳ නිදර්ශනයක් ලෙස සැළකිය හැකිය. 2010 ජනාධිපතිවරණයට පොදු අපේක්ෂකයා ලෙස මුලදී කරලියට ගෙන ඒමට ජවිපෙ තීරණ කර තිබුණේ දුෂණ විෂයේදී නාමධාරි තත්වයක් හිමිකරගෙන තිබුණ සරත් සිල්වා ය. එම උත්සහාය වැලකුනේ සරත් ෆොන්සේකා දේශපාලන කරළියට පැමිණීම නිසාය. ජවිපෙ මන්ත්‍රී වැටුප් අරමුදල ජවිපෙ කල්පනා කරන විදියේ දක්නට තිබෙන දූෂිත හා විකාර රූපී ස්වභාවය පෙන්නුම් කරන තවත් වැදගත් නිදර්ශනයක් ලෙස සැළකිය හැකිය.

2015 වසරේදී පාර්ලිමේන්තු මන්ත්‍රී වැටුප්, පළාත් සභා මන්ත්‍රී වැටුප්, පළාත් පාලන නියෝජිත දීමනා, මන්ත්‍රී විශ්‍රාම වැටුප් හා පළාත් සභා කාර්‍ය මණ්ඩල දීමනා වශයෙන් පක්ෂයට ලැබී තිබෙන මුළු ආදායම රුපියල් මිලියන 34.54 කි. පුද්ගලයෙකුට වැටුප් හා දීමනා වශයෙන් ලැබෙන මුළු මුදල පක්ෂ අරමුදලකට හෝ වෙනත් කවර යහපත් දෙයකට වුවද ලබාගැනීම නීතියට පට හැනිය.

ඊටත් වඩා භයානක හා හාස්‍ය ජනක දේ වනුයේ වැටුප් හෝ දීමනා ලබාගන්නා මහජන නියෝජිතයින් ගණයට වැටෙන සියළු දෙනාගේ වැටුප් හා දීමනා පක්ෂ අරමුදලට ගෙන ඔවුන්ගේ පවුලේ සාමාජික වියදම පක්ෂයේ ගජ මිතුරන්ගෙන් උපයාගැනීමට ඔවුන්ට ඉඩ දී තිබීමය. තමන්ගේ මහජන නියෝජිතයින් නඩත්තු කරන ගජමිතුරන් කවුද කියා හා මසකට එක මහජන නියෝජිතයෙකුගේ පවුලක් නඩත්තු කිරීමට ගජමිතුරන් කරන වියදමේ සාමාන්‍ය අගය කුමක්ද කියා ජවිපෙට රටට පැහැදිලි කල හැකිද?

වෙනත් පක්ෂවල අය ගජ මිතුරන්ගෙන් යැපීම හෝ ඔවුන් ගෙන් ආධාර ලබාගැනීම ඔවුන් ට පෙරළා ආධාර කිරීම දූෂණයක් ලෙස සලකන පක්ෂයක් තමන්ගේ සියළු මහජන නියෝජිතයින් ගජ මිතුරන් මත යැපෙන තැනකට තල්ලු කිරීම තරම් හාස්‍ය ජනක දේශපාලනයක් තවත් තිබිය හැකිද?

(වික්ටර් අයිවන්)

Continue Reading
Click to comment

Leave a Reply

Your email address will not be published. Required fields are marked *

Article

නායකත්වය සහ පෞරුෂය

මේ නායකයා සහ නායකත්වය පිළිබඳව ශ්‍රී ලංකා ක්‍රිකට් ක්‍රීඩාවේ ගැඹුරු සංවාදයක් ඇතිව තිබෙනා මොහොතක්.
මෙරට ක්‍රිකට් ඉතිහාසයේ මෙන්ම අන්තර්ජාතික ක්‍රිකට් ක්‍රීඩාවේත් විශිෂ්ට නායකයන් පිළිබඳව ශ්‍රී ලංකා ක්‍රිකට් රසිකයන් අතර සංවාදයක් ඇතිව තිබෙනවා.

නායකයා මෙවැන්නෙක් විය යුතු යැයි විවිධ අදහස්, ඒ සංවාදයේ පළ වී තිබුණා.

යථාර්තය නම් ක්‍රිකට් ක්‍රීඩාවේ සාර්ථක නායකත්වයට නියමිත එක් රාමුවක් හෝ සම්මත සම්මිශ්‍රණයක් (Formula) නැහැ.

ඔබට ක්‍රිකට් ක්‍රීඩාවේ ඩ්‍රයිව් පහරක්, ෆුල් පහරක් එල්ල කිරීමට නිශ්චිත ක්‍රමවේදයක් තිබෙනවා.

පා දඟ හෝ පිට දඟ පන්දුවක් යවන ආකාරයත් එවැනිම තාක්ෂණික රාමුවකින් පුහුණු විය හැකියි.

නමුත් “නායකත්වය” යනු එවැනි රාමුවකින් පුහුණු විය හැකි දෙයක් නොවෙයි.

එය ඉවක්, සහජ සහ මෘදු හැකියාවක්.

ඇතැම් විටෙක එය අත්දැකීම් සමග ඔපමට්ටම් වන කුසලතාවයක්.

එය බුද්ධිමය ධාරිතාවය, මානව කළමණාකරන හැකියාව, ආත්ම විශ්වාසය සහ පෞරුෂය යන සාධක සමග සෘජුව බැඳී තිබෙනවා.

ඇතැම් විටෙක සාර්ථක ක්‍රීඩකයෙකුට පවා සාර්ථක නායකයෙකු විය නොහැක්කේ ඒ නිසයි.

උප නායකයා සහ කණ්ඩායමේ වටිනාම ක්‍රීඩකයාව සිටි ශේන් වෝර්න් වෙනුවට රිකී පොංටින් ට ඕස්ට්‍රේලියානු නායකවත්වය හිමි වූයේ ඒ නිසයි.


ක්‍රිකට් ක්‍රීඩාවේ සාර්ථක නායකයන්ගේ හැසිරීම් සහ ලක්ෂණ විශ්ලේෂණය කළ විට ඔවුන්ගේ නායකත්ව ප්‍රවේශයන් එකිනෙකට වෙනස්.

ඔවුන්ගේ පෞරුෂ, චරිත ලක්ෂණ සහ ඔවුන් සිය සාමාජිකයන් පාලනය කළ අයුරු වෙනස්.

ඔවුන් සතු වූ පොදු ගුණාංගය සිය කණ්ඩායමේ ගෞරවයට ලක් වීම සහ ඒ මොහොතේ ක්‍රිකට් ක්‍රීඩාව ඉල්ලා සිටිනා දේ වටහා ගැනීමේ හැකියාව පමණයි.

අර්ජුන රණතුංග සාර්ථක නායකයෙක්. ඔහු දැඩියි. සිය කණ්ඩායම් සාමාජිකයන් තදින් පාලනය කළ නායකයෙක්.
ක්‍රීඩකයන් ඔහු දුටු විට අසුණින් නැගී සිටිනවා.

ක්‍රිකට් ක්‍රීඩාවෙන් ලෝකයම දිනූ, ලෝක පූජිත සනත් ජයසූරිය ලා පවා තවමත් අර්ජුන පිළිබඳ කතා කරද්දී ඔවුන්ගේ ස්වරයේ සහ ශාරීරික හැසිරීමේ ඇති ගෞරවය කොපමණදැයි පෙනෙනවා.

