අඩු ආදායම්ලාභී පවුල් ලක්ෂ 34 කට නොමිලේ සහල් ලබාදීමේ ජාතික වැඩපිළිවෙළෙහි පළමු වටය සාර්ථකව අවසන් වූ බව රාජ්ය අමාත්ය ආචාර්ය රංජිත් සියඹලාපිටිය මහතා පවසනවා.
හඳුනාගත් අඩු ආදායම්ලාභී පවුල් ලක්ෂ 34 කට දිවයින පුරා දිස්ත්රික් ලේකම් කාර්යාල හරහා නොමිලේ සහල් කිලෝ දහය බැගින් ලබාදීමේ ජාතික වැඩපිළිවෙළෙහි පළමු වටය මේ වන විට සාර්ථකව අවසන් කර ඇති බවත් ලැයිස්තුවල පැවති විවිධ අඩුපාඩු හේතුවෙන් ඉතා සුළු සංඛ්යාවකට පමණක් තවදුරටත් එම බෙදාහැරීම් සිදුකිරීමට ඉතිරිව ඇති බවත් මුදල් රාජ්ය අමාත්ය ආචාර්ය රංජිත් සියඹලාපිටිය මහතා පැවසීය.
මෙහි දෙවන වටය මෙම මැයි මාසය අවසන් වීමට ප්රථමයෙන් දිවයිනේ සියලු දිස්ත්රික් ලේකම් කාර්යාල සම්බන්ධ කරගනිමින් ආරම්භ කරන බවද අමාත්යවරයා වැඩිදුරටත් සඳහන් කළේය.
