Connect with us

Article

නාමල්ගේ ජනපති සිහිනය සැබෑ වන්නේ කවදා ද?

ඉදිරි ජනාධිපතිවරණ සටනේ දී ජනපති රනිල් වික්‍රමසිංහ ගේ ප්‍රතිවාදියකු ලෙස හිටපු ජනපති මහින්ද රාජපක්ෂගේ දෙටු පුත් හම්බන්තොට දිස්ත්‍රික්

පාර්ලිමේන්තු මන්ත්‍රී නාමල් රාජපක්ෂ ඉදිරිපත් වීමට තිබූ අවකාශය මේ වන විට මුළුමනින්ම ව්‍යවර්ථ වී ඇතැයි දේශපාලන ආරංචි මාර්ග සඳහන් කරයි. 

ශ්‍රී ලංකාවේ බහුතර ප්‍රජාවක් නියෝජනය කරන ගම නම් වන සාධකය පදනම්ව ජාතික මට්ටමේ දැවැන්ත ශක්තියක් තමනට ගොඩනඟා ගත හැකි බව පසුගිය දා ශ්‍රී ලංකා පොදු ජන පෙරමුණේ ජාතික සංවිධායක පදවිය ලැබීමෙන් පසු පැවසූ නාමල් රාජපක්ෂ ඒ මානසික පන්නරය පදනම්ව පසුගිය කාලයේ ශ්‍රී ලංකා පොදු ජන පෙරමුණේ ජ්‍යෙෂ්ඨයන් පවා ඉක්මවා යමින් ජනපති රනිල් වික්‍රමසිංහගේ දේශපාලන ක්‍රියාමාර්ග දැඩි ලෙස විවේචනය කරනු දක්නා ලදී.

ඒ රනිල් වික්‍රමසිංහට සමාන්තරව සිය දේශපාලනමය පෞරුෂය හා ප්‍රතිරූපය ඉහළ නංවා ගැනීමට සිතා විය යුතු ය.

එහෙත්, ජනතාව හමුවේ සිංහනාදයක් වනු ඇතැයි ඔහු සිතා සිටි එම හඬ එතරම් ප්‍රබල නොවූ බව මෙවර ශ්‍රී ලංකා පොදු ජන පෙරමුණේ මැයි රැළිය හා සම්බන්ධ ජනතා සහභාගීත්වයෙන් මනාව සනාථ විය. ඊට එක් වූ බොහෝ දෙනකු කියා සිටියේ මෙවර ශ්‍රී ලංකා පොදු ජන පෙරමුණේ මැයි දින රැළියට එක් වූ පිරිස අනුව රැළියක් මිස පෙළපාලියක් නොපැවැත්වීම මත එපමණකින් හෝ ජාමෙ බේරා ගැනීමට තමනට හැකි වූ බවකි.

ඉන් පසුව මෙවර ජනපතිවරණය සඳහා තම දෙටු පුත් නාමල් රාජපක්ෂ ඉදිරිපත් නොවන බවත්, ඔහුට ඒ සඳහා තව කල් ඇති බවත් හිටපු ජනාධිපති මහින්ද රාජපක්ෂ ද වැල්ලවත්තේ පැවැති වැඩසටහනකින් අනතුරුව මාධ්‍යය කළ විමසුමකදී කීය. 

නාමල් රාජපක්ෂ යනු ශ්‍රී ලාංකේය දේශපාලනයට එක්ව හිඳින තවත් එක් පුද්ගල චරිතයක් පමණක් නොවේ. ඔහු ශ්‍රී ලංකා දේශපාලනයේ තමන්ටම ආවේණික සුවිශේෂ මාදිලියක් නියෝජනය කරන්නෙකි. මෙම සටහන අනුන් ගේ ඕපාදූප සෙවීම නම් වන පටු බොළඳ සීමාවෙන් මුදවා ගත හැක්කේ නාමල් රාජපක්ෂ නියෝජන කරන එම මාදිලිගත භූමිකාව හා වත්මන් ශ්‍රී ලාංකේය දේශපාලනය අතර ඇති අවියෝජනීය සම්බන්ධය නිසා ය.

මේ වන විට ජනතාව වෙතින් ශීඝ්‍රයෙන් දුරස් වෙමින් පවතින ශ්‍රී ලංකා පොදුජන පෙරමුණ යළි නඟා සිටුවීම සඳහා නාමල් රාජපක්ෂ විසින් ඉකුත් ජනවාරියේ ”දසබල සේනා” නමින් විශේෂ වැඩසටහන් දාමයක් ක්‍රියාවට නංවන ලදී. ඒ යටතේ ඔහු දිවයින පුරා සියළු මහ නගර සභා, නගර සභා, ප්‍රාදේශීය සභා සහ ග්‍රාමීය මට්ටම් වල පක්ෂ ක්‍රියාකාරීන් මුණ ගැසීමට නියමිතව තිබිණ. එමෙන්ම ශ්‍රී ලංකා පොදුජන පෙරමුණ විසින් ආරම්භ කරන ලද පක්ෂ ප්‍රතිසංවිධාන කටයුතු වල ප්‍රධානතම ක්‍රියාන්විතය වූයේ ද මෙම “දසබල සේනා” වැඩසටහන ය. එක් ග්‍රාම සේවා වසමකින් ශ්‍රී ලංකා පොදුජන පෙරමුණු ක්‍රියාකාරී සාමාජිකයින් දස දෙනෙකු බැගින් තෝරාගෙන ඉදිරියේ එන ඕනෑම මැතිවරණයකට පක්ෂය සූදානම් කරවීම පිණිස බිම් මට්ටමින් පක්ෂය ශක්තිමත් කිරීම මෙහි අරමුණ බව පසුගිය ජනවාරියේ මොරටුවෙන් මෙම “දසබල සේනා” වැඩසටහන ආරම්භ කළ අවස්ථාවේ නාමල් රාජපක්ෂ කීය. 

එහෙත්, පසුව ඔහුට මෙය දීප ව්‍යාප්ත මට්ටමින් ගෙන යාමට එරෙහි වූ ප්‍රධාන බාධකය වූයේ “දසබල සේනා” සඳහා එක් ගමකින් ක්‍රියාකාරී සාමාජිකයන් දස දෙනකු වත් සොයා ගැනීමේ අසීරුව බව ගම් මට්ටමේ ආරංචි මාර්ග ඔස්සේ දැන ගන්නට ලැබී ඇත. විශේෂයෙන් නාමල් රාජපක්ෂ නායකත්වය දෙන මෙම “දසබල සේනා” වැඩසටහන හා එක් වන තරුණයන් සෙසු ගැමි තරුණ ප්‍රජාව වෙතින් අපහාස උපහාස වලට ලක් වීම මත ඔවුන් බොහෝ දෙනකු ඊට එක් වීම ප්‍රතික්ෂේප කළ බව පැවසෙයි. නාමල් රාජපක්ෂගේ නොවිධිමත් දේශපාලන භාවිතය ඊට හේතු වන්නට ඇති බව අපගේ අනුමානයයි.

එහෙත්, පසුව ඔහුට මෙය දීප ව්‍යාප්ත මට්ටමින් ගෙන යාමට එරෙහි වූ ප්‍රධාන බාධකය වූයේ “දසබල සේනා” සඳහා එක් ගමකින් ක්‍රියාකාරී සාමාජිකයන් දස දෙනකු වත් සොයා ගැනීමේ අසීරුව බව ගම් මට්ටමේ ආරංචි මාර්ග ඔස්සේ දැන ගන්නට ලැබී ඇත. විශේෂයෙන් නාමල් රාජපක්ෂ නායකත්වය දෙන මෙම “දසබල සේනා” වැඩසටහන හා එක් වන තරුණයන් සෙසු ගැමි තරුණ ප්‍රජාව වෙතින් අපහාස උපහාස වලට ලක් වීම මත ඔවුන් බොහෝ දෙනකු ඊට එක් වීම ප්‍රතික්ෂේප කළ බව පැවසෙයි. නාමල් රාජපක්ෂගේ නොවිධිමත් දේශපාලන භාවිතය ඊට හේතු වන්නට ඇති බව අපගේ අනුමානයයි.

වැඩවසම්වාදී නොවන ප්‍රජාතාන්ත්‍රික සමාජයක දේශපාලනඥයෝ ජනතා පුත්‍රයන් ලෙස හැඳින්වෙති. ඒ ඔවුන් සාමාන්‍ය ජනතාව අතුරින් දේශපාලනයට අවතීර්ණ වූ බැවිනි. එහෙත්, නාමල් රාජපක්ෂ එවැනි ජනතා පුත්‍රයකු ලෙස සිහි මොළේ ඇති කිසිවකුත් පවසනු ඇතැයි අපට නොසිතේ. ඒ මහින්ද රාජපක්ෂගේ දෙටු පුත්‍රයා ලෙස ඔහුට හිමිව ඇති ප්‍රතිරූපය කෙසේ වත් සිඳ බිඳ දැමීමට නොහැකි බැවිනි. 

නාමල් රාජපක්ෂ තවමත් ජනතාව හමුවේ පාරාවෝ රජවරුන් මෙන් “රාජපක්ෂ වරුන්” ලෙස මහත් අභිමානයෙන් තම පිය පරම්පරාව හඳුන්වා ගැනීම තුළ ඔහුගේ වයස කෙසේ වෙතත් මනැස යල් පැන ගිය ආචීර්ණ කල්පික අදහස් වලින් පිරී ඇති බවට කදිම නිදසුනකි.එමෙන්ම අදටත් “නාමල් බේබි” යනුවෙන් ඔහු හඳුන්වන පිරිසක් සිටීම නාමල් රාජපක්ෂලාගේ මහේශාඛ්‍ය දිවි පෙවෙත ගැන යම් අදහසක් ලබා ගත හැක.

නූතන සමාජයීය බුද්ධි පරිනාමය හමුවේ අවලංගු සාධකයක් ලෙස විශේෂයෙන් කැපී පෙනෙන පරම්පරා දේශපාලනය මහත් අභිමානයක් සේ සළකන නාමල් රාජපක්ෂ එය රැක ගැනීම පිණිස තවමත් පරම්පරා සාටකය ලෙස ඔවුන්ම නම් කොට ඇති රෙදිකඩ මහත් උජාරුවෙන් ගෙල පැළඳ හිඳිනු පෙනෙයි. භාරතීය ආර්ය වංශය නියෝජනය කෙරෙන ඉන්දියානු සම්ප්‍රදායට අයත් පළඳනාවක් පසුව ආර්ය සිංහල ඇඳුම හෙවත් ජාතික ඇඳුමට එක් වනු ලදුව කුරහන් පැහැයෙන් යුතුව කරලාගෙන හිඳීම තම පරපුරේ අභිමානයක් ලෙස රාජපක්ෂ පවුලේ සාමාජිකයෝ සිතති.