මහේන්ද්‍ර සිං දෝනි ද ක්‍රිකට් ක්‍රීඩාවේ බිහි වූ ශ්‍රේෂ්ඨ නායකයෙක්. ඔහු වඩා ප්‍රසිද්ධ මෘදු, සැහැල්ලු නායකයෙකු ලෙසයි.

යොවුන් ක්‍රීඩකයෙකුට අවශ්‍ය නම් ඔහුගේ කාමරයටම ගොස් ඔහු සමග වීඩියෝ ක්‍රීඩා කළ හැකියි.

ඉතා සැහැල්ලු, මිත්‍රශීලි ප්‍රවේශයකින් සිය ක්‍රීඩකයන් හැසිරවූ නායකයෙකු ලෙස ඔහු ප්‍රසිද්ධයි.

නමුත් ඔහු කෝපගත් සහ දැඩිව සිය කණ්ඩායම මෙහෙයවූ අවස්ථාවන් ද නැතුවාම නොවෙයි.

එවැනි කතාවක් රවිචන්ද්‍රන් අශ්වින් සිය චරිතාපදානයේ ලියා තිබුණා.

ඒ ඉන්දීය කණ්ඩායමේ 2010 වසරේ දකුණු අප්‍රිකානු සංචාරයයි.

ෆෝර්ට් එලිසබෙත් හි පැවැත්වෙන තරගයක ඉන්දීය කණ්ඩායම පන්දු රකිමින් සිටියා.රවිචන්ද්‍රන් අශ්වින් කණ්ඩායමේ අතිරේක ක්‍රීඩකයෙක්.එමෙන්ම කණ්ඩායමට වතුර ඇදීමේ වගකීම ද භාර වී තිබුණේ ඔහුටයි.
ඔහු කණ්ඩායමේ ක්‍රීඩා විවේකාගාරයට වී සිටියා. කණ්ඩායමට අවශ්‍ය සෑම විටකම වතුර ද රැගෙන පිටියට දිව ගියා.

එවන් මොහොතක කඩුලු රකිමින් සිටි නායක දෝනි ඔහුගෙන් ප්‍රශ්නයක් ඇහුවා.

“කෝ ශ්‍රී ?” දෝනි ඒ ඇසුවේ වේග පන්දු යවන ක්‍රීඩක ශාන්තකුමාරන් ශ්‍රීසාන්ත් පිළිබඳවයි.

ඔහු එම තරගයට ක්‍රීඩා කළේ නැහැ. එනමුත් ඔහු සෙසු අතිරේක ක්‍රීඩකයන් සමග ක්‍රීඩක විවේකාගාරයේ පහළ මාලයේ තරගය නරඹමින් සිටියේ ද නැහැ.ඔහු ක්‍රීඩාගාරයේ ඉහළ මාලයේ කුටියක රැඳී සිටියා.

කඩුලු රකින අතරතුරම, ශ්‍රීසාන්ත් සෙසු අතිරේක ක්‍රීඩකයන් සමග නොමැති බව වටහා ගැනීමට තරම් තියුණු දෑසක් මහේන්ද්‍ර සිං දෝනි ට තිබුණා.ඒ සමගම ශ්‍රීසාන්ත් ට පහළට පැමිණ සෙසු අතිරේක ක්‍රීඩකයන් සමග එක්ව සිටිනා ලෙසට කියන්නැයි දෝනිගෙන් අශ්වින් ට උපදෙසක් ද ලැබුණා.

අශ්වින් ඉහළ මාලයට ගොස් ශ්‍රීසාන්ත් මුණ ගැසුණා.

දෝනි ඔහුට පහළට පැමිණෙන්නැයි කියූ බව අශ්වින් ශ්‍රීසාන්ත්ට කිව්වා.

එවිට ශ්‍රීසාන්ත් පෙරලා ඇසුවේ ඔබට තනිව වතුර ඇදිය නොහැකිද යන්නයි.

ශ්‍රීසාන්ත් තමන්ගේ ඉල්ලීම වෙනත් ආකාරයකින් වටහා ගෙන තිබෙන බව අශ්වින්ට වැටහුණා.

තමන් දෝනි ට කිසිවක් නොකී බවත්, එය හුදෙක් ඔහුගේ උපදෙසක් පමණක්ම බවත් අශ්වින් ශ්‍රීසාන්ත් ට පැහැදිලි කළා.

පසුව ශ්‍රීසාන්ත් පහළට පැමිණෙන බවට පොරොන්දු වූවත්, විනාඩි ගණනාවක් යනතුරුම පහළට පැමිණියේ නැහැ.

ඉන්පසුව අතිරේක ක්‍රීඩකයා ලෙස අශ්වින් ට පැවරුණු රාජකාරිය වූයේ හිස් ආවරණයක් (Helmet) කඩුලු රකින්නාට ගෙනයෑමටයි.

තරගයේ උණුසුම මැද දෝනි ට ශ්‍රීසාන්ත් අමතකව ඇතැයි අශ්වින් සිතූවත් දෝනි එවැනි නායකයෙක් නොවෙයි.
හෙල්මටය ලබා ගනිමින් දෝනි යළිත් ඇසුවේ ශ්‍රීසාන්ත් කොහිද යන්නයි.

අශ්වින් තමන් පණිවිඩය ලබා දුන් බවත්, ඔහු තවම පහළට පැමිණ නොමැති බවත් දෝනි ට කිව්වා.
දෝනි නිහඬ වුණා.

ඊළග පන්දු වාරයේ දී අශ්වින් ට යළිත් කැඳවීමක් ලැබුණා. එය හුදෙක් අවශ්‍යතාවයකට පවා පණිවිඩයක් සන්නිවේදනය කිරීමට බව අශ්වින් ට වැටහුණා.

ඒ මොහොතේ දෝනි බොහෝ සංසුන්ව සිටිනු අශ්වින්ට පෙනුණා.

නමුත් සංසුන් දෝනිගෙන් අශ්වින්ට ලැබුණේ ඔහු බලාපොරොත්තු වූ උපදෙසක් නොවෙයි.

“එක දෙයක් කරන්න, රංජිබ් සර් (කළමණාකරු) ලඟට ගිහින් ශ්‍රී මෙහෙ ඉන්නේ අකමැත්තෙන් බව කියන්න. ඔහුට හෙට දිනයේම ඉන්දියාවට යන්න ටිකට් වෙන් කරන්න කියන්න”
නායකයා වශයෙන් සිය උපදෙස් ඒ මොහොතේම පිළිනොගත් නවකයා ට මහේන්ද්‍ර සිං දෝනි සැලකූවේ එලෙසයි.

කෙසේවෙතත් අශ්වින් මේ පණිවිඩය කළමණාකරුවාට කීමට පෙර ශ්‍රීසාන්ත් ට කිව්වා.

ඔහුගේ ඉහමොල රත් වූයේ එවිටයි.ඉතාම ඉක්මණින් ශ්‍රීසාන්ත් සුදානම් වී පහළට ආවා.එපමණක් නොවෙයි, ඊළග වතුර විරාමයේ දී වතුර රැගෙන පිටියට දිවගියේ ඔහුයි.එනමුත් දෝනි ඔහුගෙන් වතුර ලබා ගත්තේ නැහැ.

