Connect with us

Article

රනිල්ගේ කොළඹ කවය සහ ප්‍රේමදාස (අල)වංගුව

ජනාධිපති රනිල් වික්‍රමසිංහ 2024 මැයි 09 වෙනිදා ”මම කිසිම කොන්දේසියක් නැතිව රට භාර ගත්තා.

මගේ පක්ෂයට එදා තිබුණේ එක් මන්ත්‍රී ධුරයක් පමණයි.”  යනුවෙන් පාර්ලිමේන්තුවේදී කළ ප්‍රකාශයේදී කඩා වැටුණ රටේ වගකීම භාර නොගත් පාර්ලිමේන්තුවේ පිංගුත්තරයන් ගැන කීවේ නැත. 

එජාපයට හිටියේ එක් මන්ත්‍රී කෙනෙක් පමණයි කී සැනින් විපක්ෂ නායක සජිත් ප්‍රේමදාස භූමි තෙල් ඉහිරුණ ගැරඬියෙකු සේ තම සිරුරටම පැටලී සිටි හැටි ආකාරය බලා සිටියහ. 

ආර්ථීකය කඩා වැටී ඉන්ධන හිඟ වී, පාසල් වැසී ආහාර හිඟ වී රට අපායක් වූ අවදියේ රටේ විපක්ෂ නායකයා ජනාධිපතිකම කෙසේ වෙතත් සුදුස්සෙකු තෝරා ගන්නා තෙක් හෝ මැයි 9 වෙනිදා අගමැති තනතුර භාර ගත යුතු වුවද, සජිත් හැසිරුණේ දෙවන ලෝක යුද්ධ අවදානම හමුවේ බුදු අම්මෝ මට බෑ කියා අගමැතිකම දමාගිය නෙවිල් චෙම්බ්ලේන් වාගේය. 

ජූලියේ පාර්ලිමේන්තුව නව ජනාධිපති වරයෙක් තෝරා ගැනීමට රැස්වූ දිනයේ අග්‍රාමාත්‍ය රනිල්ට නිතරගයෙන් පත් කර අරගලයේ ජනාධිපති ලෙස ප්‍රකාශ කිරීමේ අවස්ථාව සජිත් අහිමි කර ගත්තේය. 

ප්‍රේමදාස ඝාතනය නිසා රට අස්ථාවර වීම වැළැක්වීමට විපක්ෂ නායිකා බණ්ඩාරනායක මැතිනිය අගමැති විජේතුංගගේ නම ජනාධිපති තනතුරට යෝජනා කරමින් ඉතිහාසයේ ගෞරවයට පාත්‍ර වූවද ප්‍රේමදාසලා ලංකා දේශපාලනයෙහි සාර්ථක නො වුණේ ප්‍රේමදාසගේ හදිසි මරණය අසා හෝ රටේ මිනිස්සු අනේ අපොයි නො කීවේ වැදූ ගෙහි දෝෂ නිසා මිස, ප්‍රභූ දේශපාලනයේ වරදින් නොවේ.  

මෙහිදී තම හැකියාව දැන සිටි සජිත් ප්‍රේමදාස, රාජපක්ෂලා දේශපාලනයෙන් හටගත් තුත්තිරි ගහක් වැනි ඩලස් අලහප්පෙරුමගේ ඇඟේ එල්ලීමෙන් සජබයට ශක්තියක් දුන් විසි හතර ලක්ෂයක් ජනතාවට කළේ නිගරුවට ලක් කිරීමත්, 1970 මැතිවරණ පරාජය හමුවේ එතෙක් එජාප කැබිනට්ටුව නියෝජනය කළ සජිත්ගේ තාත්තා, පුරවැසි පෙරමුණ අටවා දාස පාල යුගයක් ගැන දොඩවා, ලක්ෂ සංඛ්‍යාත යුඇන්පී කාරයන් අවතක්සේරු කිරීම 2020 පුතාත් ඒ ආකාරයටම  කළේය. 

තමන් උස්සා තැබූ එජාපයට හතුරුව අප්පලා පුතාලා කෑදරව කළ නොහොබිනා කම් යූඇන්පී කාරයන් හඳුන්වන්නේ ප්‍රේමදාස (අල)වංගුව හැටියටය. අලවංගුව යනු පරෙස්සම් විය යුතු යකඩ උලක් මිස කල්ප වෘක්ෂයක් නොවේ.

ඉම්තියාස් බාකිර් මාකර්ලා 2020දී සජබය පිහිටුවා එජාප වළ දැමීමට සජිත් සමග ගත් නිහීන උත්සාහය සජබයටම පාරා වලල්ලක් වී හමාරය. පාලකයා එළවීමට මුළු රටම විපක්ෂ නායක වටා ඒකරාශීවීමේ ප්‍රජාතන්ත්‍රවාදී සම්ප්‍රදාය අනුව, 1974 දී ආණ්ඩුව සමග සිටි හබරාදුව මන්ත්‍රී අධි නීතිඥ ප්‍රින්ස් ගුණසේකරත් ජේ. ආර්. සංවිධානය කළ සත්‍යග්‍රහයට සුදු වතින් සැරසී ගාන්ධි තොප්පි දමා පැමිණීමත්, රොනී ද මැල් අනුව යමින් විජේවීරත් අලියාට ඡන්දය දී පහෙන් තුනක බලය එජාපයට ලබා දීමට සම්මාදම් වීමත්  රටට නායකත්වය දීමට සජිත්ට නො හැකි බව තහවුරු වීමකි.  

එසේම වහසි බස් දොඩමින් විපක්ෂ කණ්ඩායම් වලට අභියෝග කිරීමෙන් හෙළි වන්නේ උස නම් සිකියුරිටි කොට නම් ක්ලාක් මොඩලයේ සජිත්ගේ තනි ඇඟිලි පුරුකේ දේශපාලන දැනුම රාජ්‍ය තාන්ත්‍රීක දැක්ම නොවේ. විපක්ෂ මතවාදීන් මෙහෙයවීම කෙසේ වෙතත් ඩලස් අලහප්පෙරුමටවත් නායකත්වය දිය නො හැකි තරමට ඉම්තියාස්ලාගේ රන්ජිත් මද්දුම බණ්ඩාරලාගේ සිහින කුමාරයා දේශපාලනිකව පිරිහී හමාරය. 

ආසන්න වසර දෙකක සිට රටේ පවත්නා පලදායිතාව යනු දේශීය සහ ජාත්‍යන්තර සහායෙන් රනිල් වික්‍රමසිංහ සිදු කළ කළමනාකාරිත්වයේ ඍජු ප්‍රතිපලය වේ. හෙවත් බංකොලොකත් කී රට ගොඩ නැගීමට උර දුන් ශක්තිමත් මිනිසා පිළිබඳ කතාන්තරය වේ.

මේ ලේඛකයා, මැයි 13 වෙනි සඳුදා උසාවි ගොස් ආපසු එමින් සිටියදී මහනුවර දළදා වීදියේ රැකියා නැති උපාධිධාරින්ගේ පෙළ ගැසී විරෝධතාවක යෙදෙනු ඇස ගැටිණ. ඒ වනවිට රාජ්‍ය ආයතන ගණනාවක් වැඩි වැටුප් සහ දීමනා සහන ඉල්ලා අඛණ්ඩ වැඩ වර්ජනයක් දියත් වෙමින් පැවතිණ. මෙතැනට පැමිණි කෙනෙක් ”මොකද මේ …….? ”කියා තවත් කෙනෙකුගෙන් විමසීය. 

”රට වැටිලා නම් ටිකක් ඉවසන්න කියන්න කෙනෙක් නැතිකම.”

”රනිල් වටේ කොළඹ ඉන්න හත් අට දෙනා කොහොමද ලංකාවක මිනිසුන්ට ඒක කියන්නේ” දෙවැන්නා එසේ කියා උපහාසයෙන් සිනාසිණ. 

විපක්ෂයට අවශ්‍ය සහන ලබා දීම නොව රට අවුල් කිරීමය. පාසල් වාර මැද ගුරුවරු වීදි බැස්සවීමත් විභාග උත්තර පත්‍ර බලන කාලයේ දීමනා ඉල්ලීමත් මෙවැන්නකි. 2022 අපේල් 9 වෙනිදා බංකොලොත් බව ලෝකය ප්‍රකාශ කළ රටේ හෙට දවස මෙසේ විනාස කරන්නේ බලය ඉල්ලන ඔලූ බක්කන් විසිනි. 

