බණ්ඩාරගම සමරනායක පාරේ නවාතැන්පොළක පැවැත්වූ මත්පැන් සාදයකින් අනතුරුව සැකකටයුතු ලෙස
තරුණයෙකු මිය සිටියදී සොයාගත් බව බණ්ඩාරගම පොලීසිය කියයි.
මෙලෙස මියගොස් ඇත්තේ ජාතික ජල ජලසම්පාදන මණ්ඩලයේ කොන්ත්‍රාත් පදනම මත සේවය සපයන ආයතනයක සේවය කරන අගලවත්ත සඳගිරි කන්ද ඕමත්ත පාර පදිංචිව සිටි රවීදු හසිත් ආරියවංශ 24 අවිවාහක තරුණයෙකි
මියගිය තරුණයා සහ එම ආයතනයේ සේවය කරන තවත් පුද්ගලයන් හතර දෙනෙකු නැවතීම සඳහා ලබා දී තිබූ නවාතැන් පොලේ රැඳී සිට ඇත්තේ දෙදෙනකු පමණයි ඔවුන් දෙදෙනා විසින් මත්පැන් බෝතලයක් ගෙන සවස පානය කර ඇතැයි පොලිසිය කියයි.
සවස හයට පමණ ලද දුරකථන ඇමතුමකට ප්‍රතිචාර දැක්වීම සඳහා මියගිය අය උඩුමහලට ගොස් ඇත.අනෙක් පුද්ගලයා පහළ මහලේ නින්ද ගොස් තිබී ඇතැයි පොලිසිය පවසයි.අලූයම එකට පමණ ඔහුට අවදි වී මෙන් අනතුරුව උඩුමහලේ විදුලි බල්බය දල්වා තිබීම සොයා බැලීමට සඳහා ගිය අවස්ථාවේදී තම මිතුරා මුනින් අතට වැටී සිටින අයුරු දැක විමසිලිමත් වීමේ දී ඔහුගේ කටින් සෙම වැගිරී තිබෙන අයුරුත් මුත්‍රා පහව තිබෙන අයුරුත් දැක දුරකථනයෙන් අසල්වාසී නිවසට ඒ බව පවසා තිබූ බව පොලිසිය පවසයි.
ඔවුන් විසින්1990 සුවසැරිය ගිලන් රථ සේවාව වෙත දැනුම් දීමෙන් අනතුරුව එහි සෞඛ්‍යය කාර්ය මණ්ඩල නිලධාරීන් පැමිණ පරික්ෂා කිරීමෙන් අනතුරුව තරුණයා මියගොස් ඇති බවට දැනුම් දී ඇත
මහේස්ත්‍රාත් පරීක්ෂණයක් පැවැත්වීමට ද නියමිත අතර බණ්ඩාරගම පොලීසිය වැඩිදුර පරීක්ෂන මෙහෙයවයි.
(ගල්පාත චන්දන පෙරේරා)