ඒ වෙනුවට ඔහු යළිත් අශ්වින් කැඳවූවා.

සිය පණිවිඩය කළමණාකරුට ලබා දුන්නා දැයි ඇසුවා. ඒ මොහොතේ සිය නායකයාගේ දැඩි ස්වරය ඉදිරියේ තමන් අසරණ වූ අශ්වින් සිය චරිතාපදානයේ ලියා තිබෙනවා.

පසුව ශ්‍රීසාන්‍ත් නායකයාගෙන් සමාව ගත්තා. යළිත් එවැන්නක් සිදු නොකරන බවට කණ්ඩායම ඉදිරියේ පොරොන්දු වුණා.

එම සිදුවීමෙන් පසු තරගාවලියේ ඉදිරි තරග වලදී හෝ දෝනි නායකත්වය දරන තුරුම කිසිඳු අතිරේක ක්‍රීඩකයෙක්, කණ්ඩායමෙන් වෙන්ව හුදකලාව සිරීමට උත්සාහ කළේ නැහැ.

ඔවුන්ට ශ්‍රීසාන්ත් ගේ ඉරණම මතක තිබුණා.

අතිරේක ක්‍රීඩකයන්ට ක්‍රීඩා නොකළත්, තරගයක් නැරඹීමෙන් බොහෝ අත්දැකීම් එක් කරගත හැකියි.

තනතීරු වල හැසිරීම, ප්‍රතිවාදී ක්‍රීඩකයන් සහ ජ්‍යේෂ්ඨ ක්‍රීඩකයන්ගේ ක්‍රීඩා රටාවන් මැනවින් අධ්‍යනය කිරීමට ක්‍රීඩා විවේකාගාරය කදිම නවාතැනක්.

එම අත්දැකීම් යම් දිනක ජාතික කණ්ඩායමේ ක්‍රීඩා කරද්දී බොහෝ වටිනවා. දෝනි ඒ බව දැන සිටියා.
දෝනි ගේ දැඩි ප්‍රතිපත්තියෙන් ඉන්දීය නවකයන්ට ලැබුණු දයාදය එයයි.

නායකයෙක් යනු මෙවැන්නෙකු යැයි නිශ්චිතවම විග්‍රහ කළ නොහැකියි.

මන්ද රජ පවුලකින් ප්‍රංශ පාලනය උදුරා ගනිමින් සමස්ත යුරෝපයම යටත් කර ගැනීමට සිය හමුදාව මෙහෙය වූ නැපොලියන් අධිරාජ්‍යයා, සාමාන්‍ය පවුලක ඉපදුණු, ශරීර ප්‍රමාණයෙන් කුඩා මිනිසෙක්.

නමුත් නායකයෙකුට සිය අනුගාමිකයන්ගේ ගෞරවය දිනා ගත හැකි විය යුතුයි.

අවශ්‍ය මොහොතෙහි ඔවුන් පාලනය කළ හැකි විය යුතුයි.

නායකයෙකු යනු ශ්‍රේෂ්ට පෞරුෂයක් විය යුතුයි. ආදර්ශයක් විය යුතුයි. අවශ්‍ය මොහොතේ මෘදු වීමටත්, අවශ්‍ය මොහොතේ දැඩි වීමටත් නායකයෙකුට හැකි විය යුතුයි.

මෘදු විය යුතු මොහොත පිළිබඳවත්, දැඩි විය යුතු මොහොත පිළිබඳවත් නායකයෙකුට ඉවක් සහ වැටහීමක් තිබිය යුතුයි.

මහේන්ද්‍ර සිං දෝනි ගෙන් උගත හැකි පාඩම එයයි.

(ඉරේෂාන් සිරිවර්ධන )

Continue Reading

Article

“යන්නේ කොහෙද – දන්නේ මොනවද” නොදන්නා උද්දච්ච ගැටයෝ – (කුසල් පෙරේරා) 

ඊයේ පෙරේදා දිනෙක කවුදෝ ගැටයෙක් කියනවා ඇහුණා පාර්ලිමේන්තුවේ හැට පැනපු මන්ත්‍රීවරුන් 60 ක් විතර ඉන්නවා කියලා.

හැට පැන්නම රාජ්‍ය සේවයේ පැන්ෂන් යවන්නේ, ඊට පස්සේ වැඩ බැරි නිසා කියලත් මිනිහා කියනවා. කැමරාවක් ඇල්ලුව ගමන් මොනවා හරි සද්දෙ දාලා කියන ගැටයින් දේශපාලන පක්ෂත් හදාගෙන, සමාජ මාධ්‍ය පුරා ලොකු කතා කියමින් යනවා.

ඔවුන්ගේ ජනප්‍රිය කතා දෙකක් තියෙනවා. එකක් තමයි “ඔය මහල්ලෝ දේශපාලනෙන් ඉවත් කරන්න ඕනෙ” කියන කතාව. අනෙක තමයි “අවුරුදු 75 ක් රට කෑව එවුන් එළවන්න ඕනෙ” කියන කතාව. ඉස්සෙල්ලා හැට පැනපු කතාවෙන් පටන් ගන්නම්.

වයසට යෑමේ ශාරීරික අපහසුතා නිසා රැකියා අත හැර යාම 19 වන සියවස වන විට එංගලන්තයේත් යුරෝපය පුරාමත් නිතර හමුවුන ගැටළුවක් වුනා. ඒ වනවිට ඔවුන්ගේ ශ්‍රම පලදායිතාවත් බොහෝ සේ අඩුව තිබුණා. ඒ පසුබිමෙහි, වයස 70 දී අනිවාර්යෙන් විශ්‍රාම යා යුතුයි කියා 1881 දී ජර්මනියේ රාජ්‍ය නායක ඔටෝ ෆන් බිස්මාක් තීන්දු කෙරුවා. එය පසුව 1916 දී අවුරුදු 65 දක්වා අඩු කෙරුනා. ඒ කාලයේ යුරෝපය පුරා මේ ප්‍රවනතාව දකින්න ලැබුණා.

මේ වයස් සීමා තීන්දු වුනේ කාරණා දෙකක් මත. එකක් ඒ සමාජයේ සාමාන්‍යයෙන් පිළිගැණුනු ශ්‍රමිකයාගේ ශාරීරික ශක්තිය හා පලදායිතාව අනුව. දෙවැන්න පුරප්පාඩු පුරවා ගැනීමට ඇති විරැකියාවේ සංඛ්‍යා මත. මතක තියා ගත යුතු වැදගත්ම කාරණාව නම් මේ යුගය, දෑතේ ශ්‍රමය මත නිෂ්පාදනය තීන්දු වූ යුගයක්. ඒ නිසා විශ්‍රාම වයස ගණන් හැදුනේ ශ්‍රමිකයාගේ ශාරීරික තත්ත්වය මත මිස, පාලකයාගේ වයස අනුව නොවේ.

