බම්බලපිටිය දුම්රිය ස්ථානයේ ඉදිකළ තාවකාලික මගී ගුවන් පාලම අද ජනතා අයිතියට පත්කර තිබෙනවා.
මාස පහක් තුළ අබලන් පාලම අලුත් වැඩියා කරන බව අමාත්‍ය බන්දුල ගුණවර්ධන මහතා පවසනවා.
බම්බලපිටිය දුම්රිය පොලට පිවිසෙන ගුවන් පාලම අබලන් වී ඇති බවට පසුගියදා මාධ්‍ය ඔස්සේ කළ කල හෙලිදරව්ව හේතුවෙන් එම පාලම ප්‍රතිසංස්කරණය කිරීමේ කටයුතු අද සිට ආරම්භ කෙරෙනවා.
එම ප්‍රතිසංස්කරණ කටයුතු හේතුවෙන් මගීන්ගේ ගමනාගමනය වෙනුවෙන් අලුතින් ඉදිකළ තාවකාලික පාලම අමාත්‍ය බන්දුල ගුණවර්ධන මහතාගේ ප්‍රධානත්වයෙන් එම පාලම ඉදිකළ සේවකයින්ගේ සේවකයින්ගේ අතින් විවෘත කෙරුණා.
එම අවස්ථාවට එක්වූ අමාත්‍ය බන්දුල ගුණවර්ධන මහතා එම පාලම ඉදිකිරීම සඳහා සහභාගීවූ සේවකයින්ට ස්තුති කරමින් කියා සිටියේ, දින දහයක් වැනි ඉතා අඩු කාල කාලසීමාවකදී ඉවත දමා තිබූ අමුද්‍රව්‍ය භාවිතා කර මෙම පාලම ඉදි කළ බවයි.
මෙහිදී වැඩිදුරටත් අදහස් දැක්වූ අමාත්‍යවරයා,
අබලන් වූ පාලම් රටපුරා විශාල ප්‍රමාණයක් තියෙනවා.කොතරම් කවුරු පෙන්වා දුන්නත් මේවා හදන්න මුදල් නැහැ.සෑහෙන්න චෝදනා තියනවා.අඩුපාඩු පෙන්නනවා මහා මාර්ග වලසංවර්ධන කටයුතු ඇණහිටලා තියෙනවා.ඒවට වියදම් කරන්න මුදල් අවශ්‍යයි.මේ පාලම ඉදි කළේ මුදල් තිබිලා නෙමෙයි.වෙනත් තැනක තිබුණු යකඩ සහ අමුද්‍රව්‍ය යොදාගෙන.සමහරු චෝදනා කරනවා මේක උත්සව තියලා සල්ලි වියදම් කරල තාවකාලික පාලම් හදනවා කියලා.අපි මෙතන කිසිම උත්සවයක් තිබ්බෙ නෑ.මේකට මුදල් වැය කරලත් නෑ.රාජ්‍ය සංවර්ධන නිර්මාණ සංස්ථාව විසින් තමයි මේ සියලු කටයුතු සිදු කළේ.මේ වගේ අබලන් වෙච්ච තව පාලම් තියෙනවා.අඩුවියදමකින් ඒවා හදන්න ඕනේ.
(නිරෝෂන් – කොළඹ)