56දී ආසන 8ට වැටුණ එජාපය, කඩිනමින් ඩඩ්ලි යළි කැඳවා දෙවරක් රටේ අගමැති කරවා රට ගොඩනැගීය. 1970දී විජයග්‍රාහී තුන් හවුල් පාලනය නිසා වැටුණ රටේ ආර්ථීකය යළි ගොඩ නැගුවේ ජේ.ආර්. විසිනි. 1994දී රට භාර ගත් වමේ සන්ධාන හත් වසර අවසානයේ 2001දී ආර්ථීකය ඍණ අගයක් ගෙන කඩා වැටුණ රට රනිල් යළි දෙ වසරක් තුළ රට ගොඩ නැගීය. 2015-2019 පස් අවුරුදු පාලනය අවසානයේ වඳ කතා පාස්කු බෝම්බ චෝදනා මිස, රටේ ආර්ථීක ශේෂ පත්‍ර ය් අවුලක් නො තිබිණ. වැටුප් වැඩි කර ඉන්ධන කිරිපිටි ගෑස් ආදි අත්‍යාවශ්‍ය සේවා සහ භාණ්ඩ මිල අඩු කර පැවතියද, 2020 හැට නව ලක්ෂයක් එක්ව එජාපය සමග ගෙදර යැවූ රනිල් යළි රට ගොඩ නගමින් සිටියි.

ආණ්ඩු පක්ෂ මන්ත්‍රීන්ට ගිනි සහ මරණ බිය ඇති කරවමින්, විධායක ජනාධිපති සහ අගමැති සෝයුරන්ට යන 0075 නැති කළ රට පරාජිත රනිල්ට රට භාරදීම ගැන කිසිවෙකු එරෙහි නො වුණ රටේ ජන රැළි  වර්ජන මඟ හැර පාඩුවේ ජීවත්වන නිහඬ බහුතරය රටට අවශ්‍ය ක්‍රමය ජයග්‍රහණය කරවනු ඇත. 

1953දී ලී ක්වාන් යූගේ සිංගප්පූරුවත් 1992දී  චිමිංගේ වියට්නාමයත් ගුරු කොට ගත් අවස්තා දෙකේදීමම පාලනය කළේ එජාපය විසිනි. 2019දී රුපියල් 117ක්වූ පැට්‍රල් ලීටරය 2022දී රුපියල් 1000ටත් සොයා ගත නො හැකි විය. 2024මැයි මුල පැට්‍රල් ලීටරය රුපියල් 400ට අඩු කළ විට එය රුපියල් 117ක් වන්නේ කවදාද කියා විපක්ෂය විමසීය. ඒ සඳහා තවත් අවුරුදු තුනක් ගත විය හැකි බව ජනාධිපති වික්‍රමසිංහ කීය. 

2020 එජාපය බිංදුවට වැට්ටවූ සජිත් සහ ඉම්තියාස්ලා 2022දී අර්බුදයට විසඳුම ලෙස ඩලස් අලහප්පෙරුම නම් කළේ තමන් සතු කෙරුවාවේ ප්‍රමාණය දැන සිටි  නිසාය.   

2019 එජාපය අර්බුදය තේරුම් ගත් එජාප නියෝජ්‍ය නායකයාව සිටි කතානායක කරු ජයසුරිය, අගමැති වික්‍රමසිංහ සහ සජිත් ප්‍රේමදාස කතානායක නිල නිවෙසට ගෙන්වා කළ එජාප ආරවුල ගැන නිල නොවන සාකච්ඡාවේදී 1956දී මෙන් එජාපය විනාශ නො කළ යුතු බව අවධාරණය කළේය. කරු-රනිල්-සජිත් හමුවේදී ආරවුල පක්ෂ අභ්‍යන්තර ගැටලුව ජනාධිපති අපේක්ෂකයා ලෙස සජිත්ද, එජාප නායකයා ලෙස රනිල් ද පිළි ගැනීමට කරු ජයසූරිය හමුවේ රනිල් සජිත් එකඟ වූහ. අගමැති වික්‍රමසිංහ, මෙම එකඟතාවට පසුව ප්‍රේමදාස නිවෙසට ගිය අවස්ථාවේදී හේමා සජිත්ගේ වගකීම රනිල්ට පැවරූ බව රහසක් නොවේ.

ආර්.ප්‍රේමදාස එජාපයට කළ හූනියම සිහි කරමින් සජිත්ව දැඩිව විවේචනයක් කරමින් සිටි මේ ලේඛකයාට 2019දී සජිත්ට ගහන්ඩ එපා අපි එයාට උදව් කරමු යයි ඉල්ලනතරමට අගමැති රනිල් වික්‍රමසිංහ කරු ජයසුරියට සහතික කළ සම්මුතියෙහි පිහිටා සිටියේය. රටට තීරණාත්මක අවස්ථාවන්දී දේශපාලන හා පුද්ගලික මාද වාද බැහැර කොට පෙනී සිටිමේ විශිෂ්ඨ එජාප සම්ප්‍රදාය, 2010දී හා 2014දී 2019 දීත් අනුගමනය කළ රනිල් වික්‍රමසිංහ, උතුරු නැගෙනහිර ජනාධිපති මැතිවරණ සටන සජිත් වෙනුවෙන් මෙහෙයවීය. 

අප්පලා පුතාලාගේ මේ අතීතය යළි සිහිපත් කළේ මැයි 9 වෙනි දින සජිත්, පාර්ලිමේන්තුවේදී ජනාධිපති වික්‍රමසිංහට එල්ල කොට සිදු කළ අසික්කිත හැසිරීම නිසාය. 

ප්‍රේමදාසලා කොහොමටත් එහෙමය. නවසිය හැට ගණන්වල මුලදී මැතිනිය බලයට ආවොත් අගමැති පුටුව මාසිකව හෝදන්ට සිදුවන බවට ප්‍රසිද්ධියේ කීවේ සජිත්ගේ තාත්තා ය. දරු තිදෙනෙකුට මව් වූ බණ්ඩාරනායක මැතිනියට මෙසේ නිගරු කිරීම ගැන කෝපයට පත් ඩඩ්ලි සේනානායක, ආර්. ප්‍රේමදාස කැඳවා තමුන්ටත් අම්මෙක් සිටිනවා නේද අසා දැඩි සේ අවවාද කළ බව රහසක් නොවේ. 

මහජන වේදිකාවල අත්පොලසන් මැද කතා කළ ජනාධිපති ප්‍රේමදාසගේ මරණය අසා රටක මිනිස්සු රතිඤ්ඤා පත්තු කොට කිරිබත් කෑවේ කලින් සැලසුම් කොට නොව ප්‍රේමදාසලා එජාපයට රටට ඇනයක් අලවංගුවක් වූ නිසාය. 

එජාපයෙන් කැඩී සජබයට මාරුවූ බහුතරයක් වර්තමානයේ අරමුණක් නැති සජිත්ගේ භූමිකාව එකඟ නැත. ඔවුන් එජාපයට උරුම දේශපාලන තීරුවක සමාජ අවශ්‍යතාව පිළිබඳ දැඩි විශ්වාසයෙන් පසුවේ. මේ ගතික ස්වභාවය සමීප කර ගැනීමට රනිල් තබා එජාප ක්‍රියාකාරින් හෝ සමත්ව නැත. එහි වගකීම රනිල් වික්‍රමසිංහ මුළුමනින්ම භාර ගත යුතුවේ. එජාපයෙන් කැඩී සජබයට මාරුවූ බහුතරයක් වර්තමානයේ අරමුණක් නැති සජිත්ගේ භූමිකාව එකඟ නැත. ඔවුන් එජාපයට උරුම දේශපාලන තීරුවක සමාජ අවශ්‍යතාව පිළිබඳ දැඩි විශ්වාසයෙන් පසුවේ. මේ ගතික ස්වභාවය සමීප කර ගැනීමට රනිල් තබා එජාප ක්‍රියාකාරින් හෝ සමත්ව නැත. එහි වගකීම රනිල් වික්‍රමසිංහ මුළුමනින්ම භාර ගත යුතුවේ.

රනිල් ධනාත්මකව එදාට වඩා ඛෙහෙවින් වෙනස්ව ඇති බව එජාපයේ කවුරුත්  පිළිගනිති. එහෙත් ගැටලුව වන්නේ තවමත් රනිල් තමන්ට අවේනික කවය තුළම භ්‍රමරණය වීමය. අතීතයේ රනිල්ට ලැබුණ බලය හැම විටෙකම ගිලිහී ගියේ ගමේ යූඇන්පී කාරයන් කළකිරීම නිසාය. සජබය හිට ගත්තේ ඒ පීඩනය තුළය. 