දැන් අප නව සියවස සමග පැමිණ ඇත්තේ ශාරීරික ශ්‍රමය ගණන් නොහදන තාක්ෂණික ලෝකයකටයි. මේ නිෂ්පාදනය යාන්ත්‍රීකරණය වූ යුගයක්. දැන් ගණන් හැදෙන්නේ කුසලතා සහ දැනුමයි. ඒ වගේම මේ අප ඉන්නේ දෙවන ලෝක යුද්ධයෙන් පසු අපේක්ෂිත ආයු කාලය ඉහළ ගිය නවීන ලෝකයකයි. 1950 දී ශ්‍රී ලංකාවේ සාමාන්‍ය ආයු කාලය අවුරුදු 52.2 යි. එය 1960 දී අවුරුදු 59.1 යි. දැන් 2023 වන විට අපේක්ෂිත ආයු කාලය අවුරුදු 77.6 ක්. වෛද්‍ය පහසුකම් සමග නාගරික මැද පංතියේ වයස අවුරුදු 90 ඉක්මවන සංඛ්‍යාවත් ටික ටික ඉහළ යනවා.

ඒවගේම තව වැදගත් සාධකයක් තමයි තාක්ෂණිකව දියුණුවන ලෝකයේ අත්දැකීම් හා බුද්ධි වර්ධනය සමග පරිනත වෘත්තිකයින් හමුවන්නේ ගැටවර වයසේ නෙවෙයි. හැට පැන්නට පස්සෙයි. ඒ නිසා නවීන ලෝකයේ බොහෝ රටවල විශ්‍රාම යෑමේ අනිවාර්ය වයස් සීමාව එක්කෝ ඉහළ දානවා, නැතිනම් එය අනිවාර්ය නොකරන නිර්දේශිත වයස් සීමාවක් තීන්දු කරනවා. කැනඩාවේ අනිවාර්ය විශ්‍රාම යෑමක් නැහැ. ජාතික විශ්‍රාමික පහසුකම් ලැබීමට සුදුසු කම් ලබන්නේ අවුරුදු 60 දීයි. උපරිම පහසුකම් ලැබෙන්නේ අවුරුදු 65 න් පසු විශ්‍රාම ගිය විටයි. 2023 සිට ඕස්ත්‍රේලියාවේ විශ්‍රාම යෑමේ වයස 67 ක් කෙරුවා. පින්ලන්තයේ වයස අවුරුදු 64 ත් 69 ත් අතර විශ්‍රාම යා හැකියි. 2030 න් පසු විශ්‍රාම යෑමේ වයස් සීමාව ඔවුන්ගේ අපේක්ෂිත ආයු කාලය අනුව තීන්දු කරන්න සැළසුම්කර තියෙනවා. නෙදර්ලන්තයේ විශ්‍රාම යෑමේ වයස දැන් අවුරුදු 67 ක් වෙනවා. එය අපේක්ෂිත ආයු කාලය අනුව 2028 දී අවුරුදු 67 යි මාස 03 ක් කෙරෙනවා.

නූතන ලෝකය ගැන නොදන්නා ගැටවරයින්ට විශ්‍රාම යෑම ගැන කෙටියෙන් කියනවා නම්, මේ අප ඉන්නේ ඇඟේ හයියෙන් දර පලා මිටි බැඳ විකුණන යුගයේ නෙවෙයි. මේ මොලේ හයියෙන් ප්‍රශ්න විසඳන යුගයක්.

රටක ප්‍රශ්න විසඳන්න පුළුවන් තරුණකමට නෙවෙයි. එය කදිමට ඔප්පු කෙරුවෙ වයස අවුරුදු 44 ක් වුන එංගලන්ත අගමැති රිෂි සුනාක්. එයා 2022 ඔක්තෝම්බරයේ සිට මාස 18 ක් අගමැතිකම කරලා පසුගිය ජූලි 04 වන දා මැතිවරණයෙන් බ්රිතාන්‍ය කොන්සවටිව් පක්ෂය අවුරුදු 180 ට පසු ලැබුව අන්ත පරාජයට පත් කෙරුවා. චීන අසහාය නායක, ජනාධිපති සී ජිංපිං වයස අවුරුදු 71 ක් වෙලා තාම යෝධ රටක යෝධ කොමියුනිස්ට් පක්ෂය මෙහෙයනවා. දකුණු අප්‍රිකාවේ දෙවන වරටත් ජනාධිපති ලෙස පත් කර ගත් සිරිල් රැමෆෝසා ගේ වසය අවුරුදු 72 ක්. බංගලාදේශ අගමැතිනි ශෙයික් හසිනාට දැන් වයස අවුරුදු 76 ක්.

යන්නේ කොහේදැයි නොදන්නා මේ අලුත් ගැටවරයෝ අවුරුදු 75 ක් රට කෑව එවුන් එළවමු කියන එකටත් කෙටියෙන් උත්තර දීලම නවතින්නම්. අවුරුදු 75 ට පෙර නිදහස් ලංකාව පාලනය කරන්න පාර්ලිමේන්තුවට සර්වජන ඡන්දයෙන් පත්වූ මන්ත්‍රීවරුන් කිසිවෙක් අද නැහැ. වෙනකක් තියා 1970 පාර්ලිමේන්තුවට පත් වූ මන්ත්‍රීවරුන් ඉන්නේ දෙන්නයි. මහින්ද රාජපක්ෂ සහ වාසුදේව විතරයි. දැන් එළවන්න ඉන්නේ පසුගිය අවුරුදු 45 ක් රට කෑව අය විතරයි.

නිදහසින් පස්සේ එ.ජා.ප සහ ශ්‍රී.ල.නි.ප ප්‍රධාන වූ ‘56 ම.එ.පෙ ආණ්ඩුව පත් කරන විට, ලංකාවේ විධිමත් අධ්‍යාපනය කෙරුණේ ඉංග්‍රීසියෙන්. කොළඹ සහ පේරාදෙනිය විශ්ව විද්‍යාල වලට ඇතුළු වුනේ කොළඹ, මහනුවර, ගාල්ල, යාපනය වගේ ප්‍රධාන නගර කිහිපයේ තිබුණු ලොකු ඉස්කෝලවල ඉංග්‍රීසියෙන් ඉගෙන ගත්තු ළමුන් විතරයි. විශ්ව විද්‍යාල අධ්‍යාපනය සමාජයේ ප්‍රභූන්ට අයිති අධ්‍යාපනයක් වුනා. බහුතර සිංහල-දෙමළ ළමුන්ට උසස් අධ්‍යාපනයට ගොඩ වෙන්න ඉඩක් තිබුණේ නැහැ. ඒ විෂමතාව ඉවත් කෙරුවේ ‘57 න් පස්සේ මව් බසින් පාසල් අධ්‍යාපනය පටන් අරගෙනයි. තමන් ඉගෙන ගත්තේ ඒ දේශපාලකයින්ට පින්සිද්ධ වෙන්න කියලාවත් නොදන්න මේ අලුත් ගැටවරයෝ ඒ දේශපාලකයින් රට කෑවා කියන්නේ මොනවා දැන ගෙනද?

