බදුල්ල – මහියංගණය ප්‍රධාන මාර්ගයේ පුවක්ගොඩමුල්ල, කයිලගොඩ ප්‍රදේශයේදී අද (10) සිදු වූ රිය අනතුරකින් පුද්ගලයෙක් ජීවිතක්ෂයට පත්ව තිබෙනවා.
(10) පෙරවරු 10ට පමණ මෙම අනතුර සිදුවී ඇති බව සඳහන්.
මෙම අනතුරෙන් එක් අයෙකු මියගොස් තවත් සිවුදෙනෙකු බරපතල තුවාල ලබා රෝහල්ගත කර තිබෙනවා.
මියගොස් ඇත්තේ වෙල්ලදුරගේ ජේමිස් නමැති 79 හැවිරිදි පුද්ගලයෙකි.
අනතුර සිදුවන අවස්ථාවේ දී ත්‍රිරෝද රථයේ රියදුරු සමඟ පස් දෙනෙකු ගමන් කර ඇති අතර ඉන් දෙදෙනෙකු කාන්තාවන් බවයි පොලිසිය පවසන්නේ.
අනතුර සම්බන්ධයෙන් බදුල්ල පොලීසිය වැඩිදුර විමර්ශන සිදුකරනු ලබනවා.