එහෙත්, ඔවුන් විසින් ආරූඪ කරගත් මෙම ප්‍රභූත්වය අතීතයට විහිද යන්නක් නොවන බවත් වීරකැටියේ බුද්දියාගම වලව්වේ පාරම්පරික හිමිකරු වූ දොන් කොන්ස්ටන්ටයින් ද සිල්වා වනිග චින්තාමනී මොහොට්ටි නම් ප්‍රභූ වරයා 1874 මරණයට පත් වූ පසු එම වලව්වේ හිමි කාරත්වය රාජපක්ෂ පරම්පරාවට හිමි වීමත් සමඟ ඇරඹුණු එකක් බවත් දකුණු පළාතේ ගිරුවා පත්තුවේ පාරම්පරික ගැමියෝ කියති. 

නමුත්, වර්තමානයේ කුරහන් බෝගයේ සේම ඔවුන් මහත් අභිමානයෙන් පළඳින සාටකයේ ද යල් පැන ගිය බවක් මිස ජාතික වශයෙන් තුට්ටුවක වත් වැදගත් කමක් නැති බව පැරණි රාජපක්ෂලා සේම නාමල් රාජපක්ෂ තරුණයා ද දැන හිඳින බවක් පෙනෙන්නට ඇත. එමෙන්ම නූතන සමාජය නියෝජනය කරන ”ඉසෙඩ්” පරපුර හමුවේ තමන් අනුගමනය කරන එම යල් පැන ගිය පාරම්පරික විලාසිතාව විකට ඇඳුමක අගය නොඉක්මවන බව නාමල් රාජපක්ෂට නොවැටහීම අපට නම් අදහා ගත නොහැකි පුදුමයකි. 

එහි විස්මයට කරුණ වන්නේ ජාතික ඇඳුම හා සම්බන්ධ පළඳනාවක් ලෙස යොදාගත යුතු එය ටී ෂර්ට් වැනි නවීන ඇඳුම් හා පළඳින්නට තරම් ඔහු තුළ ඒ සාටක ඇබ්බැහියාව ප්‍රබල වීම ය. ඒ අනුව තමන්ට දේශපාලන රජ මාවතට පිවිසිය හැකි ගමන් බලපත්‍රයක් සේ නාමල් රාජපක්ෂ සිතන ඒ යල් පැනගිය පළඳනාව ඔහු නූතන දේශපාලන ධාරාවෙන් කැළයට ඇද දැමීමට සමත් ගෝත්‍රික සළකුණක් බව අපගේ වැටහීම ය.

නාමල් රාජපක්ෂ අනුගමනය කරන දේශපාලන ධාරාව ප්‍රභූ දේශපාලනය (Elite Politics) බව ඔහුගේ කතා බහ ඇතුළු සියළු කල්ක්‍රියාවලින් පෙනේ. එය ද නූතනය හා කෙසේවත් නොසැසඳෙන්නක් බව අතිශයින් පැහැදිලි ය. වැඩවසම් යුගයේ සමාජ උරුමයක් වූ ප්‍රභූ දේශපාලනයෙන් ඔබ්බට සංවර්ධනය වූ නව දේශපාලන න්‍යායන් ලොව බොහෝ සමාජයන් කෙරෙන් දක්නට ලැබේ. ඒවා ප්‍රවර්ධනය වන තරමට ප්‍රභූ දේශපාලනයේ අගය හීන වීම අතිශය ස්වභාවික සංසිද්ධියකි. මෙය ද “දසබල සේනා” අසාර්ථකත්වය හා සසඳා බැලිය යුත්තකි.

ජනතා පුත්‍රයකු නොවන හා සිය උරුමයෙන් දේශපාලනයට පිවිසෙන නාමල් රාජපක්ෂ මුල්වරට පාර්ලිමේන්තුවට පිවිසෙනුයේ 2010 මහ මැතිවරණයෙනි. එවකට ඔහුගේ වයස අවුරුදු විසි හතරකි. 2009 වසරේ එල් ටී ටී ඊ යුද්ධය හමාර කිරීම සම්බන්ධ රාජ්‍ය පාලකයා වීම මත තුන් හෙළය එක් සේසත් කළ මහරජු ලෙස සිය පාක්ෂිකයන් විසින් මහින්ද රාජපක්ෂ හැඳින්වෙන ලදුව නාමල් රාජපක්ෂ ඊට සමානව රජ කුමරා හෝ රජ පැටියා ලෙස ස්වභාවික ලෙසම හැඳින්වෙන්නට ඇත. 

ඒ අනුව පාර්ලිමේන්තු මන්ත්‍රී පදවියක් ලත් අලුතම තම පියා ගේ බලයෙන් එවක ශ්‍රී ලංකා නිදහස් පක්ෂයේ බොහෝ ජ්‍යෙෂ්ටයන් අබිබවා රටේ ප්‍රබල දේශපාලනඥයන් හා සම අසුන් දැරීමටත් සියළු රාජ්‍ය උත්සව ආදියට ඔවුන් හා හරි හරියට එක්වීමටත් පොළඹන ලද්දේ හුදු නාමල් රාජපක්ෂ සතු ප්‍රභූ දේශපාලන උරුමය අනුව මිස අන් කිසිදු හේතු සාධකයක් මත නොවේ. එමෙන්ම වැඩවසම්වාදී යුග වල මෙන් පියාගෙන් පුතාට පාලන බලය හිමිවීම මත අනාගතයේ හිමි වන අප රටේ ජනපති පදවිය මහ බඹු විසින් ඔහු ගේ ගේ නළළේ කොටා ඇති බව එම පවුලේ සාමාජිකයන් සේම ඔවුන් ගේ අනුගාමිකයන් ද සිතන්නට ඇත.

මේ පසුබිම යටතේ මඳ කලක් විදේශීය අධ්‍යාපනය ලද ඔහු එහි සාර්ථකත්වය කෙසේ වුවද නාමල් රාජපක්ෂ2009 වසරේ ශ්‍රී ලංකා නීති විද්‍යාල අවසන් විභාගයට මුහුණ දුන් ආකාරය එවක රට පුරා මහත් ආන්දෝලනයට ලක් වූයේ නීති විද්‍යාලයේ විදුහල්පති ගේ විශේෂ අනුග්‍රහය යටතේ නාමල් රාජපක්ෂ අන්තර් ජාල පහසුකම් සහිත පරිගණකයක් ද සමීපයේ තබා ගෙන විශේෂ කාමරයකට වී විභාගයට තනිව මුහුණ දුන් බැවිනි. නීති විද්‍යාල සේම සමස්ත විභාග පටිපාටියට මුලුමනින්ම පරිබාහිර වූ මෙම ක්‍රියාව සම්බන්ධයෙන් ඔහුගේ සමකාලීන නීති ශිෂ්‍යයකු පොලීසියේ පැමිණිල්ලක් කොට පසුව එය ශ්‍රේෂ්ඨාධිකරණය වෙත ද ගෙන ගොස් තිබිණි. එහෙත්, එම සිසුවාගේ එම උත්සාහය ව්‍යවර්ථ කරමින් නාමල් රාජපක්ෂ 2011 දෙසැම්බර් 15 දා එවක අගවිනිසුරු ශිරාණි බණ්ඩාරනායක හමුවේ නීතිඥයකු ලෙස දිවුරුම් දුන්නේය. එමෙන්ම ඔහුගේ නීතිඥ සුදුසුකම පසෙක තිබිය දී නීතිය පිළිබඳ දැනුම පසුව පාර්ලිමේන්තුවේ ද දැඩි විවේචන වලට ලක් වූ අතර නීතිඥ වෘත්තික ඇතැම් පාර්ලිමේන්තු මන්ත්‍රීවරු හැකි නම් දණ්ඩ නීති සංග්‍රහයේ වගන්ති දෙකක් කටපාඩමින් පවසන ලෙස නාමල් රාජපක්ෂ මන්ත්‍රීවරයාට අභියෝග කිරීම පිළිබඳව ද මාධ්‍ය මගින් වාර්තා කරන ලදී.

මෙම තත්වය යටතේ දේශපාලනඥයකු, පාර්ලිමේන්තු මන්ත්‍රීවරයකු වශයෙන් විශේෂ ජනතා සේවයක් ඉටු නොකළ ද විශාල ලෙස මුදල් වැය කරමින් විදේශයන් හි විනෝද චාරිකා වල පවා යෙදෙමින් අති සුඛෝපභෝගී දිවියක් ගත කළ නාමල් රාජපක්ෂ මන්ත්‍රීවරයා ගේ ආදායම් වියදම් විෂමතා අනුව ඔහු ඉතා බරපතල ලෙසින් මහජන මුදල් අවභාවිතා කරන්නකු බවට දිගින් දිගටම චෝදනා එල්ල විය. එහෙත්, ඒ චෝදනා සියල්ල තරයේ ප්‍රතික්ෂේප කළ නාමල් රාජපක්ෂ මන්ත්‍රී වරයා කියා සිටියේ තමන් හෝ තම පවුලේ සාමාජිකයන් අයථා ලෙස ඉපැයූ වත්කම් නොමැති බවකි. නමුදු මේ සම්බන්ධ සමාජ කතිකාව මේ සටහන ලියන මොහොතේ ද නිමා වී නැත.

මේ අතර වැඩවසම්වාදී අදහස් තවමත් සිතින් ඉවත් කර ගත නොහැකි හා ප්‍රභූ දේශපාලනයට නතු මානසිකත්වයකින් යුතු හම්බන්තොට දිස්ත්‍රික්කයේ අහිංසක ගැමි ජනතාව රාජපක්ෂ පවුලට දක්වන භක්ත්‍යාදරය පදනම් ව එම ප්‍රදේශ වල වයෝවෘද්ධ ස්ත්‍රී පුරුෂයන් පවා නාමල් රාජපක්ෂට හිස් පහත් කොට දෑත් ඔසවා ආචාර කරන සහ ඔහු ඔවුනට ආශිර්වාද කරන ආකාරයේ ඡායාරූප විශාල ප්‍රමාණයක් ඉකුත් කාලයේ සමාජ මාධ්‍ය වල දැකිය හැකි විය. ඒ හුදෙක් නාමල් රාජපක්ෂ මන්ත්‍රීවරයා ගේ මනැස තුළ ඔද්දල් වෙමින් පවතින ප්‍රභූ මානසිකත්වය නිසා මිස ඔහුගේ වරදක් නිසා යැයි අපට නොසිතේ. 