අනෙක මේ අය දැන් අහලවත් නැති දහස් ගණන් ජීවිත විනාස වූ මැලේරියාව, වසූරිය, පෝලියෝව, බරවා රෝගය වැනි වසංගත මේ රටෙන් තුරන් කෙරුණේ 50-60 දසකවල පැවති ආණ්ඩු ක්‍රියාත්මක කළ රෝග නිවාරණ ප්‍රජා සෞඛ්‍ය සේවාවන් නිසයි. තවමත් ලෝක සෞඛ්‍ය සංවිධානය ඒ යුගයේ ලාංකීය රෝග නිවාරණ ප්‍රජා සෞඛ්‍ය සේවාව ගැන වෙනත් රටවලට කියනවා. රට කෑවා කියන්නේ ඒ දේශපාලකයින්ටද?

අලුත් ගැටවරයින්ට කියන්නම අවශ්‍ය තවත් වැදගත් කතා කීපයක් තියෙනවා. දැන් ඉන්න මන්ත්‍රීවරුන් දන්නෙත් නැතුව ඇති ඔවුන්ට නිදහස් වාර්ෂික දුම්රිය බලපත්‍ර තියෙන බව. නමුත් 50, 60, 70 දසක වල විශේෂයෙන් උතුරු-නැගනෙහිර මන්ත්‍රීවරුන් පාර්ලිමේන්තුවට ආවේ රාත්‍රී තැපැල් දුම්රියෙන්. ගාල්ලේ මන්ත්‍රී දහනායකත් නිතර රුහුණු කුමාරියේ කොළඹ ආව ඇමතිවරයෙක්. නිකවැරටියේ මන්ත්‍රී මුදියන්සේ තෙන්නකෝන් කොළඹ ආවේ ලංගම බස් එකෙන්. කැස්බෑවේ මන්ත්‍රී සෝමවීර චන්ද්‍රසිරි සාමාන්‍ය මිනිසුන්ගේ ගෙවල් පොල් අතු වහනකොට වහලට නගින මන්ත්‍රීවරයෙක්.

මේ තව කතා කීපයක්. 1965 සිට එක දිගට අවුරුදු 05 ක් අයවැය ඉදිරිපත් කළ මුදල් ඇමති යූ. බී. වන්නිනායක 1970 මැතිවරණයෙන් පරාජයවී, ගෙදර යන්න සූට් කේසයත් අරගෙන පිටකොටු යන බසයක් එනතුරු මේට්ලන්ඩ් පෙදෙසේ ශ්‍රාවස්ථිය ඉදිරිපිට බස් නැවතුම්පළේ සිටගෙන සිටිය වග දන්නවාද? ලාංකීය නියෝජිතයා වශයෙන් ‘65 ආණ්ඩුවේ කෘෂිකර්ම ඇමති එම්. ඩී. බණ්ඩා රෝමයේ පැවති ලෝක ආහාර සංවිධානයේ සම්මේලනයට යන්නට පෙර, ඒ කාලය තුල තමන්ගේ නිවසට ලබාදී ඇති නිල දුර කතනය විසන්ධිකර තබන ලෙස දිස්ත්‍රික් විදුලි සංදේශ ඉංජිනේරුවරයාට ලිඛිතව දන්වන බව දන්නවාද? විවේකයක් අවශ්‍යයැයි සිතුණු විට හවසක, 70 මුදල් ඇමති වූ ආචාර්ය ඇන්.ඇම්. පෙරේරා කොල්ලුපිටියේ ලිබටි සිනමා ශාලාවේ චිත්‍රපටයක් බැලීමට ප්‍රවේශ පත්‍රය ගන්න පෝලීමේ ඉන්නා බැව් දන්නවාද? ඔහු මුදල් ඇමති වශයෙන් ආව ගියේ පෞද්ගලික වියදමින් ඉන්ධන ගසා ගෙන ඔහුගේ පෞද්ගලික වාහනයෙන් බැව් දන්නවාද? ඒ යුගයේ කිසිදු ඇමතිවරයෙක්, කිසිදු මන්ත්‍රීවරයෙක් හමුදා හෝ පොලිස් ආරක්ෂාවක් ලබා නොගත් බව දන්නවාද? පුළුවන් නම් හන්දියේ පුංචි කොමියුනිකේෂන් කඩයක් කරලා, පාර්ලිමේන්තු ආවට පස්සේ සනුහරේටම කොළඹ යෝධ ගෙවල් අරන් දීපු මේ කාලේ මන්ත්‍රීවරයකු වගේ එක මන්ත්‍රීවරයෙක් ඒ කාලෙන් හොයලා දෙනව ද?

ඒ කාලයේ අද වගේ දූෂණ ගැන කතා අහන්න තිබුණේ නැහැ. ස්ත්‍රී දූෂණ ගැන අහම්බෙන්වත් අහන්න තිබුණේ නැහැ. “රන්ජනී කැබ්ස්”, දොස්තර කුලරත්න, පෝලින් කෲස් වගේ මිනී මැරුම් නඩු ගැන අහන්න ලැබුණේ ඉතාම කලාතුරකින්. ඒවා කොයිතරම් පුදුමාකර සිදුවීම්දැයි කිව්වොත්, ඒවා ගැන ලියූ කවි කොළ බස්වලත් විකිණුවා. අද වගේ “ටී-56” පාතාල චණ්ඩි එදා හිටියේ නැහැ. නමුත් ගමේ “සයිඩර්” පෙරුව චණ්ඩි හිටියා. ජනප්‍රිය වුනේ කර්තේලිස්, පොන්සේකා මහත්තයා, චොප්පෙ වගේ අතේ පයේ හයියෙන් පොලීසියටත් අභියෝග කළ ප්‍රසිද්ධියේ හිටිය නගරයේ ඇත්ත චණ්ඩි. අද වගේ කුඩු ජාවාරම්කාරයෝ හිටියෙත් නැහැ. එදා ගංජා, අබිං සාමාන්‍ය මත්ද්‍රව්‍යයක් හැටියට තමයි පහළ සමාජයේ තිබුණේ. 

නිදහසින් පසු පළමු අවුරුදු 30 ක පමණ කාලය, වෙනමම යුගයක්. වෙළඳාම සිංහල, දෙමළ, මුස්ලිම් කියලා බෙදා ගෙන තිබුණට, සමාජයේ හැමෝම එකට හිටියේ. සුහදත්වයක් තිබුණා. සංස්කෘතික ගනු දෙනු තිබුණා. ඒ බෙදීම් ප්‍රචණ්ඩ ලෙස, මෘග බෙදීම් ලෙස සමාජයට ගෙනාවේ 77 ජයවර්ධන යුගයේ සිටයි. 

ඒ පැහැදිලිවම එකිනෙකට වෙනස් යුග දෙකක්. පළමු යුගය මානුෂීය යුගයක්. ශිෂ්ඨ යුගයක්. ඒ යුගයේ ආණ්ඩු, රට සංවර්ධනය කරන්න ඉදිරිපත් කළ සැළසුම්වල තිබූ වැරදි දේශපාලන ගණන් හැදීම් ගැන අපි කතා කරමු. නමුත් “රට කෑම” පටන් ගන්නේ 1977 න් පසු ජයවර්ධන ජනාධිපති තහවුරු කළ නිදහස් වෙළඳපල ආර්ථිකය සමග බව තරුණ පරම්පරාව දැන සිටිය යුතුයි. එනිසා, අවුරුදු 45 ක් රට කෑව පරම්පරා වලට දැන් ඉන්න අලුත් පරම්පරාවේ හැමෝමත් අයත් වෙනවා. මේ විනාශයට වගකිව යුතු වෙනවා. දේශපාලකයින් අවුරුදු 75 ක් රට කෑවා කියා නිකම් බොරුවට කෑ ගසමින් තමන්ගේ වගකීමෙන් නිදහස් වෙන්න හදන්නේ නැතුව, ඒ ඇත්ත ඉතිහාසය පිළිගෙන මේ වංචාකාරී, දූෂිත සමස්ථය වෙනස් කරන්න කතා කරමු.

