මෝටර් රථ ප්‍රවාහන කොමසාරිස් ජෙනරාල් නිශාන්ත අනුරුද්ධ වීරසිංහ මහතා ප්‍රකාශයක් නිකුත් කරමින් කියා සිටියේ ශ්‍රී ලංකාවේ ආබාධිත ජනතාවට සාමාන්‍යයේ රියදුරු බලපත්‍රයක් මෙම මාසයේ සිට නිකුත් කිරීමට මෝටර් රථ ප්‍රවාහන දෙපාර්තමේන්තුව තීරණය කර ඇති බවයි.

ආබාධිතයින්ට රියදුරු බලපත්‍ර දීමට ඇති බාධා ඉවත් කිරීමේ කමිටුව දුන් නිර්දේශයක් මත මෝටර් රථ ප්‍රවාහන දෙපාර්තමේන්තුව මෙම තීරණය ගෙන තිබේ.

ඒ අනුව අස්ථි, මස් පිඩු සහ ස්නායු ආබාධ පවතින ඕනෑම ආබාධිතයකුට වාහන පැදවිය හැකි නම් මෝටර් රථ ප්‍රවාහන දෙපාර්තමේන්තුවේ නිර්දේශ මත සාමාන්‍ය රියදුරු බලපත්‍රයක් නිකුත් කරනු ලැබේ.

නවදිල්ලි ඉන්දිරා ගාන්ධි ජාත්‍යන්තර ගුවන්තොටු‍පොළේ සිට ශ්‍රී ලංකාව බලා පිටත්වීමට ඊයේ (9) සවස 6.30 ට නියමිතව තිබූ UL 146 දරන ශ්‍රී ලංකන් එයාලයින් ගුවන් යානය කිසිදු දැනුම් දීමකින් තොරව සිය ගමන් වාරය නවතා තිබීම හේතුවෙන් දඹදිව සංචාරයේ නිරතවී සිටි ශ්‍රී ලංකාව බලා පැමිණීමට සිටි බැතිමතුන් පිරිසක් ගුවන්තොටුපොළේ අද උදෑසනව විටත් සිරවී සිටින අතර ගුවන් යානයක් මේ දක්වා පැමිණි නැති බව එහි සිරවී සිටින ස්වාමීන් වහන්සේලා ඇතුළු පිරිස පවසනවා.

එහිදී ඊයේ රාත්‍රී මහා සංඝයා නව දිල්ලි ජාත්‍යන්තර ගුවන් තොටුපළපලේ බිම සැතපී රාත්‍රී ගතකර ඇත.

දිල්ලි ගුවන් තොටුපල නියොජිතයින් ස්වාමීන් වහන්සේලා මග හරිමින් පැය 14ක් තිස්සේ දඹදිව වන්දනා වැඩමකල ස්වාමීන් වහන්සේලා ඇතුළු පිරිසට ප්‍රමාදයට හෝටලයක් හෝ ලබා දී නැත.

ගුවන්තොටුපළේ දී වතුර උගුරක් වත් නොදි අද උදෑසන 9.30 වන තුරු බලා සිටීමට සලස්වා ඇත.ඉන් පසු ස්වාමීන් වහන්සේලා සහ බැතිමතුන් පිරිසට හෝටලයක් ලබා දී ඇත.

අද (10) සවස 6.30ට දිල්ලි ජාත්‍යන්තර ගුවන්තොටුපළෙන් පිටත් වීමට නියමිත ගුවන් යානයක් ඇති බවද ඔවුන් පවසයි.

(ගල්පාත චන්දන පෙරේරා)

බෞද්ධාලෝක මාවතේ බණ්ඩාරනායක සම්මන්ත්‍රණ ශාලාව ඉදිරිපිට මාර්ගයේ පාර හරහා උත්සවයක් සඳහා පාර හරහා තාවකාලිකව ඉදිකර තිබූ තොරණ කඩා වැටීමෙන් එම මාර්ගය අවහිර වී තිබෙනවා.

බොරැල්ලේ සිට තුන්මුල්ල දක්වා වාහන ගමන් කිරීමට නොහැකිව ්වා පැය බාගෙක පමණ කාලයක් මාර්ගය අවහිර වුණා.

විශාල වශයෙන් ම වාහන ගමන් කරන මෙම මාර්ගයේ ඉරිදා දිනයක් වූ බැවින් එතරම් වාහන නොතිබීමෙන් විශාල අනතුරක් වැළකී ගියා.

අද පස්වරුවේ ඇති වූ දැඩි සුළඟත් හා වර්ෂාව සමඟ ින් මෙම තොරණ කඩා වැටුණා.

රථවාහනය රාජකාරියේ යෙදී සිටින පොලිස් නිලධාරීන් වැසි නොතකා එකිනෙක ගලවමින් පාරෙන් ඉවත් කොට වාහන ගමනාගමනයට ලබා දුන්නා.

(නිරෝෂන් කොළඹ)