නමුදු ඒ සම්බන්ධයෙන් බරපතල ලෙස පැන නැඟි සමාජ අප්‍රසන්නතාව හමුවේ ඉන්පසු ඔහු කුඩා තේ කඩවලින් තේ පානය කරන ස්වභාවික ආපදා වලින් වියපත් පුද්ගලයන් බේරා ගන්නා හා සාමාන්‍ය ගැමි තරුණයන් හා එක්ව වෙහෙස මහන්සි වී කටයුතු කරන ඡායාරූප සමාජ මාධ්‍ය වලට යොමු කොට ඒ තමන් වෙත එල්ල වූ සමාජමය අපහාස උපහාසවලට අතිරේක දිගුවක් ද සකසා ගෙන තිබේ. ඒ බව සමාජ ජාල පරිහරණය කරන කිසිවකුටත් රහසක් නොවේ.

මේ අතර 2012 මැයි 17 වනදා සුප්‍රකට රගර් ක්‍රීඩක වසීම් තාජුඩීන් කොළඹ කිරුළපන ශාලිකා ක්‍රීඩාංගනය අසල තම මෝටර් රථය තුළ පිළිස්සී මිය යාම පළමුව හදිසි අනතුරක් බවට නිගමනය වී පසුව එය පශ්චාත් මරණ පරීක්ෂණයේ දී වසා දමන ලද සූක්ෂම මිනීමැරුමක් බව සොයා ගන්නා ලදී. එහිදී ද ඒ සම්බන්ධයෙන් නාමල් රාජපක්ෂ ගේ නම ප්‍රකාශ වූ අතර ඔහු විසින් එම චෝදනා තරයේම ප්‍රතික්ෂේප කොට ඇති පසුබිමක තාජුඩීන් ගේ මිනී මරුවා මේ වන විටත් නීතිය හමුවේ අනාවරණය වී නැත.

මේ අතර වෘත්තීය නීතිඥයකු වශයෙන් කටයුතු කොට නොමැති නාමල් රාජපක්ෂ 2014 වසරේ අපරාධ විද්‍යාව පිළිබඳ ශ්‍රී ජයවර්ධනපුර විශ්ව විද්‍යාලයේ පශ්චාත් උපාධියක් සඳහා ලියාපදිංචි වීමට දැරූ උත්සාහයක් පිළිබඳව කතිකාවක් ද පසුගිය කාලයේ සමාජ කරලියේ රැව් දෙන ලදී. එම පශ්චාත් උපාධි ලියාපදිංචිය පිළිබඳව සළකා බැලූ විශ්ව විද්‍යාලයීය අධ්‍යාපනය මණ්ඩල සාමාජිකයන් අතුරින් තමන් හා තවත් මහාචාර්යවරයකු මූලික උපාධියක් නොමැති නාමල් රාජපක්ෂ පශ්චාත් උපාධියක් සඳහා ලියාපදිංචි වනුයේ කෙසේදැයි විමසා එම අයැදුම්පත ප්‍රතික්ෂේප කළ බව එම විශ්ව විද්‍යාලයේ දේශපාලන විද්‍යා මහාචාර්ය ටෙරන්ස් පුරසිංහ පසුව සමාජය හමුවේ කීය. 

එහි දී තමන් වෙත කිසිදු බලපෑමක් නොකළ ද එවක ශ්‍රී ජයවර්ධනපුර විශ්ව විද්‍යාලයේ උප කුලපති එන්.ඒ.එල් කරුණාරත්න නාමල් රාජපක්ෂ “මහරජ්ජුරුවන් ගේ පුතා” ලෙස හඟවමින් ඔහුගේ අයැදුම් පත ප්‍රතික්ෂේප කළ මහාචාර්ය වරයාට මරණ තර්ජනය පවා එල්ල කළ බව ප්‍රසිද්ධියේ කීමට පසුබට නොවීය. තම වෘත්තීය සීමාවට අමතරව සැබෑ මානව හිතවාදියකු ලෙස සුවිසල් සමාජමය මෙහෙවරක් කරමින් සිටින අතරේ ඇති වූ හදිසි රෝගී තත්වයක් මත මහාචාර්ය ටෙරන්ස් පුරසිංහයෝ 2021 ජූලි හය වන දා අභාවප්‍රාප්ත වූහ. ඒ වන විට ඔහු සැට වන වියේ පසුවිය.

තත්වය මෙසේ තිබියදී හිතුවක්කාර රියැදුරකු දිගින් දිගටම මාර්ග නීති කඩ කරන්නාක් මෙන් ශ්‍රී ලංකා පොදු ජන පෙරමුණේ ජ්‍යෙෂ්ඨයන් පවා ඉක්මවා ශීඝ්‍රයෙන් පෙරට ආ මෙම අපූරු මාදිලියේ දේශපානනඥයා මේ වන විට ජාතික තලයේ ස්ථාපිත විය හැකි “ෂෝට් කට්” සොයමින් හිඳින බව පෙනෙයි. අප රටේ බහුතර මධ්‍යම පන්තිය නියෝජනය කරමින් මතු වූ පසුගිය ගාලු මුවදොර අරගලය මෙහෙය වූ නායකයන් සිරගත කොට ඊට එක් වූවන් පුනරුත්ථාපනය කළ යුතු බවට පාර්ලිමේන්තුවේ පවසා සිටි ප්‍රභූ දේශපාලනය නියෝජනය කරන නාමල් රාජපක්ෂ මේ වන විට තමන් වෙත ආකර්ශනය කර ගෙන ඇති ඉලක්කගත ජන කොටස කුමක් ද? යන්න අපට තබා ඔහුට ද ගැටළුවකි. එමෙන්ම අප රටේ බිම් මට්ටමේ දේශපාලන හා සෘජු සබැඳියාවක් නොදක්වන ඔහු කවර නම් දේශපාලනික ව්‍යක්ත විශාරදත්වයක් පළ කරන්නේ ද යන්න මේ දක්වාම අනාවරණය වී නැත.

මේ වාතාවරණය යටතේ මහින්ද රාජපක්ෂ සහ නාමල් රාජපක්ෂ යන පිය පුතුන් හැඳින්වීම පිණිස හිටපු අමාත්‍ය විමල් වීරවංශ කදිම උපමාවක් යෙදීය. එනම් “මහින්ද ගම් කුකුළෙක් නම් නාමල් බ්‍රොයිලර් කුකුළෙක්” යනුවෙනි. මෙවන් පසුබිමක් තුළ අදටත් ප්‍රභූ දේශපාලනය නියෝජනය කරමින් ජනතා ප්‍රසාදය ඩැගැගන්නට වෙර දරන නාමල් රාජපක්ෂ නම් සුකුමාර මන්ත්‍රී වරයා ජනපති පදවිය දැරීමට ඔහුගේ හිටපු ජනපති පියා කී ලෙසින්ම තව කල් තිබෙන බව අවිවාදිත ය, සැකයකට ඇත්තේ ඒ කාලය සදාකාලයටමද? යන්න පමණි.

(හේමන්ත රන්බණ්ඩාර)
නිදහස් මාධ්‍යවේදී 

Continue Reading
Click to comment

Leave a Reply

Your email address will not be published. Required fields are marked *

Article

ලාල් කාන්ත කීවේ ඇත්තකි !

” මේක කෙලින්ම ගහල ඉවර කරන්න ඕනෙ කිව්වෙ අපියි,ජාතික හෙළ උරුමයයි විතරයි. අපි සමාජ මතය හදල ජනතාව පෙළගැස්සුව..ඕගොල්ලො ගැහුව.”

ලාල් මේ අමතන්නේ රත්නපුර විශ්‍රාමික ත්‍රිවිධ හමුදා සමුළුවටයි.

තමන් එදා ‘ඓතිහාසික වගකීමකට’ උර දුන් බව තවමත් විශ්වාස කරන පක්ෂයකට උතුරු-නැගෙනහිර යුධමය ප්‍රශ්නයේ සැබෑ ඓතිහාසික-දේශපාලන මූලයන් හෝ අදටත් එහි ශේෂ වී පැසවන තුවාලයන් ගැන පශ්චාත්තාපයක් හෝ ස්වයං විචාරයක් තිබීමට ඉඩක් නැත.

දෙමළ ජනයාගේ ඓතිහාසික ප්‍රශ්නය ගැන දේශපාලනිකව සංවේදී වූ සහ එය ලෙයින් යකඩයෙන් මර්දනය කළ සිංහල-බෞද්ධ රාජ්‍යය හා එහි මර්දන උපකරණය ගැන විවේචනාත්මක වූ අපගේ සංස්කෘතික-බුද්ධිමය මිතුරු පිරිවර අද ජාතික ජන බලවේගය නාමයෙන් නිහඩ කර ඇත. ඔවුන් අද ජාතික ජන බලවේගයේ අන්ධ බැතිමතුන් හෝ ප්‍රයෝගකාරී ආරක්ෂකයන් වී ඇත. ඇතැම් විට ලාල් කාන්තගේ ඉහත කතාව හුදෙකලාව විවේචනය කරන හීන් කෙදිරියක් පමණක් නැගෙනු ඇත.

ජවිපෙ/ජාජබ අද ගෞරවයෙන් කැදවන ත්‍රිවිධ හමුදා සාමාජිකයන් යනු එදා 80 දශකයේ සිය සහෝදරත්වය සංහාරය කළ රාජ්‍ය උපකරණය බව ඔවුනගේ ඉතිහාස මතකයෙන් මැකී ගොස් ඇත.

ජවිපෙ ‘උතුරු-නැගෙනහිර ත්‍රස්තවාදය’ මර්දනය කිරීමට මතවාදී ශක්තිය සැපයූවා නම් ජේ.ආර්/‍රනිල් ආණ්ඩුව 80 දශකයේ කර ඇත්තේ ‘දකුණේ ත්‍රස්තවාදය’ මර්දනය කිරීමකි.