ගෙවුණ වසර දෙක තූල රනිල් පරස්පර දේශපාලන මත දරන්නන්ට සමීප වුවද තවමත් ඔහුට යූඇන්පී කාරයන් සමීප වී නැත. රනිල් සහ එජාප අතර පවත්නා මහා හිදැස  සුළුවෙන් තැකිය නො හැකිය. මෑතක පිට පළාත්වල නීතිඥයන් හමුවූ අවස්ථාවක රනිල් වෙනුවෙන් පෙළ ගැසෙන වෙනත් වෘත්තික කණ්ඩායමක් ගැන දැනුම් දුන් විට ජනාධිපති වික්‍රමසිංහ දුන් ක්ෂණික පිළිතුර සමරතුංගට කියන්න යන්නය.  

ගතවූ දෙවසර තුළ ජනාධිපති කාර්ය සාධනය සඳහා තෝරා ගත් කොයි සමරතුංගත් හැරිලාවත් බලන්නේ ඛෙල්ලේ ටයි එකක් ගැට ගසා තිබුණොත් පමණක් බව ටයි කෝට් පළඳින රනිල් වික්‍රමසිංහ දන්නේ නැත.  

මෙයට පෙරද සිහිපත් කළ පරිදි උරුමය අස්වැසුම වැනි පලදායි ක්‍රියාකාරකම් රටේ සාමාන්‍ය මිනිසාට සමීප නො වන්නේ ටයි පටලවා ගත්  සමරතුංගගේ කවය නිසාය. 

රනිල් මේ මුහුණ දි සිටින්නේ මැතිවරණයකටය. ගසක් යට දහර මණ්ඩිය ගොතා වාඩි වී ගහෙව් බිමට වැටෙන යමක් කා යැපෙන්න කල්පනා කළ ඉන්දියාවේ නිගණ්ඨ සම්ප්‍රදායට දේශපාලනය කොට වඳ කොත්තු ආරංචියටත් කතිර ගැසූ ලංකාවේ ඡන්ද දිනන්න බැරි බව කවුරුත් කාටවත් අමුතුවෙන් කියා දිය යුතු නැත. දෙ වසරක් තුළ වැටුණ රට තුළ මහා පෙරළියක් කළ රනිල් පිළිබඳ පණිවිඩය ගෙන යන වාහකයන් ඇත්තේම නැත. 

(නීතිඥ චන්ද්‍රසිරි සෙනෙවිරත්න)
නිදහස් ලේඛක

Continue Reading
Click to comment

Leave a Reply

Your email address will not be published. Required fields are marked *

Article

මාලිමා බොරුව සහ ජවිපෙ කෙරැවාව – නීතිඥ චන්ද්‍රසිරි සෙනෙවිරත්න

මාලිමා වෙස් මුහුණ පැළඳ ගත් ජනතා විමුක්ති පෙරමුණ, ගතවූ පනස් තුන් වසරක කාලය තිස්සේ රටේ බලය ඇල්ලීමට යොදා ගත් උද්යෝග පාඨ හා ක්‍රියාකාරකම් රටේ පවත්නා දේශපාලනික හා සාමාජික අපේක්ෂාවන්ට පටහැනි විය.

ජෙප්පන්ට කිසි විටෙක තම අරමුණු සම්බන්ධව කිසිවෙකු සමග ප්‍රසිද්ධියේ වාදයකට පැමිණීය නොහැකි වුණේ ඒ නිසාය. 1970 මැයි මාසයේ තුනෙන් දෙකක ජනතාව පෙළ ගැසී පත් කළ ආණ්ඩුවට දොළොස් මසක් ඉක්මවීමට පෙර, බණ්ඩාරනායක අගමැතිනිය ජීවග්‍රහයෙන් අල්ලා ඝාතනය කොට, රටේ බලය ගැනීමට කළ ජන මතයට, යථාර්ථයට පටහැනි 1971 අප්‍රේල් කැරැල්ල නම් ජවිපෙ ආරම්භක තක්කඩිකම ඊට දිය හැකි හොඳම උදාහරණය වේ. ජවිපෙ ඉතිහාසය පුරා රටට හෝ රටේ ජනතාවට අවංක වුණේ හෝ ආදරය කළේ නැත.

විශිෂ්ට ජයග්‍රහණයකින් පසුව, එළඹෙන පළමු අලුත් අවුරුද්ද සැමරීමට බලා සිටි ප්‍රජාතන්ත්‍රවාදි රටක්, එක් රැයකින් උඩුයටිකුරු කොට, බිය ගන්වා තුවක්කු බෝම්බ පෙන්වා විනාස කළ බව රහසක් නොවේ. එකී ප්‍රතිගාමි තක්කඩිතමට නායකත්වය දුන් විජේවීර පසුපස ගොස් සිය තරුණ ජීවිත වලින් වන්දි ගෙවූ දූ දරුවන්ගේ මා පියන් නැගූ විලාපය සදාකාලිකව උතුරේ දමිළ අම්මලාගේ සාපයට දෙවෙනි වෙන්නේ නැත. ඒ විනාසයෙන් වසර 17කට පසුව, 1988දී ඡන්ද පොළට එන් මුල් දස දෙනාට වෙඩි තබමින් නැවත රටේ ප්‍රජාතන්ත්‍රවාදයට සුපුරුදු මරණ වරෙන්තු නිකුත් කොට තවත් තරුණ ජීවිත හැට දහසක් පමණ රටට අහිමි කිරීම යනු අවලාදයක් මඩක් නොව ඉතිහාසයේ ලියැවුණ සහාසික අපරාධයකි. එකී අපරාධයන්ට වගකිව යුතු විජේවීරගේ උන්මාදනීය විප්ලවීය ධජය අතට ගත් අනුර කුමාර දිසානායකලා ලාල් කාන්තලා, මාලිමා වෙස් මුහුණ දමාගෙන වර්තමානයේ මැතිවරණ ඉල්ලා වීදි සටන් කරමින් බුලට් එකෙන් බැලට් එකට මාරුවීමේ ප්‍රහසනයෙන් රටේ ප්‍රජාතන්ත්‍රවාදය ආරක්ෂා කරගත යුතුව තිබේ. ලාල්කාන්තගේ විග්‍රහය අනුව මාලිමා පාලනයකදී වර්ජන අරගල වලට කිසිදු ඉඩක් නැත.

ජවිපෙ කුප්‍රකට පන්ති විග්‍රහයට ඇතුළත් ඉන්දිය විරෝධය එදවස රුසියාවට ලෙන්ගතු ඉන්දියාව පිළිබඳ පැවති චීන විරෝධයට මුක්කු ගැසීමක් මිස, කලාපීය භූ දේශපාලනය පිළිබඳ යථාර්ථවාදි දැක්මක් නො වීය. විජේවීර තුළ කැකෑරුණ ඉන්දීය වෛරය, 1988-89දී 13 වෙනි සංශෝධනයට මුවා බොම්බයි ලූණු මයිසූර් පරිප්පු විකුණා ජීවත්වූ ගමේ සිල්ලර කඩ කාරයා මරා දැමීම විජේවීරගේ උම්මත්ක ස්වභාවයට උදාහරණයකි. බොම්බයි ලූණු ලොකු ලූණු හෙවත් බිග් අනියන් වුණේ ජවිපෙ ගල්කටස් භීතිය නිසාය. එහෙත් ජවිපෙ තහනම් ලැයිස්තුවට අයත් මයිසූර් පරිප්පු යනු ඉන්දීය නාමයක් නොවන බව කිසිවෙකු දැන සිටියේ නැත.

අඩ සිය වසක් පුරා මිනී මරමින් දේපල ගිනි තබමින් බල තන්හාවෙන් මහා විනාසයක් කළ ජවිපෙ වර්තමාන භාරය දරමින්, විසිවෙනි සියවස ලංකාවට අහිමි කළවුන්ට චෝදනා කරන අනුර කුමාරලා ජනතා විමුක්ති පෙරමුණ ඓතිහාසිකව සිදු කළ අපරාධ ගැන තවමත් පසුතැවිලි නොවන බව “ඔව්, අපි ආරක්ෂක හමුදාවලට ඔත්තු දුන් ග්‍රාම නිලධාරින් මැරුවා තමයි. හෙටත් එහෙම කරන්න පුලුවන්….” යනුවෙන් ඊයේ පෙරේදා ලාල් කාන්ත කළ ප්‍රසිද්ධ ප්‍රකාශයෙන් පැහැදිලි වේ.