(කුසල් පෙරේරා)
ප්‍රවීන දේශපාලන විචාරක හා ජ්‍යෙෂ්ඨ මාධ්‍යවේදී

Continue Reading

Article

නාමල්ගේ දේශපාලන බුද්ධිය – (එරන්ද ගිනිගේ)

“නාමල්ට හොඳ දේශපාලන බුද්ධියක් සහ රට ලෝකය ගැන අවබෝධයක් තියෙනවා, අපිට වඩා,” යැයි හිරු සලකුණ වැඩසටහනටසහභාගී වෙමින් ගරු අමාත්‍ය ප්‍රසන්න රණතුංග මහතා ප්‍රකාශ කළා. එය වැදගත් ප්‍රකාශයක් වන්නේ “අපිට වඩා” එනම් එතුමාටත් වඩා දේශපාලන බුද්ධියක් සහ ලෝක අවබෝධයක් නාමල් රාජපක්ෂ මන්ත්‍රීවරයාට තිබෙන බව රණතුංග මහතා පිළිගත් නිසා පමණක් නොව, තමන්ට වඩා වයසින් බාල වුවත් දේශපාලන බුද්ධිය සහ ලෝක අවබෝධය අතින් තමන්ට වඩා උසස් අයෙකු ලෙස පිළිගැනීමට තරම් නිහතමානීත්වයක් ප්‍රසන්න රණතුංග මහතාට තිබෙන නිසාය.

තාවකාලික පින් ඇමතිකම්වලින් ඔළුව උදුම්මවා ගත් ඇතැම් දේශපාලන මැර බාලයන් විසින් අප වැනි සාමාන්‍ය පුරවැසියන්ට මරණ තර්ජනය කර අඩම්තේට්ටම් කර අපගේ අදහස් ප්‍රකාශ කිරීමේ නිදහස වළක්වන්නට හදන අතරතුර ප්‍රසන්න රණතුංග අමාත්‍යවරයා ඒ ආකාරයට නොහැසිරී නිහතමානීව තමාට වඩා දේශපාලන බුද්ධිය සහ ලෝක අවබෝධය ඇති අයට ප්‍රසිද්ධියේ ගරු කිරීම වටිනා ගුණාංගයකි. ඒ වෙනුවෙන් රණතුංග මහතාට මාගේ ස්තුතිය පුද කරමි.

ප්‍රසන්න රණතුංග මහතා නාමල්ගේ දේශපාලන බුද්ධිය සහ ලෝක අවබෝධය ගැන කියූ කතාවට මමද එකඟ වෙමි. දේශපාලන බුද්ධිය අතින් සැබැවින්ම නාමල් මට වඩා පොහොසත්ය. ඔහුට වසර පහළොවක පමණ දේශපාලන අත්දැකීම් තිබේ. මහින්ද රාජපක්ෂ ජනපතිවරයා සමීපයේ ඔහුට ලැබුණු දේශපාලන අත්දැකීම්ද තිබේ. ලෝක අවබෝධය පැත්තෙන් මා දකින්නේ නාමල්ට බොහෝ ඇසූ පිරූ තැන් ඇති බවය. ඔහු අවට ලෝකය වේගයෙන් සහ උනන්දුවෙන් කියවා ගන්නෙකි. එහෙයින් ඔහුට අනන්‍ය වූ ලෝක දැනුමක් තිබේ. ඇතැම් විට ඒ පුළුල් දැනුම නිසා ඔහු කතා කරන්නට ගිය විට නිමක් නැත. සිදුවීම් සහ අදහස් ගලාගෙන පැමිණේ. නමුත් ඔහු දන්නා සියල්ල විවෘතව නොකිව යුතුය යන්න මාගේ අදහසයි. ධර්මය ඇසුරෙන් නාමල්ට ලෝක අවබෝධය ඇති දැයි මම නොදනිමි. ඔහු බොහෝ භික්ෂූන් වහන්සේලා ඇසුරු කරයි. එබැවින් එම අවබෝධයද ඔහුට තිබිය හැකිය.

අපට වඩා බුද්ධියෙන් සහ අවබෝධයෙන් වැඩි අය කියන දේ අප නිහතමානීව පිළිගත යුතුය. එය අපගේ යහපත පිණිස වේ. දේශපාලනය කරන බොහෝ අයට වෙන්නේ එලෙස තමන්ට වඩා බුද්ධියෙන් සහ අවබෝධයෙන් වැඩි අය කියන දේ අහන්නේ නැතුව තමන්ගේ මෝඩකමට වැඩ කරන්නට ගොස් අසාර්ථක වීමයි. දේශපාලනය පමණක් නොව වෙනත් ඕනෑම ක්ෂේත්‍රයක වෙන්නෙත් එයයි. එසේ නම් ප්‍රසන්න රණතුංග මහතා කියන ආකාරයට ඔහුට වඩා දේශපාලන බුද්ධිය සහ ලෝක අවබෝධය ඇති නාමල් රාජපක්ෂ නමැති දේශපාලනඥයා කියන දේ අප විවෘත මනසකින් ඇසිය යුතුය.

නාමල් නිතරම කියන්නේ අපේ මාතෘභූමියේ වටිනාකම් හඳුනන, අපේ සංස්කෘතික ගුණධර්ම හඳුනන, අපේ ජනතාවගේ දහදිය සුවඳ හඳුනන, නූතන තාක්ෂණික දැනුම මත පදනම් වන, එනම් ශ්‍රී ලංකා පොදුජන පෙරමුණේ හර පද්ධතිය පිළිගන්නා සහ අපගේ පාක්ෂිකයන්ගේ අභිමානයට ගරු කරන අයෙකු පොහොට්ටුවේ ජනපති අපේක්ෂකයා විය යුතු බවය. ධර්මය ඔබට මග වේවා!