කුමක්ද වෙනස ?..

ජවිපෙ උතුරට කැදවූ මර්දනය නිවැරදි වී එජාපය දකුණට කැදවූ මර්දනය වැරදි වන්නේ කෙසේද ? ‘ත්‍රස්තවාදය’ පිළිබද නිර්වචනය සාධාරණීය වන්නේ තමන්ගේ පාර්ශවයේ මතවාදයට අනුව පමණද ?

‘පලස්තීනයේ නිදහස’ ප්‍රගතිශීලී වී ‘දෙමළ ජාතික නිදහස’ ප්‍රතිගාමී වන්නේ කෙසේද ? ‘හමාස් ත්‍රස්තවාදය’ හා ‘පලස්තීන ජනතාවගේ නිදහස’ අතර බෙදුම්කඩනය පැහැදිළි වී ‘විමුක්ති කොටි සංවිධානයේ ත්‍රස්තවාදය’ හා ‘දෙමළ ජනතාවගේ දේශපාලන නිදහස’ අතර බෙදුම්කඩනය පැහැදිළි නොවන්නේ කෙසේද ?

ඊශ්‍රායාලයට එරෙහිව ‘පලස්තීන නිදහස’ වෙනුවෙන් කොන්ද කෙලින් තබාගෙන හඩක් නැගීමට ජවිපෙ/ජාජබ අද අසමත් වී සිටින්නේ ද ඉදිරි මැතිවරණ ජයග්‍රහණයේ ගේමටත් වඩා ඔවුනගේ දේශපාලන ලෝක දැක්ම තුළ ඉහත වර්ගයේ බෙදුම්කඩනයක් නොමැති වන නිසාද වේ.

ලාල් ගේ ඍජු බසින් නොවුනද ජවිපෙ මතුපිට හමට යට ඇත්තේ සිය පැරණි සිංහල-බෞද්ධ වාර්ගික ජාතිකවාදයම බව පැහැදිළිය.

ජවිපෙ/ජාජබ නියෝජිතයකු නොවීද ඊට ආණ්ඩු බලය මාරුවීම දෙස නිර්ප්‍රභූ අර්ථයකින් සුබවාදීව බලන අප වැනි අයට ද සිය ආස්ථානය පිළිබද යළි ස්වයං පරික්ෂාවක් කිරීමට අවස්ථා කිහිපයක්ම මේ වනවිට ජවිපෙ/ජාජබ විසින් සපයමින් තිබෙන බව පෙනෙයි.

(පෙනෙන විදියට ජවිපෙ/ජාජබ ආණ්ඩු බලය ගැනීමට සූදානම් වන්නේ දෙමළ ජනතා චන්දයෙන් තොරව දකුණේ බහුතර සිංහල-බෞද්ධ අනුමැතියෙන් විය යුතුය.)

(උපුටා ගැනීම විදර්ශන කන්නන්ගර ගේ ෆේස්බුක් පිටුවෙනි)

Continue Reading

Article

රනිල් ආයේත් පරද්දමු – (නීතිඥ චන්ද්‍රසිරි සෙනෙවිරත්න)

පසුගිය අසීරු දෙ වසර අවසානයේ උද්ධමනය අඩු විය. රුපියල ශක්තිමත් විය. සංචාරක කර්මාන්තය වැඩි දියුණු විය.

විදේශ සංචිත තර විය. අත්‍යාවශ්‍ය ද්‍රව්‍ය සුලභ විය. පාසල් විවෘත විය. පාර්ලිමේන්තු ප්‍රජාතන්ත්‍රවාදය මුහුදට විසි කොට අප්‍රෙල් අරගලය නිර්මානය කළ පීඩාකාරි යුගය මෙසේ තුනී වී යාම මග හැර යමින්, ”ඕවා කියලා වැඩක් නෑ රනිල් පරදිනවා” කියන මාලිමාව තම මුහුණු පොත් සහෘදයන් ලවා මාලිමාවට ජය වේවා කියවා ගත්තාට බංගාවේවා කියන උපන් නැකතක් හිමි ජෙප්පන් කවදාවත් දිනලාම නැත. 

දෝණි තම අම්මාටත් නො කියවන ඔසප් සංසිද්ධියට දේශපාලනික පෑඩ් ඇන්දවීමෙන් 2019 දීම සජිත් ප්‍රේමදාසත් අමු ජෝකරයෙක් විය. අනුන් දෙන දේ කමින් බොමින් යැපෙන, පිනට ලැඛෙන රෙදි කලිසම් වලින් විලි වසා ගන්නා කයියනායකලා වචනාර්ථයෙන් අපතයන් මිස යුගයක් නිර්මානය කිරීමට සමත් නො වෙති. එකට එකතුව රනිල් පරාද කළ හැකි වුණත් වඩාත් ගහ බැණ ගන්නේ මේ දෙ ගොල්ලමය. 

ගෝඨාට රැවටී දෙ කෝටි පනස් ලක්ෂයකට යන එන මං නැති කළ හැට නව ලක්ෂයෙන් එකියක් වූ නිවාස අධිකාරියේ නිලධාරිනියක් ගිය ගමන රනිල් පරද්දන්න ගෝඨාට දුන්නා. මේ ගමන මාලිමාවට දෙන්න ඉන්නේ. ඒත් බයත් හිතෙනවා. යනුවෙන් කීවේ පවත්නා දේශපාලන දෙ ගිඩියාව එළි දක්වමිනි. ඇයි සජිත් මොකද? එහි සිටි අයෙක් විමසූ විට ඇය කීවේ නිවාස අධිකාරියට එයා කළ විනාසය අපි දන්නවා කියාය. 

රටේ බහුතරය කතිර පාවිච්චි කළේ රට හදන්න නොවේ. රනිල් ගෙදර යවන්නය. දැන් සිදුව ඇත්තේ වෙනත් දෙයකි. 2015දී ඡන්ද 5098916ක් සහ මන්ත්‍රීන් 106ක් සමග රට කරවූ රනිල්, 2020දී ඡන්ද 249435ක් සහ එක් මන්ත්‍රී ආසනයකට සීමා කළේ එහෙමය. 2020දී සජිත් අප්පාවත් ජනාධිපති කරවූ එජාපයට හතුරු නො වුණා නම් රාජපක්ෂලාට තුනෙන් දෙකක් ගන්නේවත් රටට මෙහෙම වෙන්නේත්  නැත. 

රටක විපක්ෂ නායකයා අස්ථාවර රට භාර ගෙන අගමැති විය යුතු වුවද, 2022දී ලංකාවේ එහෙම නො වුණේ සජිත් බය වුණේ මැයි 9 වෙනිදා ගෝල්ෆේස්හිදී ඔලූවට එල්ලවූ පොලූ පාර නිසා විය හැකිය.

17 වසරක් තම දේශපාලන ප්‍රතිවාදියාවූ රනිල් හාස්කමකින් මෙන් නිමේෂයකින් රටේ පාලකයා වීම රාජපක්ෂලාට අදටත් මදි පුංචිකමක් විය. සිද්ධ වුණේ රටට පවත්නා එකම විකල්පය එක්සත් ජාතික පක්ෂය හෙයින් ජනතාව ගෙදර යැවූ රනිල් පාර්ලිමේන්තු බහුතරය විසින් යළි කැඳවීමය. රනිල් එජාප ශෛලියෙන් අර්බුදයට මුහුණ දුන් ආකාරය දෙ කෝටි පනස් ලක්ෂයක් දෙනා විමසිල්ලෙන් බලා සිටිති.  

දිගු කලක් වැසී තිබුණ පාසල් පද්ධතිය රනිල් ජනාධිපතිවී පැය 48ක් තුළ විවෘත නො කළ නම්, සජිත්ට ස්කෝලවල රැස්වීම් තියන්ට ලැඛෙන්නේ නැත. ඉන්ධන හිඟවී ඇනහිට තිබුණ රට, රනිල්  පැය 48ක් තුළ කිව්ආර් කේතය යොදා සක්‍රිය නො කරන්නට, එදා අඳුරු මුඩුක්ක්කුවක් පැවති රට අදටත් එසේම පවතිනවා නිසැකය. 

රනිල් පාසල් විවෘත කිරිමේ වාසිය, ගුරු වර්ජන නිසා අදටත් පාසල් දරුවන්ට නො ලැබීම නම් අවාසනාවකි. දීමනා වැඩි කරන්නැයි විභාග රාජකාරි නවතා මහා මාර්ගය අවහිර කොට ගුරු වෘත්තිකයන් වරක් ඉල්ලා සිටි සාකච්ඡාව, උසස් පෙළ  ප්‍රතිපල නිකුත් කරන තෙක් ලබා නො දෙන බව තීන්දු කළ ජනාධිපති වික්‍රමසිංහට පාර්ලිමේන්තුවේදී නිකමා කී සජිත් ගැන රටේ සිසු පරපුර සිතන විදිය මරික්කාර්ලා බුද්ධිකලා නො දැන සිටියාට හර්ෂලා කබිර්ලා එරාන්ලා රෝහිණිලා තලතලා රෝහිණිලා හොඳින් දනිති.  

2022ට සාපේක්ෂව, රටේ ජන ජිවිතය සාමාන්‍ය වෙමින් පවතී. පැට්‍රල් ලීටරය රුපියල් 117ට ගෑස් සිලින්ඩරය රුපියල් 1250ට ජනතාවට දුන් යහ පාලන ආණ්ඩුව පරදවා 2020දී රටේ බලය අල්ලා ගැනීමට රාජපක්ෂලාට වඳ ෂාපි වඳ කොත්තු හා පාස්කු බෝම්බය මෙන්ම සජබ විගඩමද හේතු විය. ඒ පාඩම ඉගෙන ගත් ජනතාව ඉදිරි ජනාධිපති මැතිවරණයේදී කළ යුත්තේ කුමක්දැයි ජනතාව විසින්ම තීරණය කළ යුතුව තිබේ.