අවුරුදු පහකට රට ඉල්ලන අනුර කුමාරලාගේ දැක්ම සහ ක්‍රමවේද තවමත් විසි එක්වෙනි සියවසේ ගෝලීය දැක්ම සමග පෙළ ගැසී නැත. ලංකාවේ ගණිකා වෘත්තිය නීතියෙන් තහනම් කර නැති බව දැන නො සිටි සමන්මලී ගුණසිංහ, මාලිමා පාලනයක් යටතේ, ගණිකා වෘත්තිය නීතිගත කරන බවට කළ ප්‍රකාශය, කිසිදු විමසීමකින් පැකිළීමකින් තොරව, ටිල්වින් සිල්වා ප්‍රතික්ෂේප කිරීම යනු, මාලිමාව කියන්නේ තවමත් ඉපැරණි ජවිපේ ගල් කටස් විධානයේ නාම කරණයක් පමණක් මිස ජන සම්මත කතිකාවක් නොවන බව පැහැදිලි ය.

සමන්මලී හා ටිල්වින් පරස්පරය පිළිබඳ දෙවැනි කියවීම වන්නේ නව පරපුරේ සමන්මලීලාගේ කඬේ යාම් කැප කිරිම් මෙන්ම ඔවුන්ගේ අදහස් කෙරෙහි කිසි විටෙක ජවිපෙ කරුණා සහගත නොවන බවය. එසේම 13 වෙනි ආණ්ඩු ක්‍රම සංශෝධනය පිළිබඳ අදහස් දැක්වූ හරිනි අමරසූරියට බෙදුවේද සමන්මලී ගුණසිංහට බෙදූ පොල් කටු හැන්දෙන්මය. එසේම, හඳුන්නෙත්ති සහ ලාල්කාන්ත කළ ආන්දෝලනාත්මක ප්‍රකාශ සම්බන්ධව, දෙරණ ප්‍රශ්න කළ අවස්ථාවේ ටිල්වින් සිල්වා විය නො හැකිවූ අනුර කුමාර දිසානායකගෙන් දිස් වුණේ, ජංගියේ චූ ගිය දරුවෙකුට සමාන පසුතැවිල්ලක් මිස වේදිකාවේ රඟන කයියනායක නම් විධග්ධ දේශපාලනඥයා නම් නොවේ. මේ සියල්ල එකට ගලපා ගත් කල්හී අතීතයේ ජවිපෙ රැල්ලට හසු නොවී පන බේරා ගත් ලාංකේය ජ්‍යෙෂ්ඨ පුර වැසියන් මාලිමාව දකින්නේ විනාසකාරි විජේවීරගේ අවතාරයට වඩා යමක් නොවේ.

මෙවැනි විග්‍රහයන් දුටු සැනින්, රළු භාෂා ශෛලියෙන් නාකියා කඬේ යන්නා යනුවෙන් බැන වැදීමට ටිල්වින්ලා අනුරලා මාලිමා ශ්‍රාවකයන් උපදෙස් දී ඇත්තේ සිය මතවාදී බංකොලොත් භාවය වසා ගැනීමටය.

වෙසක් සමයේ පේරුදුතුඩුවේ සිට දෙවුන්දර තුඩුව තෙක් දිවයින පුරා පැතිරී පැවති ශ්‍රී ලාංකේය දන්සැල් සංස්කෘතිය නිරූපිත වෛවර්ණ ලංකා සිතියම පිළිබඳ මතුගම පුර අපි නම් මුහුණු පොත් ගිණුම් හිමියා, “මුන් නම් අමුතු ජීවින් පිරිසක්. මෙච්චර ආර්ථික උද්ධමන ආර්ථික අපහසුකම් තිබියදී තම ධනය දෙන්න පුලුවන් කියන්නේ මුං ඔක්කෝටම අමු කැවිලද? යනුවෙන් කළ ප්‍රකාශය ඇසුරෙන්, උතුර දකුණ බැඳ තබන සංස්කෘතික උරුමයන් කෙරෙහි පවත්නා ජවිපේ වෛරය තේරුම් ගත හැකිය.

තවත් මාලිමා ශ්‍රාවකයෙකු “මුන් දන්සල් දෙන්නේ බලෙන් එකතු කරන සල්ලි වලින්….. ” යනුයෙන් ලියා තිබිණ. එය දුටු කෙනෙක්, “තමුසෙලා මැයි දිනේට යන්න ටිකට් වික්කෙත් ගෙවල් ගානේ ගිහින් මිනිස්සු බය කරලා නේද?” කියා අසා තිබිණ. මතුගම පුර අපි පොහොට්ටුවට සටහන් යෙදූ බොහෝ දෙනා අසා තිබුණේ දන්සල් දීම වරදක්ද කියාය. මේ අතර තිබූ තවත් සටහනක් මෙසේය. “රට පුරා මෙහෙම දන්සල් දුන්න කියලා දැන ගත්තාම මිනිස්සුන්ට හිතෙයි ඇත්තටම රටේ ප්‍රශ්න නෑ. පාලකයන් කියන්නේ ඇත්ත කියලා.” සත්‍ය වශයෙන්ම මාලිමාවට ඇති ප්‍රශ්නය එයයි. (එයින් බොරුවක් ඇත්තක් කිරීමට දරණ උත්සාහය දැකිය හැකිය.) ජෙප්පන් වඩාත් කැමැති මැරි මැරී ජිවත්වන ජන සමාජයක් දැකීමට විය හැකිය.
අලුත් අවුරුදු කාලෙත් අමාරුයි කී කෙනෙකු ගෙන්, “ඇයි ගෙදර වළඳක් ලිපේ තියන්න බැරි තරමට හිඳිලාද? පෙරළා විමසූ විට ලැබුණ පිළිතුර “නෑ අපට එහෙම අවුලක් නෑ. ඒ වුණාට රටේ මිනිස්සුන්ට අමාරුයිනේ”යන්නය. මේ කියන අනුන් වෙනුවෙන් පෙනී සිටින්නන් කරන්නේ අනුන්ගේ කාලකන්නිකම බෙදා හරිමින් සතුටක් ලැබීමය. රටේ මිනිස්සු දන්සල් දෙනවා දැකීම සතුටක් ලැබිය නො හැක්කේ රටේ තත්වය යහපත් යයි සිතීමටත් අකමැති නරුමයන්ට පමණකි.

පොදු දේපල විකිණීමට එරෙහිව මා සමග කියවා ගත් මිතුරෙකුට ක්‍රිකට් පුහුණුවට තෝරා ගත් 13 හැවිරිදි දියණියගේ කොළඹ යාමට සිදුවීම නිසා ඇපරල් රස්සාවෙන් අස්වී එදිනෙදා වියදම සඳහා නැතිබැරිකමට තාත්තා දුන් ඉඩම් කෑල්ලක් වික්ක මොනරාගල බට්ටිගේ අම්මා මෙන් රටක් හැටියට අවදානමකදී ශක්තිමත්ව මුහුණ දිය යුතු බව කී අවස්ථාවේ, “ලංකාවේ ආණ්ඩුවයි රටේ මිනිස්සුයි ආදර්ශයට ගන්න ඕනැ බට්ටිගේ අම්මාද ? කියා විමසීය. “එහෙනම් කළ යුත්තේ අනුන් ගෙන් පිනට කන අඳින අනුර කුමාරලාට රටේ පාලනය භාර දීමද? මගේ ප්‍රහාරාත්මක ප්‍රතික්‍රියාව හමුවේ මිතුරා මොහොතක් නිරුත්තර විය. “බට්ටිගේ අම්මා මාලිමා රැස්වීම් වලට ගියා නම් අර කෙල්ලට සිද්ධ වෙන්නේ රට වෙනුවෙන් ක්‍රිකට් ගහන්න නොවේ. මාලිමා පෝස්ටර් ගමේ අලවන්න” කී විට, මා දෙස රවා බැලූ සගයා තිත්ත කුණු හරුපයක් කියාගෙන යන්ට ගියේය.

දන්සල් සංස්කෘතියෙන් පිළිබිඹු වන්නේ අපට ආවේනික සංස්කෘතික හැසිරීමද නැතහොත් සුඛිත මුදිත ජන ජීවිතයක හරස්කඩක්ද යන්න විමසීම, මගේ මාතෘකාවට අදාළ කරුණක් නොවේ. එහෙත් විදුලිය ජලය වැනි අත්‍යාවශ්‍ය සේවා කිසිදු බාධාවකින් තොරව ජනතාව නිදහසේ භුක්ති 88-89 කාලවල, රටේ මිනිස්සු ලයිට් නිවා ලිප ගිනි නො දල්වා නිදි නැතිව බයෙන් ජීවත් වීමට සිදු වුණේත්, ඉන්ධන පරිවාහනය සේවා පැවතියදී මගී ප්‍රවාහනයට තහංචි දැම්මේත් සාමාන්‍ය මිනිසුන් නොව, ජවිපේ මිනීමරු උම්මත්තකයන් විසිනි.