(එරන්ද ගිනිගේ)
සමාජ ව්‍යවසායක සහ කර්තෘ

Continue Reading
Advertisement
World3 hours ago

බංග්ලාදේශය තවමත් නොසන්සුන් – 39ක් ජීවිතක්ෂයට

Politics3 hours ago

රජයෙන් දෙන සහන පාරිභෝගියාට නොදුන්නොත් භාණ්ඩ සඳහා පාලන මිලක් දානවා – නලින්

Politics3 hours ago

මෙරට ජාතික සම්පත තරුණ පරපුර මිස, පාඩු ලබන රාජ්‍ය ව්‍යවසාය නොවේ

Politics3 hours ago

ලංකා ඉතිහාසයේ වැඩිම ඡන්ද ප්‍රමාණය ලබාගන්නේ රනිල් වික්‍රමසිංහයි – වජිර

Hot News4 hours ago

මුතූර් ගඟේ පාළම අසලදී බස් රථයක් පෙරළෙයි – 30කට වැඩි පිරිසක් රෝහලේ

Politics4 hours ago

Watch : ජපානයේ ශ්‍රී ලාංකිකයින්ගෙන් අනුරට උණුසුම් පිළිගැනීමක්

Hot News5 hours ago

ඇල්ල – කිතල් ඇල්ල මාර්ගයේ අනතුරක්, තුවාලකරුවන්ට උදව් කිරීමට ඇමති චාමරත් එයි

Hot News5 hours ago

ක්‍රිකට් ක්‍රීඩක ධම්මිකගේ ඝාතකයා අයිස් සමඟ කොටු වෙයි

Hot News6 hours ago

පාසල් ළමුන් ඉලක්ක කර මත්කරල් විකිණූ අයෙක් අත්අඩංගුවට

Hot News6 hours ago

අනුරාධපුරයට භූ කම්පනයක්

Hot News6 hours ago

විජේදාස එපා කියපු 22 රනිල් ගැසට් කරයි

Hot News8 hours ago

රටේ දියුණුවන ආර්ථිකයේ ප්‍රතිලාභ සාමාන්‍ය ජනතාවටද හිමි විය යුතුයි – ජනපති

Hot News8 hours ago

රුහුණු විශ්ව විද්‍යාලයේ සම සෞඛ්‍ය විද්‍යා පීඨය ජනතා අයිතියට

Hot News9 hours ago

Microsoft Windows භාවිතා කරන ලොවපුරා පරිශීලකයින් රැසකට එකවර BSOD දෝෂය හටගනියි

Hot News9 hours ago

ශ්‍රීලංකන් විකිණීම නවතියි

Hot News10 hours ago

රේගුවේ ලොකු මගඩියක් – ලොක්කෝ 4කගේ වැඩ තහනම්

Politics10 hours ago

ශ්‍රී ලංකාව මානව ප්‍රාග්ධන සංවර්ධනය සඳහා කලාපීය කේන්ද්‍රස්ථානය බවට පත් කිරීමට කටයුතු කරනවා

Hot News12 hours ago

ලංකාවේ කුකුළු මස් චීනයට යවන්න අවසර

Hot News12 hours ago

උඩරට දුම්රිය මාර්ගයට ගස් කඩා වැටීමෙන් දුම්රිය ධාවනයට බාධා

Hot News13 hours ago

ආගමන විගමන දෙපාර්තමේන්තුවේ තදබදයක්

Hot News13 hours ago

මෙරට උපාධිධාරීන්ට ජපානයේ රැකියා

Sports13 hours ago

ආසියානු කුසලාන කාන්තා ක්‍රිකට් තරගාවලිය අදින් ඇරඹේ

Article15 hours ago

නායකත්වය සහ පෞරුෂය

Weather15 hours ago

වැස්ස ටිකක් අඩුවෙයි – සුළං පොඩ්ඩක් සැරවෙයි

Hot News1 day ago

පුළුවන් නම් කංජිපානිව ලංකාවට ගේන්න

Sports1 day ago

ශ්‍රී ලංකාව සමඟ සටනට එන ඉන්දීය T20 සහ ODI සංචිත නම් කරයි

Hot News1 day ago

ජනාධිපතිවරණය පැවැත්වෙන දිනය ප්‍රකාශ කිරීම ලබන සතියේ

Sports1 day ago

ගාලු කණ්ඩායම LPL අවසන් මහ තරගයට

Hot News1 day ago

ජනාධිපතිවරණයට අදාළව හදිසි තීරණයක්

Politics1 day ago

වාහන ආනයනය ගැන ඉක්මණින්ම සුබ ආරංචියක්

Hot News4 months ago

සියලුම පාසල් වෙත විශේෂ දැනුම්දීමක්

Hot News7 months ago

42 හැවිරිදි ගුරුවරිය සිසුවෙකු සමඟ කළ ෆොටෝශූට් එක සමාජ මාධ්‍ය කළඹයි

Hot News4 months ago

Watch: රංගන ශිල්පිණි මහේෂි මධුෂන්කාට හිරු මාධ්‍ය ආයතනයේ ප්‍රධානි රේනෝගේ බිරිඳගෙන් තර්ජන, වීඩියෝ ලීක් කරනවලු- මහේෂිගෙන් බරපතල චෝදනාවක්

Hot News5 months ago

Watch : සම්මානය දෙන්න ආපු අජිත් රෝහණගේ අතින් සම්මානය ගන්න බෑ කියපු ධාවකයා

Sports9 months ago

දක්ෂතම ක්‍රීඩිකාව වෙමින් තරුෂි පාසල් ක්‍රීඩාවට සමුදෙයි

Hot News8 months ago

පිරමීඩ ජාවාරමට හසු වූ උපකාරක පන්ති ගුරුවරයාගේ සිරුර බොල්ගොඩ ගඟෙන් හමුවෙයි

Hot News7 months ago

චාමර වීරසිංහ දැඩි සත්කාර ඒකකයට

Sports8 months ago

ඇමරිකන් ප්‍රිමියර් ලීගය සඳහා මැතිව්ස් ඇමරිකාවට

Hot News6 months ago

Watch : අවලෝකිතේෂ්වර බෝධිසත්වගෙන් අස්ගිරි විහාරයට යතුරක්

Local9 months ago

පාසල් නිවාඩුව ගැන දැනුම්දීමක්

Local9 months ago

Watch : කෝටි ගානක සල්ලි උස්සපු මහ හොරාව අල්ලයි – උසාවිය අසලට විශාල පිරිසක්

Hot News3 months ago

කිරිපිටි මිල පහළට

Hot News4 months ago

Watch: කමිඳු මෙන්ඩිස් දෙවැනි ඉන්මේදීද ශතකයක් වාර්තා කරමින් ලෝක වාර්තාවක් පිහිටුවයි

Hot News7 months ago

ලොව ඉහළම මතක ධාරිතාවක් ඇති සිසුවා ශ්‍රී ලංකාවෙන්

Hot News6 months ago

Watch : සනත් නිශාන්ත අවසන් ගමන් යද්දී බිරිඳ දෙනෙත්වල කඳුළු පුරවාගෙන කිව්ව කතාව

Hot News8 months ago

Watch : ඉතිහාසයේ පළමු වතාවට පොලිස් නිලධාරීන්ගේ විරෝධතාව හේතුවෙන් මහේස්ත්‍රාත්වරියකට දඬුවම් මාරුවක්

World6 months ago

පෙබරවාරි 01 වනදා සිට කියුබාවේ ඉන්ධන මිල 500% ඉහළට

World8 months ago

ක්‍රිකට් පාලක මණ්ඩලයේ සභාපතිත්වය ඩයානාට

Hot News5 months ago

දිවුලපිටිය නගරයේදී අනියම් සැමියා කාන්තාවකට පිහියෙන් ඇණ පලා යයි

Hot News7 months ago

බඩල්ගම කෝංගොඩ මුල්ල ප්‍රදේශයේ අවුරුදු 18ක දැරියක් අතුරුදහන්

Sports9 months ago

ඔස්ට්‍රේලියානු ක්‍රිකට් ක්‍රීඩක ෆවාඩ් අහමඩ්ගේ මාස හතරක් වයසැති බිලිඳා මියයයි

Hot News6 months ago

Watch : කාන්තාවන් තුන්දෙනෙක් එක්ක ට්‍රිප් එකක් ගිය විහාරාධිපති හිමියන් පන්සලෙන් නෙරපයි