දේශපාලනිකව එජාපයටත් අමිහිරි අත්දැකීමක් වූ රනිල් වික්‍රමසිංහ අප්‍රේල් අරගලයෙන් ප්‍රතික්ෂේපවූ රාජපක්ෂලා, ප්‍රේමදාසලා, අනුර කුමාරලා, වාසුදේවලා විමල් වීරවංශලා වෙනුවට තේරුණ එකම විකල්පය වීම තිත්ත වුවද ශක්තිමත් සත්‍යය බව තහවුරු වී හමාරය. බටලන්ද සහ බැංකු මංකොල්ලය ගැන කියමින් රනිල් රටට එපා කරවා රටේ බලයට පත් රාජපක්ෂ සිදු කළ සුනාමි ගිණුම, එක්ස්ප්‍රස් පර්ල් නෞකා වන්දිය, සිරිලිය ගිණුම, එයාර් බස් ගණුදෙනුව ආදි අනේක චෝදනා යටපත් කළ විපක්ෂය, මේ පිටපොට ගසන්නේ යළි රනිල් ගෙදර යවා රටේ බලය ඇල්ලීමටය.

අල්ලස, දූෂණය, වංචාව රටේ බලය අල්ලන මන්ත්‍රය කර ගත් ජෙප්ප්න් සිය තුවක්කු දේශපාලනය ගිනි අවි පැහැර ගැනීමෙන් බැංකු කැඩීමෙන් මිනී මැරිමෙන් පටන් ගත් බව රටේ ජ්‍යෙෂ්ඨ පුරවැසියන්ට මතකය. 88-89 භීෂණය සමයේ කු ප්‍රකට බටලන්ද හමුදා කඳවුර යනු, වීජේවීර පන පිටින් පුලූස්සා ඔහුගේ දරු පවුල ආරක්ෂා කළ රාජ්‍යය විසින් රටේ ආරක්ෂාවට ගොඩ නැගූ ආරක්ෂක කුටියක් මිස, අධ්‍යාපන හා යෞවන කටයුතු ඇමතිව සිටියදී අනාගතය වෙනුවෙන් නිර්මානය කළ විද්‍යා පීඨ, යොවුන් කඳවුරු වැනි රනිල් වික්‍රමසිංහ පන්නයේ ව්‍යාපෘතියක් නොවේ. බටලන්ද කඳවුරේදී ඝාතනය වූ විජේදාස ලියනාරච්චි ආරක්ෂක අංශවලට කොටු කළේ ජවිපෙය වෙනුවෙන් ජිනීවා ගිය ලංකාවේ ප්‍රකට දකුණේ දේශපාලනඥයෙකු බව රහසක් නොවේ. 

ඊයේ පෙරේදා අනුර කුමාර දිසානායක, නවසිය හැත්තෑ අටේ සිට දෙ දහස් විසි දෙක වසර 44ක් තුළ විදේශ ආයෝජන වලින් ලංකාවට ලැබුණේ ඩොලර් බිලියන 22ක් පමණක් බවත් වියට්නාමය 2022දී පමණක් ඩොලර් බිලියන 22ක් රටට ගෙන්වා ගත් කී සැනින්, දෙරණ මාධ්‍යවේදියා ඊට තමුන්නාන්සේලාත් වගකිව යුතු නැතිදැයි පෙරළා විමසුවේ 88-89 කාලයේ බලය අල්ලා ගැනීමට මනුෂ්‍ය ඝාතනවලට අමතරව සාපරාධි ලෙස ජෙප්පන් රටේ  ආර්ථීකයට කළ විනාසය එල්ටීටීඊයටවත් කළ නොහැකි බව නො කියා කියමිනි. 

ඩොලර් බිලියන 22ක විදේශ ආයෝජන එක් වසරකින් උපයා ගත් වියට්නාමය ඊට ගුරු කොට ගත්තේත්, පිදෙල් කස්ත්‍රෝ කොමියුනිස්ට් කියුබාවට නිදහස් ආර්ථීකය හඳුන්වා දුන්නේත්, ශ්‍රී ලාංකේය අත්දැකීමට අනුගතවය. ලෝක ප්‍රකට කියුබානු සුරුට්ටු ජනාධිපති ජේ.ආර්. ජයවර්ධනට වරින් වර එවන තරමට ක්‍රැස්තෝ ලංකාවට ලෙන්ගතු විය. 

චීනය හා වියට්නාමය මෙන් කියුබාව සාර්ථක නො වීමට හේතු අනුර කුමාරලා පැහැදිලි කළ  යුතුවේ. මහ කොළඹ ආර්ථික කොමිෂමට අදාළ අණ පනත් වලින් නිදහස් වෙළඳ කලාප තුළ වෘතිය සමිති ක්‍රියාකාරිත්වයට යම් සීමා තහංචි පනවන ලද්දේ වර්ජන නිසා ශ්‍රී ලංකාව හැර ගිය ජාත්‍යන්තර ආයෝජකයවන් පිළිබඳ ව්‍යාපාරික ලෝකයේ පැවති බිය සැක තුනී කිරිමටය. වෘත්තීය සමිති අරගල සහ ඊනියා ජනසතු ව්‍යාපාර නිසා නවසිය පනස් ගණන්වල ලංකාව හැර ගිය බොහෝ ජත්‍යන්තර ආයෝජකයන් සිංගප්පූරුවට කැඳවා ගත් බව ලී ක්වාන් යූ කියා තිබේ.

ෂෙල්, කැල්ටෙක්ස්, එසෝ ආදි අමෙරිකා සමාගම් සතුව පැවති ඉන්ධන ව්‍යාපාර ජනසතු කොට පිහිටවූ ලංකා ඛනිජ තෙල් නීතිගත සංස්ථාව අදටත් රාජ්‍ය භාණ්ඩාගාරයට වැය බරක් වී ඇත්තේ වෘත්තිය සමිති මාෆියාව මිස වංචා දූෂණ නිසා නොවේ. මේ ඛේදවාචකයට ලංකා විදුලි බල මණ්ඩලය මෙන්ම, එයාර් ලංකා සහ ටෙලිකොම් ආදි රාජ්‍ය ආයතනද බිලි විය. (ලංවිම 1994 තෙක් 17 වසරක් එක දිගට ලාභ ලැබීය.)

තුවක්කු පෙන්නා මංකොල්ල කෑමත් වර්ජන තර්ජන හරහා අමතර දීමනා ලබා ගැනීමත් හේතුවෙන් ආසන්න අඩ සියවසක් රාජ්‍ය ව්‍යාපාර විනාස වීමටත් විදේශීය ආයෝජකයන් නො පැමිණිමටත් වඩාත් හේතු වුණේ ජෙප්පන් මිස වාංචා දූෂණ නොවේ.

1965-1970 කාලයේ  ලංකා ඛනිජ තෙල් නීතිගත සංස්ථාවේ අධ්‍යක්ෂ වරයෙකු ලෙස සහ පසුව සෙනෙට් සභාවද නියෝජනය කළ එජාප හිතවාදි ඔස්කා ද ලිවේරා සෙනෙට් මන්ත්‍රීවරයෙකු වීමේ සතුට සැමරීමට පැවති සාදයේදී එජාප මන්ත්‍රීන් ඇතුළු හිතවතුන් හමුවේ කී කතාවක් මෙහිදී ඉතා වැදගත්ය. අධ්‍යක්ෂ ධුරය දරද්දී වරක් ඔහුගේ නමට නිකුත් කළ චෙක් පතක ගෙවීම ගැන එකී සමාගමෙන් විමසූ විට ඒ වාර්ෂිකව අධ්‍යක්ෂ වරයෙකුට හිමි කොමිස් මුදල දැන ගත් වහා ආයතනයේ ගණකාධිකාරි කැඳවා එකී චෙක් පත ආයතනයේ සුභ සාධක ගිණුමට බැර කිරීමට නියම කළ බව කී ඔස්කාර් ලිවේරා, කොහොමද ජනසතු ව්‍යාපාරවල ඇතුල් පැත්ත  බව කියා සිනාසිණ. 

මාසික වැටුප් ලබන්නන් විරැකියාවෙන් පෙළෙන්නන් සරසවි සිසූන් මිස, ගොවීන් ස්වයං රැකියා කරන්නන් ව්‍යාපාරිකයන් උද්ඝෝෂණ වර්ජන සඳහා කැඳවා ගැනීමට වර්තමාන දේශපාලන ක්‍රියාකාරින්ට නො හැකිව ඇත්තේ කෘෂි කාර්මික නිෂ්පාදන හා සේවා මිල ඉහළ යාමෙන් ග්‍රාමීය ආර්ථීකය  වඩාත් කාර්යක්ෂම වීමට සමාන්තරව, අර්ධ කාලීන රැකියා අවස්ථා වැඩිවීම හේතුවෙනි. සමහර බැංකු සේවකයන් පවා අර්ධ කාලීනව කුරියර් සේවා වලට බැඳි වැඩ කිරීම රහසක් නොවේ. ශ්‍රම දායකත්වයෙන් අවංක කැපවීමෙන් සාධාරණව උපයා ගත් දෙයින් ජීවත් වීමට හුරුවූ රටේ බහුතරයක් දෙනා හැමදාමත් ස්ව ශක්තියෙන් ගොඩ නැගුණා මිස එක එකා පසුපස ගමන් කළේ නැත. 

මෑතක රටට කිර්තිය ගෙනා ග්‍රාමීය ක්‍රීඩක ක්‍රීඩිකාවන්ගේ වැඩිහිටියන්ද තවත් උදාහරණයකි. වැට් බදු නීතියට එරෙහිව කළ දැවැන්ත උද්ඝෝෂණ වලදී අස්වැන්න අඩුවීමෙන් කැරට් කිලෝව රුපියල් දෙදහසක් වීමත් පාලකයාට එරෙහි සටන් පාඨයක් කර ගත් වමේ බලවේග ගිය සතියේ දෙහි කිලෝවක් රුපියල් 2000ක් වීම ගැන කතා කළේම නැත. මාධ්‍යට මුණ ගැසුණ දෙහි ගොවීන්ට අනුව, ඉඩොරය හේතුවෙන් අස්වැන්න අඩුවීමෙන් දෙහි මිල ඉහළ යාමක්, වර්ෂාව සමග නැවත මිල පහත වැටීමත් හැමදාම සිදුවේ. තවත් තරුණ දෙහි ගොවියෙක්, සහනාධාර නොව අතිරික්ත අස්වැන්න කල් ලබා ගැනීමේ විද්‍යාත්මක ක්‍රම හඳුන්වා දෙන ලෙස ඉල්ලා සිටියේය. මෙම ප්‍රකාශ වලින් තහවුරු වන්නේ අව්ව වැස්ස පවා තම වාසියට යොදා ගන්නා මුග්ධ දේශපාලනය ගැන ජනතාව වර්තමානයේ උනන්දු නොවන බවය. 