මගේ රනිල් ආයෙත් පරද්දමු ලිපිය කියවූ මාලිමා ඉහළ මාලයේය නියෝජනය කරන්නෙක් වට්ස්ඇප් හරහා විමසා සිටියේ, “හැබෑටම රනිල් දිනයිද? කියාය. “එසේය ”යයි මා දුන් පිළිතුරු දුටු හෙතෙම, “එහෙනම් රනිල් පරද්දමු කියා ලියා තිබුණේ ඇයි ? දැයි විමසීය. මා ලේඛනයේදී රටේ පවත්නා යථාර්ථය මිස රැළි වලට එන සෙනග සැලකිල්ලට නො ගන්නා බව පසුව, සිය මාතෘකාව වෙනස් කළ මිත්‍රයාගේ සටහනේ මෙසේ විමසා තිබිණ.

“දන්නවාද මහනුවර නගරාශ්‍රිතව නිවෙස්වල දරුවන් විදෙස් ගතවීම නිසා බහුතරයක් මහලු වැඩිහිටියන් ජීවත් වෙන්නේ වැඩ කාරයන් සමග කියා….? මා පෙරළා, “ඒ කියන්නේ මාලිමා පාලනයක් යටතේ ලාංකිකයන්ට විදෙස්ගතවීම තහනම් කිරීම ෂුවර්... යනුවෙන් සිනහ ස්ටිකරයක් සමග මා මැසේජ් කළ විට, “අපි දෙන්නා කාලය නාස්ති නො කර ඉමු” කියා මගේ මිත්‍රයා, නිහඬ විය. මිත්‍රයා නම් නො කර මේ අදහස් හුවමාරුව මා උපුටා දැක්වන්නේ, තාර්කික කතාබහක් පවා මෙසේ මගහැර යන්නේ පුද්ගල නො හැකියාව නිසා නොව, වෛද්‍ය නලින්ද ජයතිස්ස තහවුරු කළ ආකාරයට, මාලිමාවට මුද්‍රිත (නිශ්චිත) ප්‍රතිපත්තියක් නැති නිසා ය.

රටේ දරුවන් විදෙස් ගතවීමෙන් වැඩිහිටියන් තනිවේවි යන්න මාලිමාවේ ඉසව්ගත ජාතික ගැටළුවක් නම් අනුර කුමාර ලෝකය වටේ යමින් පක්ෂයට අරමුදල් මුදල් එකතු කිරීම හිතට එකඟව නො කළ යුතුවේ. එසේම ඔහු එවැනි කිසිදු හමුවකදී දරුවන් විදේශ ගතවීමෙන් ලංකාවේ නිවෙස්වල තනිවූ වැඩිහිටි මව්පියන්ගේ අසරණ භාවය පිළිබඳ කතා කර නැත.

දේශපාලනඥයන්ගේ තක්කඩිකම යනු ජනතාව විසින් හඳුනා ගෙන පිළියම් කළ යුතු අසනීපයක් වන අතර, 2022 අප්‍රේල් වලදී බොහෝ තක්කඩින්ට ඊට නිසි මාත්‍රා ප්‍රමාණය සාධාරණව බෙදා දුන් බව පිළිගත් සත්‍යයකි. (තමා සාර්ථක පාලකයෙකු බව රටක් ගොඩ දැමීමෙන් තහවුරු කළ ජනාධිපති වික්‍රමසිංහ තම නායකත්වය තහවුරු කිරීමට එක දිගට අසමත්වීමද මෙහිදී අවධාරණය කෙරෙයි.)

ජයවේවා කියමින් මාලිමාවට සුබ පතන රාජ්‍ය සේවයේ බහුතරය තම බත් පතට හෝ අවංක නැත. ස්වකීය පැමිණීම සහ පිටවීම වාර්තා කිරීමට භාවිතා කළ පොත ඉවත් කොට, තාක්ෂණය යෙදීමට එරෙහිව වන්නේ වැඩ නො කර පඩි ගැනීමට හුරුවී ඇති නිසාය. එක දිගට පාඩු ලබන රාජ්‍ය ආයතන වලින් වාර්ෂික බෝනස්, 13 වෙනි මාසයේ වැටුප ආදි අහිමි දීමනා සඳහා අකුරට වැඩ කරමින් රටට වදයක් වන්නේ හිතේ කැතකම නිසාය. මෙකී හැසිරීම් හඳුනා ගෙන සිය රැකියාවට රටට වැටුප් ගෙවන ජනතාවට අවංක වීමට රාජ්‍ය සේවයට කියා නො දෙන මාලිමා ඔලු බක්කන් රටේ වංචා දූෂණ නැති කරනවා කීමත් රට රැවටීමකි.

එසේම ආපසු අය කර ගන්නවා කියන මෙතෙක් සොරා ගත් බව කියන, රජයට අහිමි වූ හැම කාසියක්ම දූෂිත දේශපාලනඥයන්ගේ සාක්කුවට යාමට රාජ්‍ය නිලධාරින් සිව් දෙනෙකු සහතික කිරීමේ මුදල් රෙගුලාසි අනුව, ආණ්ඩු පෙරළියකින් තොරව එක් රැයකින් රටේ දූෂණ වංචා නතර කරවීමට මාලිමාවට හැකියාව ඇතද, වෘත්තීය සමිති ශක්තියෙන් පාලකයන් සහ ජනතාව දඬු කඳේ ගැසීමට මිස රාජ්‍ය සේවයට අත තැබීමට මාලිමාවට ශක්තියක් සූදානමක් නැති බව රජයේ රස්සා නො කරන, මාසික වැටුප් නො ලබන හේනේ කුඹුරේ වැඩ පොළේ සාගරයේ දහදිය හෙලමින් ජීවිත සටන කරන රටේ බහුතර ජනතාව වටහා ගත යුතුවේ.

(නීතිඥ චන්ද්‍රසිරි සෙනෙවිරත්න) 

Continue Reading

Article

ලාල් කාන්ත කීවේ ඇත්තකි !

” මේක කෙලින්ම ගහල ඉවර කරන්න ඕනෙ කිව්වෙ අපියි,ජාතික හෙළ උරුමයයි විතරයි. අපි සමාජ මතය හදල ජනතාව පෙළගැස්සුව..ඕගොල්ලො ගැහුව.”

ලාල් මේ අමතන්නේ රත්නපුර විශ්‍රාමික ත්‍රිවිධ හමුදා සමුළුවටයි.

තමන් එදා ‘ඓතිහාසික වගකීමකට’ උර දුන් බව තවමත් විශ්වාස කරන පක්ෂයකට උතුරු-නැගෙනහිර යුධමය ප්‍රශ්නයේ සැබෑ ඓතිහාසික-දේශපාලන මූලයන් හෝ අදටත් එහි ශේෂ වී පැසවන තුවාලයන් ගැන පශ්චාත්තාපයක් හෝ ස්වයං විචාරයක් තිබීමට ඉඩක් නැත.

දෙමළ ජනයාගේ ඓතිහාසික ප්‍රශ්නය ගැන දේශපාලනිකව සංවේදී වූ සහ එය ලෙයින් යකඩයෙන් මර්දනය කළ සිංහල-බෞද්ධ රාජ්‍යය හා එහි මර්දන උපකරණය ගැන විවේචනාත්මක වූ අපගේ සංස්කෘතික-බුද්ධිමය මිතුරු පිරිවර අද ජාතික ජන බලවේගය නාමයෙන් නිහඩ කර ඇත. ඔවුන් අද ජාතික ජන බලවේගයේ අන්ධ බැතිමතුන් හෝ ප්‍රයෝගකාරී ආරක්ෂකයන් වී ඇත. ඇතැම් විට ලාල් කාන්තගේ ඉහත කතාව හුදෙකලාව විවේචනය කරන හීන් කෙදිරියක් පමණක් නැගෙනු ඇත.

ජවිපෙ/ජාජබ අද ගෞරවයෙන් කැදවන ත්‍රිවිධ හමුදා සාමාජිකයන් යනු එදා 80 දශකයේ සිය සහෝදරත්වය සංහාරය කළ රාජ්‍ය උපකරණය බව ඔවුනගේ ඉතිහාස මතකයෙන් මැකී ගොස් ඇත.

