මිහින්තලේ නායක හිමියන් ඝාතනය කිරීම සඳහා යුද හමුදා බුද්ධි අංශ භටයින් දෙදෙනෙකු එවලා. මිහින්තලේ හිමි සාක්ෂි එක්ක වෙච්ච සිද්ධිය හෙළිකරයි.සති තුනක් ඇවිල්ලා මෙහේ ඉදලා. එක සැකරුවෙක් ඇල්ලුවා.

ශ්‍රී ලංකා නාවික හමුදාවේ 73 වැනි සංවත්සරයට සමගාමීව විවිධ තනතුරුවලට අයත් ජ්‍යෙෂ්ඨ සහ කනිෂ්ඨ නාවිකයන් 1877 කට උසස්වීම් ලබාදී තිබෙනවා.

සාමාන්‍ය නැවි තනතුර දක්වා නාවිකයන් 489 දෙනෙකු, බලනැවි තනතුර දක්වා නාවිකයින් 264 දෙනෙකු, නායක නැවි තනතුර දක්වා නාවිකයින් 625 දෙනෙකු හා ප්‍රධාන සුළු නිලධාරි තනතුර දක්වා නාවිකයින් 499 දෙනෙකු ඊළඟ තනතුර දක්වා උසස්කර ඇති බවයි නාවික හමුදාව පැවසුවේ.

නාවික හමුදාධිපති, වයිස් අද්මිරාල් ප්‍රියන්ත පෙරේරා මහතාගේ නිර්දේශය මත එම උසස්වීම් ලබාදී තිබෙනවා.

අත්‍යවශ්‍ය නඩත්තු කටයුත්තක් හේතුවෙන් කොළඹ ප්‍රදේශ කිහිපයකට අද(09) පස්වරු 5.00 සිට ඉරිදා උදෑසන 9.00 දක්වා පැය 16 ක කාලයක් ජල සැපයුම අත්හිටුවන බව ජාතික ජල සම්පාදන හා ජලාප්‍රවාහන මණ්ඩලය පවසයි.

ඒ අනුව කොළඹ 11, 12, 13, 14, 15 යන ප්‍රදේශවලට එම කාලය තුළ ජල සැපයුම අත්හිටුවනු ඇති.

අඹතලේ ජල සැපයුම වැඩිදියුණු කිරිමේ බලශක්ති සංරක්ෂණ ව්‍යාපෘතිය යටතේ සිදුකරන අත්‍යවශ්‍ය වැඩි දියුණු කිරිමේ කටයුත්තක් හේතුවෙන් එලෙස ජල සැපයුම අත්හිටුවන බව එම මණ්ඩලය සඳහන් කළේ ය .