ව්‍යාපාරිකයෙකු හමුවූ රෝහල් සුළු සේවිකාවක් අමතර ආදායමක් ලැබිය හැකි අර්ධ කාලීන රැකියා ගැන විමසා තිබිණ. ලැඛෙන වැටුප මදිදැයි ව්‍යාපාරිකයා විමසූ විට, වැටුප් දීමනා වෙනුවෙන් වර්ජන කර රෝගීන්ගේ සාපයට ලක් වෙනවාට වඩා අමතර රැකියාවක් කිරීම පවුලටත් සහනයක් බව කියා තිබේ. ගතවූ දුෂ්කර කාලය සිහිපත් කළ උප තැපැල් ස්ථානාධිපතිනියක කීවේ, හම්බ කර ගත් දේ ඔහේ වැය කරමින් ගෙවූ නාස්තිකාර ජිවිතය කළමනාකරණය කර ගැනීමෙන් යමක් ඉතිරි කළ හැකි බව තේරුම් ගැනීම ආශිර්වාදයක් වූ බවය. මේ විස්තර කරන්නේ අප්‍රේල් අරගලයට මැදිවූ රටේ සාමාන්‍ය ජනතාව තුළ ඇතිවූ ආකල්පය වෙනසය.

දේශපාලනයෙන් බැහැරව ආර්ථීක අර්බුදය තේරුම් ගැනීම නිසා නව ආකල්ප වලින් ජන සමාජය ශක්තිමත්වීම නිසා දේශපාලන ක්‍රියාකාරකම් වලින් සාමාන්‍ය මිනිසුන් ඈත්වීමේ සම්භාවිතාව වැඩි බවය. මේ ආර්ථීක හා සාමාජික පරිසරය තුළ බොහෝ දේ සිදුවෙමින් පවතී. රට කැමති වුණත් නැතත් එකී වසර දෙක පුරා ක්‍රියාත්මක වන්නේ රනිල් වික්‍රමසිංහ විශ්වාසයෙන් කළ දේ පමණකි.

රටේ බලය ඉල්ලා කා කොටා ගන්නා අනුර සජිත් දෙදෙනාට උනුන් මුන ගැසී තම ආර්ථීක ප්‍රතිපත්ති ගැන කතා කිරීමත් රටේ හාස්‍යට ලක්වී හමාරය. ජනාධිපති රනිල් වික්‍රමසිංහ, එක දිගට එක්ව වැඩ කිරීමට විපක්ෂයට ආරාධනා කළ ද, අදටත් රටට ඔබින එකම වැඩ පිළිවෙල හුදෙකලා රනිල්ගේ මත වාදය පමණක් බව පැහැදිලිය. මේ පසුබිමෙහි ළඟ එන ජනාධිපති මැතිවරණයේදී ආයෙත් 2019දී මෙන් ආයෙත් රනිල් පරද්දමු කියමින් මේ ලිපිය අවසන් කරමි.

(නීතිඥ චන්ද්‍රසිරි සෙනෙවිරත්න)
නිදහස් ලේඛක

Continue Reading

Article

කුකුළන් සත් දෙනාගේ මරණවලින් හෙළිවෙන අප රටේ සංවර්ධන මන්දපෝෂණය

එදා මෙදා තුර අප රටේ දේශපාලනඥයන් වැඩිම දෙනකු ගෙන් වැඩිම වාර ගණනක් කියැවී ඇති වචන අතලොස්සක් තිබේ නම් “සංවර්ධනය” යන

වදන ද ඊට නියත ලෙසම එක් වනු ඇත. එහෙත්, ලොව දියුණු යැයි සැළකෙන බොහෝ රටවල් හා සසඳන විට අපේ රටේ සංවර්ධනය හුදෙක් වචන මාත්‍රයකට සීමා වී ඇති බවක් පෙනේ.

ඒ සඳහා නිදසුන් වශයෙන් දැක්විය හැකි බොහෝ සිදුවීම් තිබේ. ඒ සඳහා ආසන්නම නිදසුනක් ලෙස පසුගිය දා රිදීගම, පානගමුව ප්‍රදේශයේ කුකුළන් සත් දෙනකු මිය යාමේ සිදුවීම දැක්විය හැක.

එම සිදුවීමට අදාළ ප්‍රවෘත්තියට අනුව එම කුකුළන් ගේ මරණයට හේතු වී ඇත්තේ රජය විසින් අඩු ආදායම් ලාභීන් සඳහා නොමිලයේ ලබාදුන් සහල් ආහාරයට ගැනීම ය. එහෙත් එය නම් කළ හැක්කේ එම සිදුවීම හා සම්බන්ධ ආසන්නතම සහ ද්‍රශ්‍යමාන හේතුව වශයෙනි. එහෙත් යමක ආසන්නම හා ද්‍රශ්‍යමාන හේතුව ඒ හා සම්බන්ධ සැබෑ හේතුව වීමට සේම නොවීමට ද ඉඩ තිබේ.

කුකුළන් සත් දෙනකු ගේ මරණය බරපතල සිදූවීමක් නොවූවද කාලීන තත්වයන් යටතේ කුකුළන් සත් දෙනකු හදිසියේ එක් වරම මිය යාම එක්තරා අතිශය බරපතල තත්වයක් මත සිදුවීමට ද පැහැදිලි අවකාශයක් තිබේ. ඒ මේ වන විට ලොව යම් ව්‍යාප්තියක් පළ කරන H5N1 නම් කුරුළු උණ රෝගය පිළිබඳව සාධාරණ ලෙස අනුමාන කිරීමේ හැකියාවක් ඒ ඔස්සේ මතු වන බැවිනි. මේ වන විට එය ඇමරිකාවේ ගවයන් අතර පැතිර යාමක් ද පෙන්නුම් කරන අතරේ එමඟින් මිනිසුන් වෙත සම්ප්‍රේෂණය වීමේ නව මංපෙතක් විවර වනු ඇත.

මෙම කුරුළු උණ මූලික වශයෙන් කුකුළන් හා කුරුල්ලන් අතර පැතිරෙන වසංගත රෝගයකි. මෙම රෝග කාරකය ඉන්ෆ්ලුවන්සා A වෛරසයේ H5N1 කාණ්ඩය වශයෙන් නම් කොට ඇත. එය වඩාත් අනතුරුදායක වනුයේ පක්ෂීන්ගෙන් මිනිසුන්ට ද බෝ වන බැවිනි. නමුදු දැනට වාර්තා වී ඇති අන්දමට මෙය මිනිසුන්ගෙන් මිනිසුන්ට කුරුළු උණ බෝවීම ඉතාමත් විරල ය. නමුදු සංචාරක පක්ෂීන් වෙතින් කුරුළු උණ මෙරට කුකුළන්, කුරුල්ලන් අතරට පහසුවෙන් පැමිණීමේ හැකියාවක් තිබේ.

විසිතුරු පක්ෂීන් ලෙස වෙනත් රටවලින් අප රටට ගෙන්වන කුරුල්ලන්, කුකුළන් හා කුකුළු පැටවුන්, කුරුළු පිහාටු,මස් හා බිත්තර වැනි කුරුළු නිෂ්පාදනවල එම රෝග කාරක වෛරසය ඇත්නම් රෝගය අප රටට පැමිණිය හැක. කුරුළු උණ වසංගතය ඇති රටවලට කෙරෙන විදේශ සංචරණ මගින් ද මෙම රෝගය පැතිරෙන බව වාර්තා වී තිබේ. ඒ අනුව මෙම රෝගය පැතිරීම වලක්වා ලීම අභියෝගාත්මක කාරියකි. රෝගී හා මැරුණු කුකුළන්, කුරුල්ලන්, තාරාවන් සහ ගෘහාශ්‍රිතව ඇති කරන කුරුල්ලන් හා උන්ගේ අපද්‍රව්‍ය ස්පර්ශ කිරීමෙන් ද රෝගී පක්ෂීන්ගේ බාගෙට පිසූ සත්ව කොටස් හෝ බිත්තර ආහාරයට ගැනීමෙන් ද මෙම රෝගය මිනිසුන්ට වැළඳිය හැකි බව අනාවරණය වී තිබේ.

H5N1 වයිරසය ශරීර ගත වූ පසු දින 3-5 ක් අතර කාලයකින් පසු රෝග ලක්ෂණ පහළ වේ. මූලික රෝග ලක්ෂණ සාමාන්‍ය ඉන්ෆ්ලුවෙන්සා, රෝග ලක්ෂණ වලට සමාන ය. ඒ අතර උණ, කැස්ස, උගුර අමාරුව, ඇඟ පත අමාරුව හා සමහර අවස්ථා වලදී පාචනය ද පැවතිය හැක. සාමාන්‍යයෙන් මෙම රෝග ලක්ෂණ කඩිනමින් දරුණු අතට හැරුණු පසු නියුමෝනියා රෝගයෙන් මරණයට පත්වීම් ද වාර්තා වෙයි.

පසුගිය කාලයේ මෙම කුරුලු උණ රෝගය දකුණු අර්ධ ගෝලයේ දක්ෂිණ ද්‍රවයේ ඇන්ටාක්ටිකාව පුරා ව්‍යාප්ත වෙමින් පැවැති බවත් එය මුහුදු ලිහිණින් වැනි කුරුල්ලන් අතර මෙන්ම පෙන්ගුයින් කුරුල්ලන් අතර ව්‍යාප්ත වෙමින් පැවැති බව ද වාර්තා වී තිබේ. මෙය මාරාන්තික තත්ත්වයක් වීමේ අවදානමක් පවතින බව විද්‍යාඥයින් අනාවැකි පළකර ඇති අතර පර්යේෂකයින්ට අනුව ඇන්ටාක්ටිකාවෙන් පළමු වරට කුරුලු උණ වැළඳුණු කුරුල්ලන් හඳුනාගෙන ඇත්තේ එහි ප්‍රධාන භූමියෙනි. කුරුළු උණ සම්බන්ධ නවතම පර්යේෂණයන්ට අනුව, නිව් යෝර්ක් නගරයේ H5N1 පැතිර යාම පිළිබඳ. විද්‍යාත්මක පත්‍රිකාව ක්ෂුද්‍ර ජීව විද්‍යාව සඳහා වූ ඇමරිකානු සංගමයේ වෛරස් විද්‍යාව සඟරාවේ ප්‍රකාශයට පත් කරන ලදී.