World8 months ago

තම මංගල දිනය අවමංගල්‍යයක් කර මනමාලිය සමඟ මනමාලයත් අවසන් ගමන් යයි

World9 months ago

ඇමරිකාවේ වෙඩි තැබීමක් – පුද්ගලයින් 16ක් ජීවිතක්ෂයට

Hot News5 months ago

පාසලේ උදෑසන රැස්වීමේදී ක්ලාන්තය සෑදුණු ශිෂ්‍යාවක් ජීවිතක්ෂයට

Hot News6 months ago

සීදුව බ්‍රේව් සංගීත කණ්ඩායමේ විදුලි ඕගන් වාදන ශිල්පියා ජීවිතක්ෂයට

Hot News8 months ago

කිලෝ 22ක් බර මිල කළ නොහැකි ලොකු මැණිකක් හමුවෙයි

Hot News7 months ago

මීගමුවේ ඇවෙන්රා ගාර්ඩ්න් කුස්සියට සීල් තබයි

Hot News4 months ago

අද මැදියම් රැයෙන් පසු කිරිපිටි මිල වෙනස් වෙයි – නවතම මිල ගණන් මෙන්න

Hot News7 months ago

කාන්තාවක් සමඟ ලැඟුම්හලට ගියපු පුද්ගලයා අවසන් ගමන් යයි – කාන්තාව හොරෙන්ම පලායයි

Politics4 hours ago

Watch : ජපානයේ ශ්‍රී ලාංකිකයින්ගෙන් අනුරට උණුසුම් පිළිගැනීමක්

Hot News4 days ago

ක්ලබ් වසන්තගේ සිද්ධියට මැදිවුණු විශ්වවිද්‍යාල සිසුවිය කවුද?

Politics5 days ago

Watch : රටේ ජනතාවට සනත් නිශාන්ත නැති අඩුව අඩුවක් නැතුව පුරවපු බිරිඳ

Hot News5 days ago

Watch : කංජීපානි එක්ක ප්‍රංශ රටේ සවාරි ගහන වසන්ත ගැන ඔත්තු දීපූ පොලිස් ලොක්කාගේ රටම නොදන්න තිත්ත ඇත්ත මෙන්න

Uncategorized6 days ago

Watch : වසන්තගේ අවසන් මොහොතේ සංවේදී වූ මව හැමෝගෙම නෙතට කඳුලක් එක්කරයි

Hot News6 days ago

Watch : සමීපතමයින්ගේ දුක් සෝ සුසුම් මැද ක්ලබ් වසන්ත මෙලොවින් සමුගනී

Hot News1 week ago

Watch : ක්ලබ් වසන්තගේ අවසන් මොහොතේ දර්ශන එලියට

Hot News1 week ago

Watch : පැටීගේ සහ කංජිපානිගේ මීළඟ ඉලක්කය කවු ද ?

Hot News1 week ago

Watch : ටැටූ හිමිකරු පොලිසිය ඉදිරියේ සියල්ල වමාරයි | වසන්තට ගේම දුන් හැටි මෙන්න

Hot News1 week ago

Watch : ක්ලබ් වසන්ත එක්කම යන්න ගිය කේ.සුජීවා ළඟින්ම ඇසුරු කළ කවුද මේ මහනාම ???

Hot News2 weeks ago

Watch : ලක්ෂ 10ක් මගේ එකවුන්ට් එකට වැටුණා ටැටූ කඩේ හිමිකරු සියල්ල වමාරයි

Hot News2 weeks ago

Watch : ක්ලබ් වසන්තට ගේම දුන්නෙ කංජිපානි ඉම්රාන්?

Hot News2 weeks ago

Watch : ක්ලබ් වසන්තටත් කලින් ටනිල් බණ්ඩාරට ජීවිතය අහිමි කළ, අතුරුගිරියේ සැලූන් එක ගැන ආන්දෝලනාත්මක හෙළිදරව්වක්

Hot News2 weeks ago

Watch : වෙඩි වැදුණු කේ. සුජීවාගේ නවතම තත්ත්වය

Hot News2 weeks ago

Watch : නැන්දම්මා එළොව යවා දරු දෙදෙනාත් ප්‍රාණ ඇපයට ගත් ලේලී

Hot News2 weeks ago

Watch : 78 හැවිරිදි සිරියාවතීට 17ක් වයස කොලු ගැටයා සිදුකළ අහස පොළොව නුහුලන අපරාධය

Hot News2 weeks ago

Watch : මත්කුඩු මුදලාලි පදින පියුමි හංසමාලිගගේ නමට ලියාපදිංචි කරපු සුපිරි වන්ඩිය

Hot News2 weeks ago

Watch : ගමන් කරමින් තිබූ බස් රථයේ සුක්කානම ගැලවී වීසිවෙයි

Hot News2 weeks ago

Watch : හැමෝගෙම ආදරය දිනාගත් ගල්ගමුවේ චණ්ඩි අවසන් ගමන් යයි

Hot News2 weeks ago

Watch : දයාසිරිගේ සෙට් එක මල් මාලා අරගෙන ඇවිත් නිදහස් පක්ෂය වට කරයි

Hot News2 weeks ago

Watch : අල්ටෙයාර් ගොඩනැගිල්ලේදී සිසුවාට සිසුවියට ඇත්තටම මොකද වුණේ ?

Hot News2 weeks ago

Watch : මුළු ගමම හඬවමින් ඩෙවෝන් 5 යාත්‍රාවේ ගිය 5දෙනා ගම්වාසීන්ගේ කර මතින් අවසන් ගමන් යයි

Hot News2 weeks ago

Watch : ජීවිතයක් අහිමි කළ මාදම්පේ බිහිසුණු බස් – ලොරි අනතුර

Hot News3 weeks ago

Watch : ෆයිල් කන්දරාවක්ම අරගෙන පියුමි CIDයට

Hot News3 weeks ago

Watch : මුහුදේ පාවී ආ බෝතල් මත්පැන් යැයි සිතා බීපු ධීවරයින්ට වෙච්ච විනාශය

Sports3 weeks ago

Watch : මුග්ධ නිලධාරීන්ගේ මෝඩ වැඩ නිසා තරුෂිට ඔලිම්පික් වරම් අහිමි වෙයි ද ?

Hot News3 weeks ago

Watch : මාධ්‍යවේදී නිරෝෂ් මෛත්‍රීගේ නඩුවෙන් හිරු පරදී

Hot News3 weeks ago

Watch : විරෝධතාවයෙන් කොළඹ හෙල්ලෙයි ගුරුවරුන්ට රනිල්ගෙන් රජ සැලකිලි

Hot News4 weeks ago

Watch : 17 හැවිරිදි සිසුවියට තරුණයින් පිරිසක් එකතු වෙලා සිදුකළ අපරාධය

Politics4 weeks ago

Watch : බැසිල් ජනපති ඉදිරියේ ප්‍රසන්නට දෙහි කපයි

Advertisement

Categories

Trending