ජවිපෙ ‘උතුරු-නැගෙනහිර ත්‍රස්තවාදය’ මර්දනය කිරීමට මතවාදී ශක්තිය සැපයූවා නම් ජේ.ආර්/‍රනිල් ආණ්ඩුව 80 දශකයේ කර ඇත්තේ ‘දකුණේ ත්‍රස්තවාදය’ මර්දනය කිරීමකි.

කුමක්ද වෙනස ?..

ජවිපෙ උතුරට කැදවූ මර්දනය නිවැරදි වී එජාපය දකුණට කැදවූ මර්දනය වැරදි වන්නේ කෙසේද ? ‘ත්‍රස්තවාදය’ පිළිබද නිර්වචනය සාධාරණීය වන්නේ තමන්ගේ පාර්ශවයේ මතවාදයට අනුව පමණද ?

‘පලස්තීනයේ නිදහස’ ප්‍රගතිශීලී වී ‘දෙමළ ජාතික නිදහස’ ප්‍රතිගාමී වන්නේ කෙසේද ? ‘හමාස් ත්‍රස්තවාදය’ හා ‘පලස්තීන ජනතාවගේ නිදහස’ අතර බෙදුම්කඩනය පැහැදිළි වී ‘විමුක්ති කොටි සංවිධානයේ ත්‍රස්තවාදය’ හා ‘දෙමළ ජනතාවගේ දේශපාලන නිදහස’ අතර බෙදුම්කඩනය පැහැදිළි නොවන්නේ කෙසේද ?

ඊශ්‍රායාලයට එරෙහිව ‘පලස්තීන නිදහස’ වෙනුවෙන් කොන්ද කෙලින් තබාගෙන හඩක් නැගීමට ජවිපෙ/ජාජබ අද අසමත් වී සිටින්නේ ද ඉදිරි මැතිවරණ ජයග්‍රහණයේ ගේමටත් වඩා ඔවුනගේ දේශපාලන ලෝක දැක්ම තුළ ඉහත වර්ගයේ බෙදුම්කඩනයක් නොමැති වන නිසාද වේ.

ලාල් ගේ ඍජු බසින් නොවුනද ජවිපෙ මතුපිට හමට යට ඇත්තේ සිය පැරණි සිංහල-බෞද්ධ වාර්ගික ජාතිකවාදයම බව පැහැදිළිය.

ජවිපෙ/ජාජබ නියෝජිතයකු නොවීද ඊට ආණ්ඩු බලය මාරුවීම දෙස නිර්ප්‍රභූ අර්ථයකින් සුබවාදීව බලන අප වැනි අයට ද සිය ආස්ථානය පිළිබද යළි ස්වයං පරික්ෂාවක් කිරීමට අවස්ථා කිහිපයක්ම මේ වනවිට ජවිපෙ/ජාජබ විසින් සපයමින් තිබෙන බව පෙනෙයි.

(පෙනෙන විදියට ජවිපෙ/ජාජබ ආණ්ඩු බලය ගැනීමට සූදානම් වන්නේ දෙමළ ජනතා චන්දයෙන් තොරව දකුණේ බහුතර සිංහල-බෞද්ධ අනුමැතියෙන් විය යුතුය.)

(උපුටා ගැනීම විදර්ශන කන්නන්ගර ගේ ෆේස්බුක් පිටුවෙනි)

Continue Reading

Article

රනිල් ආයේත් පරද්දමු – (නීතිඥ චන්ද්‍රසිරි සෙනෙවිරත්න)

පසුගිය අසීරු දෙ වසර අවසානයේ උද්ධමනය අඩු විය. රුපියල ශක්තිමත් විය. සංචාරක කර්මාන්තය වැඩි දියුණු විය.

විදේශ සංචිත තර විය. අත්‍යාවශ්‍ය ද්‍රව්‍ය සුලභ විය. පාසල් විවෘත විය. පාර්ලිමේන්තු ප්‍රජාතන්ත්‍රවාදය මුහුදට විසි කොට අප්‍රෙල් අරගලය නිර්මානය කළ පීඩාකාරි යුගය මෙසේ තුනී වී යාම මග හැර යමින්, ”ඕවා කියලා වැඩක් නෑ රනිල් පරදිනවා” කියන මාලිමාව තම මුහුණු පොත් සහෘදයන් ලවා මාලිමාවට ජය වේවා කියවා ගත්තාට බංගාවේවා කියන උපන් නැකතක් හිමි ජෙප්පන් කවදාවත් දිනලාම නැත. 

දෝණි තම අම්මාටත් නො කියවන ඔසප් සංසිද්ධියට දේශපාලනික පෑඩ් ඇන්දවීමෙන් 2019 දීම සජිත් ප්‍රේමදාසත් අමු ජෝකරයෙක් විය. අනුන් දෙන දේ කමින් බොමින් යැපෙන, පිනට ලැඛෙන රෙදි කලිසම් වලින් විලි වසා ගන්නා කයියනායකලා වචනාර්ථයෙන් අපතයන් මිස යුගයක් නිර්මානය කිරීමට සමත් නො වෙති. එකට එකතුව රනිල් පරාද කළ හැකි වුණත් වඩාත් ගහ බැණ ගන්නේ මේ දෙ ගොල්ලමය. 

ගෝඨාට රැවටී දෙ කෝටි පනස් ලක්ෂයකට යන එන මං නැති කළ හැට නව ලක්ෂයෙන් එකියක් වූ නිවාස අධිකාරියේ නිලධාරිනියක් ගිය ගමන රනිල් පරද්දන්න ගෝඨාට දුන්නා. මේ ගමන මාලිමාවට දෙන්න ඉන්නේ. ඒත් බයත් හිතෙනවා. යනුවෙන් කීවේ පවත්නා දේශපාලන දෙ ගිඩියාව එළි දක්වමිනි. ඇයි සජිත් මොකද? එහි සිටි අයෙක් විමසූ විට ඇය කීවේ නිවාස අධිකාරියට එයා කළ විනාසය අපි දන්නවා කියාය. 

රටේ බහුතරය කතිර පාවිච්චි කළේ රට හදන්න නොවේ. රනිල් ගෙදර යවන්නය. දැන් සිදුව ඇත්තේ වෙනත් දෙයකි. 2015දී ඡන්ද 5098916ක් සහ මන්ත්‍රීන් 106ක් සමග රට කරවූ රනිල්, 2020දී ඡන්ද 249435ක් සහ එක් මන්ත්‍රී ආසනයකට සීමා කළේ එහෙමය. 2020දී සජිත් අප්පාවත් ජනාධිපති කරවූ එජාපයට හතුරු නො වුණා නම් රාජපක්ෂලාට තුනෙන් දෙකක් ගන්නේවත් රටට මෙහෙම වෙන්නේත්  නැත. 

රටක විපක්ෂ නායකයා අස්ථාවර රට භාර ගෙන අගමැති විය යුතු වුවද, 2022දී ලංකාවේ එහෙම නො වුණේ සජිත් බය වුණේ මැයි 9 වෙනිදා ගෝල්ෆේස්හිදී ඔලූවට එල්ලවූ පොලූ පාර නිසා විය හැකිය.

17 වසරක් තම දේශපාලන ප්‍රතිවාදියාවූ රනිල් හාස්කමකින් මෙන් නිමේෂයකින් රටේ පාලකයා වීම රාජපක්ෂලාට අදටත් මදි පුංචිකමක් විය. සිද්ධ වුණේ රටට පවත්නා එකම විකල්පය එක්සත් ජාතික පක්ෂය හෙයින් ජනතාව ගෙදර යැවූ රනිල් පාර්ලිමේන්තු බහුතරය විසින් යළි කැඳවීමය. රනිල් එජාප ශෛලියෙන් අර්බුදයට මුහුණ දුන් ආකාරය දෙ කෝටි පනස් ලක්ෂයක් දෙනා විමසිල්ලෙන් බලා සිටිති.  

දිගු කලක් වැසී තිබුණ පාසල් පද්ධතිය රනිල් ජනාධිපතිවී පැය 48ක් තුළ විවෘත නො කළ නම්, සජිත්ට ස්කෝලවල රැස්වීම් තියන්ට ලැඛෙන්නේ නැත. ඉන්ධන හිඟවී ඇනහිට තිබුණ රට, රනිල්  පැය 48ක් තුළ කිව්ආර් කේතය යොදා සක්‍රිය නො කරන්නට, එදා අඳුරු මුඩුක්ක්කුවක් පැවති රට අදටත් එසේම පවතිනවා නිසැකය. 