එම වාර්තාව මඟින් මෙය ග්‍රාමීය පරිසරයට සහ වාණිජ කුකුළු ව්‍යාපාරවලට පමණක් සීමා නොවී නාගරික මධ්‍යස්ථාන දක්වා ව්‍යාප්ත වන බව අවධාරණය කරයි. මෙය ගෝලීය ව්‍යාප්තියක් දක්වා වන මංපෙතක් වීමට ද පුළුවන. නමුත් හුදෙක් දූපත් මානසිකත්වයක් මිස ගෝලීය චින්තනයක් නොමැති අප ජන සමාජය මෙවන් දේ කෙරෙහි සංවේදී වනුයේ ඉතා අඩුවෙනි.

ඉහත සඳහන් කුකුළන් හත් දෙනකු එක් වර මිය යාමේ සිදුවීම අප රටේ ජන මාධ්‍ය තුළින් නැවත නැවතත් ‘වර නැඟෙන්නට’ වූයේත් එය පාර්ලිමේන්තු සභා ගර්භය සේම අධිකරණය වෙත යොමු වන්නට වූයේත් එම කුකුළු මරණ හා අඩු ආදායම් ලාභීන් හට ආණ්ඩුවෙන් නොමිලයේ ලබා දෙන සහල් අතර යම් ආසන්න සහ ද්‍රශ්‍යමාන සබැඳියාවක් ගොඩනැඟී තිබූ බැවිනි.

නමුත් එවැනි සිදුවීමක් හා සබැඳි විද්‍යාත්මක විමසුමක දී එම සිදුවීම තුළ පැවැතිය හැකි බරපතල බව සළකා විද්‍යාත්මක කෝණයකින් විමැසීම ලොව සෑම දියුණු රටකම සිදුවන බව නොරහසකි. නමුත් ඉහත සඳහන් කුකුළු මරණ සහ මේ වන විට ලොව නන් දෙසින් වාර්තා වන H5N1 කුරුළු උණ රෝගය අතර යම් සබැඳියාවක් තිබේදැයි විමසීමට මෙරට සෞඛ්‍ය සහ පශු වෛද්‍ය අංශ ප්‍රමාණවත් අයුරින් මැදිහත් වූයේ ද යන්න ගැටළුව අප තුළ පවතී.

තාක්ෂණික වශයෙන් යම් ආකාරයකට නවීනත්වය හා මුසු වුවද චින්තනමය සහ ආකල්පමය වශයෙන් අප ජන සමාජය ඒ නවීනත්වයට කෙතරම් සහසම්බන්ධ දැයි විමසීමක් කිරීමේ දී ඉතා පැහැදිලිව පෙනී යන කරුණක් තිබේ. එනම් ඒ සහසබඳතා ඉතා දුබල මට්ටමක පවතින බවකි.

ඉහත සඳහන් සිදුවීමට අදාලව මෙය විමසීමට ලක් කළහොත් එම සහල් ආහාරයට ගැනීමෙන් පසු කුකුළන් මිය යාම එම සහල් ආහාරයට ගැනීම නිසා කුකුළන් මිය යාමක් වීමට සේම නොවීමට ද පුළුවන. 

“අම්මා රෑ එළිවෙනකම් තනියට මොන මොනවද කියවන්න පටන් ගත්තා, ඒත් අපි කට්ටඩි මහත්තයෙක් ගෙන්නලා ඇප නූලක් දැම්මට පස්සේ ඒ කියවන එක සෑහෙන්න අඩු වුණා;දැන් ආයිමත් කලින් වගේම කියවනවා”. මානසික රෝගීන් සමඟ පැමිණෙන ඔවුන් ගේ ඥාතීන් සහ භාර කරුවන් එසේ පවසනු මනෝ වෛද්‍යවරුන්ට ඉතා හොඳින් හුරු පුරුදු ය. එහෙත්, එම තනිව කියැවීම නතර වූයේ ඇප නූල දැමීම නිසා ද නැතහොත් ස්වභාවික හේතුවක් නිසා ද යන්න සනාථ කිරීමට කරුණු කිසිවක් ඔවුන් සතුව නැත. එය ඔවුනට දැනෙන හැඟෙන දෙයක් පමණි.

එමෙන්ම ඉහත සඳහන් කුකුළන් සත් දෙනා මිය යාම H5N1 කුරුළු උණ නිසා සිදුවී නොමැති බවට පෞද්ගලිකව අනුමාන කිරීමට අපට පුළුවන. එහෙත්, එවන් අනුමාන වලට වඩා එවැනි බිහිසුණු තත්ත්වයක් වලකා ගැනීම පිණිස වඩාත් යුහුසුළු වීම අතිශය වැදගත් ය. ඒ “අවදානමට වඩා සුදානම ඉතා වැදගත්ය” යන නියාමය අනුව ය. නමුත් සංවර්ධනය යනු අවිචාරවත් සමාජයක් ඡන්ද බිලි බා ගැනීමේ ඇමක් ලෙස භාවිතා වන අප රට තුළට සැබෑ සංවර්ධනයේ මූලික පදනම වන විද්‍යාත්මක චින්තනයක අරුණළු කෙලෙස කවදා වැටේ ද යන්න ද බරපතල පැනයකි.


(විශේෂඥ මනෝ වෛද්‍ය රනිල් අබේසිංහ)

Continue Reading
Advertisement
Hot News8 mins ago

නුවරඑලියේ 330 දෙනෙක් විජයදාසගෙන් සාම විනිසුරු පත්විම් ලබා ගනී

Hot News18 mins ago

28 වෙනිදා කඩුගන්නාවෙන් නුවර පාර වසා දමයි

Politics1 hour ago

සමාජ මාධ්‍යයේ බොරු මඩ ප්‍රචාර කරනවා වෙනුවට මාත් එක්ක ජනතාවට සේවය කරන්න එන්න – සජිත්

Hot News1 hour ago

ශ්‍රී ලංකාවේ ප්‍රංශ තානාපති මියයයි

Hot News2 hours ago

වව්නියාව විශ්වවිද්‍යාලයට නව වෛද්‍ය පීඨයක්

Hot News2 hours ago

ප්‍රවීණ සංගීතඥ ආනන්ද පෙරේරා අභාවප්‍රාප්ත වෙයි

Hot News2 hours ago

සැකකරුගේ පා පහරින් කොස්තාපල් රෝහලේ

Hot News3 hours ago

රට ගොඩ නැඟීමට නම් පැරැණි ආර්ථික ගමන මෙන්ම දේශපාලන ගමන ද වෙනස් විය යුතුයි – ජනපති

Hot News3 hours ago

රාජසිංහ රජු පූජාකල පස්ලෝහමය බුද්ධ ප්‍රතිමාව එක්කෝටි විසි ලක්ෂයකට විදේශිකයකුට විකුණන්න ගිය යකැදුරා මාට්ටු

Hot News4 hours ago

මංගල උත්සවයක ගුටි කෙළියක් – තිදෙනකු රෝහලේ

Hot News5 hours ago

යාපනය දිස්ත්‍රික්කය සඳහා නව ගුරු පත්වීම් 375ක්

Politics5 hours ago

ජනපති විග්නේෂ්වරන්ගේ සුව දුක් විමසයි

Hot News5 hours ago

කොළඹ මාර්ග කිහිපයක් අදත් වැසෙයි

World9 hours ago

දිල්ලියේ ළමා රෝහලක ගින්නක් – බිළිඳුන් 6 දෙනෙකු ජීවිතක්ෂයට

Hot News9 hours ago

ඇල්ල – වැල්ලවාය නායයෑම පරීක්ෂාවට විශේෂ කණ්ඩායමක්

Hot News9 hours ago

කොළඹ තියෙන ගස් ගැන නවතම පරීක්ෂණ වාර්තාවකින් හෙළි වූ දේ මෙන්න

Hot News9 hours ago

Watch : වන්දනාකරුවන් රැගත් වෑන් රථයක් ගසක ගැටී දරුණු අනතුරක්

Hot News10 hours ago

Watch : තල්මසුන්ගේ වමනය හෙවත් අම්බරු කිලෝ 30ක් සමඟ පුද්ගලයෙක් අල්ලයි

Hot News10 hours ago

2024 ශිෂ්‍යත්ව විභාගය සඳහා අයදුම්පත් කැඳ‌වීම හෙට සිට

Politics10 hours ago

වඩාත් ප්‍රායෝගික දේශපාලනයක් පොහොට්ටුව සතු වීම ගැන මම ආඩම්බර වෙනවා – නාමල්

Hot News10 hours ago

ප්‍රධාන මාර්ගයේ දුම්රිය ධාවනයට බාධා

Hot News11 hours ago

රේගුවේ රැකියා දෙන බව පවසා මුදල් ගැනීමේ ජාවාරමක්

Sports11 hours ago

IPL ශූරයින් කවුද ? ලොව ජනප්‍රියම ක්‍රීඩා සැණකෙළියේ අවසන් තරගය අද

Hot News11 hours ago

ඉන්දියාවේ විනෝද ක්‍රීඩා මධ්‍යස්ථානයක ගින්නක් – කුඩා ළමුන් 12ක් ඇතුළු 27ක් ජීවිතක්ෂයට

Weather11 hours ago

වැස්ස වැඩිවෙයි – සුළං සැරවෙයි

Article22 hours ago

ලාල් කාන්ත කීවේ ඇත්තකි !

