මුලතිව්,පුදුකුඩිඉරිප්පු,සුදන්තිරපුරම් ප්‍රදේශයේ ඊයේ(25) රාත්‍රියේ සිදුවු රිය අනතුරකින් පුද්ගලයෙකු ජිවිතක්ෂයට පත්ව ඇති බව පුදුකුඩිඉරිප්පු පොලිසිය පවසයි.
පොලිසිය පැවසූවේ, බට්ටා වර්ගයේ ලොරි රථයක් ගොයම් කපන යන්ත්‍රයක් පටවාගෙන ගිය ට්‍රැක්ටර රථයක් ගැටීමෙන් අනතුර සිදුව ඇති බවයි.
අනතුරින් බට්ටා වර්ගයේ ලොරි රථයේ ගමන්ගත් පුදුකුඩිඉරිප්පු ප්‍රදේශයේ පදිංචි 27 හැවිරිදි රවීන් නමැති තරුණයෙකු ජිවිතක්ෂයට පත්ව ඇති අතර, අනතුර සම්බන්ධයෙන් ට්‍රැක්ටර රථයේ රියදුරු අත්අඩංගුවට ගත් බවද පොලිසිය පැවසීය.
මියගිය පුද්ගලයාගේ මළ සිරුර පශ්චාත් මරණ පරීක්ෂණ වෙනුවෙන් මුලතිව් රෝහල් මෘත ශරීරාගාරයේ තැන්පත් කොට ඇති අතර, අනතුර සම්බන්ධයෙන් අත්අඩංගුවට ගත් සැකකරු මුලතිව් මහේස්ත්‍රාත් අධිකරණයට ඉදිරිපත් කිරීමට නියමිතය.
සිද්ධිය සම්බන්ධයෙන් පුදුකුඩිඉරිප්පු පොලිසිය වැඩිදුර පරීක්ෂණ මෙහෙයවයි.
(වවුනියාව මාධව කුලසූරිය)