රනිල් පාසල් විවෘත කිරිමේ වාසිය, ගුරු වර්ජන නිසා අදටත් පාසල් දරුවන්ට නො ලැබීම නම් අවාසනාවකි. දීමනා වැඩි කරන්නැයි විභාග රාජකාරි නවතා මහා මාර්ගය අවහිර කොට ගුරු වෘත්තිකයන් වරක් ඉල්ලා සිටි සාකච්ඡාව, උසස් පෙළ  ප්‍රතිපල නිකුත් කරන තෙක් ලබා නො දෙන බව තීන්දු කළ ජනාධිපති වික්‍රමසිංහට පාර්ලිමේන්තුවේදී නිකමා කී සජිත් ගැන රටේ සිසු පරපුර සිතන විදිය මරික්කාර්ලා බුද්ධිකලා නො දැන සිටියාට හර්ෂලා කබිර්ලා එරාන්ලා රෝහිණිලා තලතලා රෝහිණිලා හොඳින් දනිති.  

2022ට සාපේක්ෂව, රටේ ජන ජිවිතය සාමාන්‍ය වෙමින් පවතී. පැට්‍රල් ලීටරය රුපියල් 117ට ගෑස් සිලින්ඩරය රුපියල් 1250ට ජනතාවට දුන් යහ පාලන ආණ්ඩුව පරදවා 2020දී රටේ බලය අල්ලා ගැනීමට රාජපක්ෂලාට වඳ ෂාපි වඳ කොත්තු හා පාස්කු බෝම්බය මෙන්ම සජබ විගඩමද හේතු විය. ඒ පාඩම ඉගෙන ගත් ජනතාව ඉදිරි ජනාධිපති මැතිවරණයේදී කළ යුත්තේ කුමක්දැයි ජනතාව විසින්ම තීරණය කළ යුතුව තිබේ.

දේශපාලනිකව එජාපයටත් අමිහිරි අත්දැකීමක් වූ රනිල් වික්‍රමසිංහ අප්‍රේල් අරගලයෙන් ප්‍රතික්ෂේපවූ රාජපක්ෂලා, ප්‍රේමදාසලා, අනුර කුමාරලා, වාසුදේවලා විමල් වීරවංශලා වෙනුවට තේරුණ එකම විකල්පය වීම තිත්ත වුවද ශක්තිමත් සත්‍යය බව තහවුරු වී හමාරය. බටලන්ද සහ බැංකු මංකොල්ලය ගැන කියමින් රනිල් රටට එපා කරවා රටේ බලයට පත් රාජපක්ෂ සිදු කළ සුනාමි ගිණුම, එක්ස්ප්‍රස් පර්ල් නෞකා වන්දිය, සිරිලිය ගිණුම, එයාර් බස් ගණුදෙනුව ආදි අනේක චෝදනා යටපත් කළ විපක්ෂය, මේ පිටපොට ගසන්නේ යළි රනිල් ගෙදර යවා රටේ බලය ඇල්ලීමටය.

අල්ලස, දූෂණය, වංචාව රටේ බලය අල්ලන මන්ත්‍රය කර ගත් ජෙප්ප්න් සිය තුවක්කු දේශපාලනය ගිනි අවි පැහැර ගැනීමෙන් බැංකු කැඩීමෙන් මිනී මැරිමෙන් පටන් ගත් බව රටේ ජ්‍යෙෂ්ඨ පුරවැසියන්ට මතකය. 88-89 භීෂණය සමයේ කු ප්‍රකට බටලන්ද හමුදා කඳවුර යනු, වීජේවීර පන පිටින් පුලූස්සා ඔහුගේ දරු පවුල ආරක්ෂා කළ රාජ්‍යය විසින් රටේ ආරක්ෂාවට ගොඩ නැගූ ආරක්ෂක කුටියක් මිස, අධ්‍යාපන හා යෞවන කටයුතු ඇමතිව සිටියදී අනාගතය වෙනුවෙන් නිර්මානය කළ විද්‍යා පීඨ, යොවුන් කඳවුරු වැනි රනිල් වික්‍රමසිංහ පන්නයේ ව්‍යාපෘතියක් නොවේ. බටලන්ද කඳවුරේදී ඝාතනය වූ විජේදාස ලියනාරච්චි ආරක්ෂක අංශවලට කොටු කළේ ජවිපෙය වෙනුවෙන් ජිනීවා ගිය ලංකාවේ ප්‍රකට දකුණේ දේශපාලනඥයෙකු බව රහසක් නොවේ. 

ඊයේ පෙරේදා අනුර කුමාර දිසානායක, නවසිය හැත්තෑ අටේ සිට දෙ දහස් විසි දෙක වසර 44ක් තුළ විදේශ ආයෝජන වලින් ලංකාවට ලැබුණේ ඩොලර් බිලියන 22ක් පමණක් බවත් වියට්නාමය 2022දී පමණක් ඩොලර් බිලියන 22ක් රටට ගෙන්වා ගත් කී සැනින්, දෙරණ මාධ්‍යවේදියා ඊට තමුන්නාන්සේලාත් වගකිව යුතු නැතිදැයි පෙරළා විමසුවේ 88-89 කාලයේ බලය අල්ලා ගැනීමට මනුෂ්‍ය ඝාතනවලට අමතරව සාපරාධි ලෙස ජෙප්පන් රටේ  ආර්ථීකයට කළ විනාසය එල්ටීටීඊයටවත් කළ නොහැකි බව නො කියා කියමිනි. 

ඩොලර් බිලියන 22ක විදේශ ආයෝජන එක් වසරකින් උපයා ගත් වියට්නාමය ඊට ගුරු කොට ගත්තේත්, පිදෙල් කස්ත්‍රෝ කොමියුනිස්ට් කියුබාවට නිදහස් ආර්ථීකය හඳුන්වා දුන්නේත්, ශ්‍රී ලාංකේය අත්දැකීමට අනුගතවය. ලෝක ප්‍රකට කියුබානු සුරුට්ටු ජනාධිපති ජේ.ආර්. ජයවර්ධනට වරින් වර එවන තරමට ක්‍රැස්තෝ ලංකාවට ලෙන්ගතු විය. 

චීනය හා වියට්නාමය මෙන් කියුබාව සාර්ථක නො වීමට හේතු අනුර කුමාරලා පැහැදිලි කළ  යුතුවේ. මහ කොළඹ ආර්ථික කොමිෂමට අදාළ අණ පනත් වලින් නිදහස් වෙළඳ කලාප තුළ වෘතිය සමිති ක්‍රියාකාරිත්වයට යම් සීමා තහංචි පනවන ලද්දේ වර්ජන නිසා ශ්‍රී ලංකාව හැර ගිය ජාත්‍යන්තර ආයෝජකයවන් පිළිබඳ ව්‍යාපාරික ලෝකයේ පැවති බිය සැක තුනී කිරිමටය. වෘත්තීය සමිති අරගල සහ ඊනියා ජනසතු ව්‍යාපාර නිසා නවසිය පනස් ගණන්වල ලංකාව හැර ගිය බොහෝ ජත්‍යන්තර ආයෝජකයන් සිංගප්පූරුවට කැඳවා ගත් බව ලී ක්වාන් යූ කියා තිබේ.

ෂෙල්, කැල්ටෙක්ස්, එසෝ ආදි අමෙරිකා සමාගම් සතුව පැවති ඉන්ධන ව්‍යාපාර ජනසතු කොට පිහිටවූ ලංකා ඛනිජ තෙල් නීතිගත සංස්ථාව අදටත් රාජ්‍ය භාණ්ඩාගාරයට වැය බරක් වී ඇත්තේ වෘත්තිය සමිති මාෆියාව මිස වංචා දූෂණ නිසා නොවේ. මේ ඛේදවාචකයට ලංකා විදුලි බල මණ්ඩලය මෙන්ම, එයාර් ලංකා සහ ටෙලිකොම් ආදි රාජ්‍ය ආයතනද බිලි විය. (ලංවිම 1994 තෙක් 17 වසරක් එක දිගට ලාභ ලැබීය.)

තුවක්කු පෙන්නා මංකොල්ල කෑමත් වර්ජන තර්ජන හරහා අමතර දීමනා ලබා ගැනීමත් හේතුවෙන් ආසන්න අඩ සියවසක් රාජ්‍ය ව්‍යාපාර විනාස වීමටත් විදේශීය ආයෝජකයන් නො පැමිණිමටත් වඩාත් හේතු වුණේ ජෙප්පන් මිස වාංචා දූෂණ නොවේ.