Hot News22 hours ago

හපුතලේ නිවසක් මතට ගසක අත්තක් කඩා වැටී පුද්ගලයෙක් ජීවිතක්ෂයට

Politics23 hours ago

රට විනාශ කළ රාජපක්ෂලා එක්ක ඩීල් නොදැමූ එකම පක්ෂය සමගි ජන බලවේගයයි – සජිත්

Hot News23 hours ago

සැමියාගේ මත්පැන් වීදුරුවට විෂ දැමූ බිරිඳ සහ මස්සිනා අල්ලයි

Hot News24 hours ago

අද රාත්‍රියේ කොළඹ පාරවල් කිහිපයක් වසා දැමේ

Hot News2 months ago

සියලුම පාසල් වෙත විශේෂ දැනුම්දීමක්

Hot News5 months ago

42 හැවිරිදි ගුරුවරිය සිසුවෙකු සමඟ කළ ෆොටෝශූට් එක සමාජ මාධ්‍ය කළඹයි

Hot News3 months ago

Watch: රංගන ශිල්පිණි මහේෂි මධුෂන්කාට හිරු මාධ්‍ය ආයතනයේ ප්‍රධානි රේනෝගේ බිරිඳගෙන් තර්ජන, වීඩියෝ ලීක් කරනවලු- මහේෂිගෙන් බරපතල චෝදනාවක්

Hot News3 months ago

Watch : සම්මානය දෙන්න ආපු අජිත් රෝහණගේ අතින් සම්මානය ගන්න බෑ කියපු ධාවකයා

Sports7 months ago

දක්ෂතම ක්‍රීඩිකාව වෙමින් තරුෂි පාසල් ක්‍රීඩාවට සමුදෙයි

Hot News6 months ago

පිරමීඩ ජාවාරමට හසු වූ උපකාරක පන්ති ගුරුවරයාගේ සිරුර බොල්ගොඩ ගඟෙන් හමුවෙයි

Sports7 months ago

ඇමරිකන් ප්‍රිමියර් ලීගය සඳහා මැතිව්ස් ඇමරිකාවට

Hot News5 months ago

චාමර වීරසිංහ දැඩි සත්කාර ඒකකයට

Hot News5 months ago

Watch : අවලෝකිතේෂ්වර බෝධිසත්වගෙන් අස්ගිරි විහාරයට යතුරක්

Local7 months ago

පාසල් නිවාඩුව ගැන දැනුම්දීමක්

Local7 months ago

Watch : කෝටි ගානක සල්ලි උස්සපු මහ හොරාව අල්ලයි – උසාවිය අසලට විශාල පිරිසක්

Hot News1 month ago

කිරිපිටි මිල පහළට

Hot News2 months ago

Watch: කමිඳු මෙන්ඩිස් දෙවැනි ඉන්මේදීද ශතකයක් වාර්තා කරමින් ලෝක වාර්තාවක් පිහිටුවයි

Hot News4 months ago

Watch : සනත් නිශාන්ත අවසන් ගමන් යද්දී බිරිඳ දෙනෙත්වල කඳුළු පුරවාගෙන කිව්ව කතාව

Hot News5 months ago

ලොව ඉහළම මතක ධාරිතාවක් ඇති සිසුවා ශ්‍රී ලංකාවෙන්

Hot News6 months ago

Watch : ඉතිහාසයේ පළමු වතාවට පොලිස් නිලධාරීන්ගේ විරෝධතාව හේතුවෙන් මහේස්ත්‍රාත්වරියකට දඬුවම් මාරුවක්

World5 months ago

පෙබරවාරි 01 වනදා සිට කියුබාවේ ඉන්ධන මිල 500% ඉහළට

World7 months ago

ක්‍රිකට් පාලක මණ්ඩලයේ සභාපතිත්වය ඩයානාට

Hot News3 months ago

දිවුලපිටිය නගරයේදී අනියම් සැමියා කාන්තාවකට පිහියෙන් ඇණ පලා යයි

Hot News5 months ago

බඩල්ගම කෝංගොඩ මුල්ල ප්‍රදේශයේ අවුරුදු 18ක දැරියක් අතුරුදහන්

Sports7 months ago

ඔස්ට්‍රේලියානු ක්‍රිකට් ක්‍රීඩක ෆවාඩ් අහමඩ්ගේ මාස හතරක් වයසැති බිලිඳා මියයයි

Hot News4 months ago

Watch : කාන්තාවන් තුන්දෙනෙක් එක්ක ට්‍රිප් එකක් ගිය විහාරාධිපති හිමියන් පන්සලෙන් නෙරපයි

World7 months ago

ඇමරිකාවේ වෙඩි තැබීමක් – පුද්ගලයින් 16ක් ජීවිතක්ෂයට

World6 months ago

තම මංගල දිනය අවමංගල්‍යයක් කර මනමාලිය සමඟ මනමාලයත් අවසන් ගමන් යයි

Hot News3 months ago

පාසලේ උදෑසන රැස්වීමේදී ක්ලාන්තය සෑදුණු ශිෂ්‍යාවක් ජීවිතක්ෂයට

Hot News4 months ago

සීදුව බ්‍රේව් සංගීත කණ්ඩායමේ විදුලි ඕගන් වාදන ශිල්පියා ජීවිතක්ෂයට

Hot News6 months ago

කිලෝ 22ක් බර මිල කළ නොහැකි ලොකු මැණිකක් හමුවෙයි

Hot News5 months ago

මීගමුවේ ඇවෙන්රා ගාර්ඩ්න් කුස්සියට සීල් තබයි

Hot News5 months ago

කාන්තාවක් සමඟ ලැඟුම්හලට ගියපු පුද්ගලයා අවසන් ගමන් යයි – කාන්තාව හොරෙන්ම පලායයි

Hot News2 months ago

අද මැදියම් රැයෙන් පසු කිරිපිටි මිල වෙනස් වෙයි – නවතම මිල ගණන් මෙන්න

Hot News9 hours ago

Watch : වන්දනාකරුවන් රැගත් වෑන් රථයක් ගසක ගැටී දරුණු අනතුරක්

Hot News1 day ago

Watch : බිස්කට් එකක් අරන් එන්න කඩේට ගිය ආච්චි අම්මා පාලමෙන් ඇද වැටී අවසන් ගමන් යයි

Hot News2 days ago

Watch : සරණක් නැති බලු පැටවුන්ට සෙවණක් සොයා දෙන අපූරු දන්සල

Hot News2 days ago

Watch : ශ්‍රී පාද වන්දනා වාරය අවසන් – සදාතුක කරඩුව , සමන් දේව ප්‍රතිමාව සහ දේව ආභරණ වැඩම කෙරේ

Hot News2 days ago

Watch : ඉරාන ජනාධිපතිතුමන් නිවන් සුව පතා වැල්ලවායේ නූඩ්ල්ස් දන්සැලක්

Hot News3 days ago

Watch : ජෙනරේටරයක් දාගෙන නින්දට ගිය පිය පුතු දෙදෙනා නින්දේදීම අවසන් ගමන් යයි

Hot News3 days ago

Watch : වෙසක් පොහොදා විමල් වීරවංශගෙන් සුපිරිම ගීතයක් මේක නම් අහන්නම ඕන සින්දුවක්

Hot News4 days ago

Watch : විශ්‍රාම යන ලංගමේ රියදුරුට ගමේ මිනිස්සු දුන්න අමතක නොවන සමුදීම

Hot News5 days ago

Watch : එක්ස්කියුස් මී නොකියා පන්තියට පැමිණියාට උරණ වූ පාසලේ ගුරුවරයා සිසුවියට සිදුකළ නරුම වැඩේ

Hot News6 days ago

Watch : සජිත් දුන් දිනයකට අනුර එකඟ වෙයි

Hot News6 days ago

Watch : කසිප්පුකාරයෝ බේරන්නේ නැති නිසා ඇමතිට මළපැනලා

Hot News1 week ago

Watch : සනත් නිශාන්ත සිහි වූ බිරිඳ චමරි සංවේදී වෙයි

Hot News1 week ago

Watch : අධික වේගය කරපු විනාශයක් – බස් දෙකක් මුහුණට මුහුණ ගැටෙයි

Hot News1 week ago

Watch : Foxhill ඛේදවාචකයෙන් මියගිය 16 හැවිරිදි පුංචි සත්සරණීත් ගමක් හඬවමින් යන්නම යයි

Hot News1 week ago

Watch : රංගන ශිල්පී කාවිංග පෙරේරා යුඑන්පියට

Hot News1 week ago

Watch : සජිත්ටත් ඇලඩින්ගේ පුදුම පහන වගේ මේක එකපාර වෙනස් කරන්න බෑ

Hot News1 week ago

Watch : ට්‍රැෆික් නිලධාරියා මතට ගසක් කඩා වැටී දරුණු අනතුරක්

Hot News1 week ago

Watch : මිරිස්කුඩු වලින් සෙල්ලම් දාපු ඇමති ප්‍රසන්න ගුවන්තොටුපළේ සේවකයෙක්ට ගහලා

Hot News2 weeks ago

Watch : ආණ්ඩුවෙන් නිකන් දුන්න හාල් කාලා මැරුණ කුකුලන්ගේ ප්‍රශ්ණය පාර්ලිමේන්තුවට යයි

Sports2 weeks ago

Watch : වනිඳු ඇතුළු සිංහ පැටව් T20 ලෝක කුසලානයට පිටත්ව ගිය හැටි මෙන්න

Hot News2 weeks ago

Watch : කැරට් කැබැල්ලක් සිර වී දරුවෙකු ජීවිතක්ෂයට

Hot News2 weeks ago

Watch : දින 20කට පසු කොටු වූ සුසිත්ගේ පෙම්වතිය මුල සිට අගට සිදු වූ සියල්ල වමාරයි

Hot News2 weeks ago

Watch : මහ වැස්සේ දකුණු අධිවේගයේ අනතුරක්

Hot News2 weeks ago

Watch : කලු පාට වෙස්මුහුණු දාගෙන ආපු කල්ලියක් ව්‍යාපාරික ස්ථානයකට කඩා පනී

Hot News2 weeks ago

Watch : වැලිපැන්නෙන් ආයුධ ගබඩාවක් මතුවෙයි

Hot News2 weeks ago

Watch : සුසිත්ව නිහඬ කළ ඇත්ත හේතුව මේකද? සුසිත් ගැන අලුත්ම අනාවරණය මෙන්න

Hot News2 weeks ago

Watch : බලන්ගොඩ දරුණු අනතුරක් , ලොරියේ තිබූ යකඩ බට බස් එක විදගෙන ඇතුළට එයි

Hot News2 weeks ago

Watch : මේ මැණික් ගල වික්කොත් නම් ලංකාවම ගොඩ

Hot News2 weeks ago

Watch : බේරේ වැවේ දැම්ම නම් මමත් මැරෙන්න තිබ්බා

Hot News2 weeks ago

Watch : ඩයනා ගෙදර යවන්න වෙච්චි බාරය ඔප්පු කරන්න පුරාණ මෝදර දේවාලේ විශේෂ පූජාවක්

Advertisement

Categories

Trending