1965-1970 කාලයේ  ලංකා ඛනිජ තෙල් නීතිගත සංස්ථාවේ අධ්‍යක්ෂ වරයෙකු ලෙස සහ පසුව සෙනෙට් සභාවද නියෝජනය කළ එජාප හිතවාදි ඔස්කා ද ලිවේරා සෙනෙට් මන්ත්‍රීවරයෙකු වීමේ සතුට සැමරීමට පැවති සාදයේදී එජාප මන්ත්‍රීන් ඇතුළු හිතවතුන් හමුවේ කී කතාවක් මෙහිදී ඉතා වැදගත්ය. අධ්‍යක්ෂ ධුරය දරද්දී වරක් ඔහුගේ නමට නිකුත් කළ චෙක් පතක ගෙවීම ගැන එකී සමාගමෙන් විමසූ විට ඒ වාර්ෂිකව අධ්‍යක්ෂ වරයෙකුට හිමි කොමිස් මුදල දැන ගත් වහා ආයතනයේ ගණකාධිකාරි කැඳවා එකී චෙක් පත ආයතනයේ සුභ සාධක ගිණුමට බැර කිරීමට නියම කළ බව කී ඔස්කාර් ලිවේරා, කොහොමද ජනසතු ව්‍යාපාරවල ඇතුල් පැත්ත  බව කියා සිනාසිණ. 

මාසික වැටුප් ලබන්නන් විරැකියාවෙන් පෙළෙන්නන් සරසවි සිසූන් මිස, ගොවීන් ස්වයං රැකියා කරන්නන් ව්‍යාපාරිකයන් උද්ඝෝෂණ වර්ජන සඳහා කැඳවා ගැනීමට වර්තමාන දේශපාලන ක්‍රියාකාරින්ට නො හැකිව ඇත්තේ කෘෂි කාර්මික නිෂ්පාදන හා සේවා මිල ඉහළ යාමෙන් ග්‍රාමීය ආර්ථීකය  වඩාත් කාර්යක්ෂම වීමට සමාන්තරව, අර්ධ කාලීන රැකියා අවස්ථා වැඩිවීම හේතුවෙනි. සමහර බැංකු සේවකයන් පවා අර්ධ කාලීනව කුරියර් සේවා වලට බැඳි වැඩ කිරීම රහසක් නොවේ. ශ්‍රම දායකත්වයෙන් අවංක කැපවීමෙන් සාධාරණව උපයා ගත් දෙයින් ජීවත් වීමට හුරුවූ රටේ බහුතරයක් දෙනා හැමදාමත් ස්ව ශක්තියෙන් ගොඩ නැගුණා මිස එක එකා පසුපස ගමන් කළේ නැත. 

මෑතක රටට කිර්තිය ගෙනා ග්‍රාමීය ක්‍රීඩක ක්‍රීඩිකාවන්ගේ වැඩිහිටියන්ද තවත් උදාහරණයකි. වැට් බදු නීතියට එරෙහිව කළ දැවැන්ත උද්ඝෝෂණ වලදී අස්වැන්න අඩුවීමෙන් කැරට් කිලෝව රුපියල් දෙදහසක් වීමත් පාලකයාට එරෙහි සටන් පාඨයක් කර ගත් වමේ බලවේග ගිය සතියේ දෙහි කිලෝවක් රුපියල් 2000ක් වීම ගැන කතා කළේම නැත. මාධ්‍යට මුණ ගැසුණ දෙහි ගොවීන්ට අනුව, ඉඩොරය හේතුවෙන් අස්වැන්න අඩුවීමෙන් දෙහි මිල ඉහළ යාමක්, වර්ෂාව සමග නැවත මිල පහත වැටීමත් හැමදාම සිදුවේ. තවත් තරුණ දෙහි ගොවියෙක්, සහනාධාර නොව අතිරික්ත අස්වැන්න කල් ලබා ගැනීමේ විද්‍යාත්මක ක්‍රම හඳුන්වා දෙන ලෙස ඉල්ලා සිටියේය. මෙම ප්‍රකාශ වලින් තහවුරු වන්නේ අව්ව වැස්ස පවා තම වාසියට යොදා ගන්නා මුග්ධ දේශපාලනය ගැන ජනතාව වර්තමානයේ උනන්දු නොවන බවය. 

ව්‍යාපාරිකයෙකු හමුවූ රෝහල් සුළු සේවිකාවක් අමතර ආදායමක් ලැබිය හැකි අර්ධ කාලීන රැකියා ගැන විමසා තිබිණ. ලැඛෙන වැටුප මදිදැයි ව්‍යාපාරිකයා විමසූ විට, වැටුප් දීමනා වෙනුවෙන් වර්ජන කර රෝගීන්ගේ සාපයට ලක් වෙනවාට වඩා අමතර රැකියාවක් කිරීම පවුලටත් සහනයක් බව කියා තිබේ. ගතවූ දුෂ්කර කාලය සිහිපත් කළ උප තැපැල් ස්ථානාධිපතිනියක කීවේ, හම්බ කර ගත් දේ ඔහේ වැය කරමින් ගෙවූ නාස්තිකාර ජිවිතය කළමනාකරණය කර ගැනීමෙන් යමක් ඉතිරි කළ හැකි බව තේරුම් ගැනීම ආශිර්වාදයක් වූ බවය. මේ විස්තර කරන්නේ අප්‍රේල් අරගලයට මැදිවූ රටේ සාමාන්‍ය ජනතාව තුළ ඇතිවූ ආකල්පය වෙනසය.

දේශපාලනයෙන් බැහැරව ආර්ථීක අර්බුදය තේරුම් ගැනීම නිසා නව ආකල්ප වලින් ජන සමාජය ශක්තිමත්වීම නිසා දේශපාලන ක්‍රියාකාරකම් වලින් සාමාන්‍ය මිනිසුන් ඈත්වීමේ සම්භාවිතාව වැඩි බවය. මේ ආර්ථීක හා සාමාජික පරිසරය තුළ බොහෝ දේ සිදුවෙමින් පවතී. රට කැමති වුණත් නැතත් එකී වසර දෙක පුරා ක්‍රියාත්මක වන්නේ රනිල් වික්‍රමසිංහ විශ්වාසයෙන් කළ දේ පමණකි.

රටේ බලය ඉල්ලා කා කොටා ගන්නා අනුර සජිත් දෙදෙනාට උනුන් මුන ගැසී තම ආර්ථීක ප්‍රතිපත්ති ගැන කතා කිරීමත් රටේ හාස්‍යට ලක්වී හමාරය. ජනාධිපති රනිල් වික්‍රමසිංහ, එක දිගට එක්ව වැඩ කිරීමට විපක්ෂයට ආරාධනා කළ ද, අදටත් රටට ඔබින එකම වැඩ පිළිවෙල හුදෙකලා රනිල්ගේ මත වාදය පමණක් බව පැහැදිලිය. මේ පසුබිමෙහි ළඟ එන ජනාධිපති මැතිවරණයේදී ආයෙත් 2019දී මෙන් ආයෙත් රනිල් පරද්දමු කියමින් මේ ලිපිය අවසන් කරමි.

(නීතිඥ චන්ද්‍රසිරි සෙනෙවිරත්න)
නිදහස් ලේඛක

Continue Reading
Advertisement
Politics21 mins ago

යුද්ධයෙන් හොරකම් කරනවා කියන මතය වෙනස් කළ එකම නායකයා මහින්ද – සාගර

Politics56 mins ago

ජනතාව වෙසක් උත්සවය සැමරුවේ රනිල් නිසා – වජිර

Hot News1 hour ago

හිරු මාධ්‍ය ආයතනයේ වටිනාකම රුපියල් බිලියන 270ක්ලු, ඉස්සරහට එන පනතකින් ලොකු බද්දකට හසුවෙයි?

Hot News1 hour ago

රේගු බඳවා ගැනීම්වල කිසිම අක්‍රමිකතාවයක් නෑ – රංජිත් සියඹලාපිටිය

Sports2 hours ago

ශ්‍රී ලංකාවේ ප්‍රථම ගොල්ෆ් ඇකඩමිය විවෘත කෙරේ

Weather2 hours ago

නැවත දැනුම් දෙනතුරු මුහුදු යන්න එපා

Politics2 hours ago

මම 69 ලක්ෂයට අයිති කෙනෙක් – දිලිත් ජයවීර

Hot News2 hours ago

ගායන ශිල්පී ආනන්ද පෙරේරාගේ අවසන් කටයුතු 29දා

Hot News3 hours ago

පිස්තෝලයක් පෙන්වා කොල්ලුපිටියේ වෙළඳ සංකීර්ණයක් කොල්ලකාලා

Hot News3 hours ago

විජයදාසගේ වැඩබලන සභාපතිකමට එරෙහි වාරණය තවදුරටත් දීර්ඝ කෙරේ

Hot News3 hours ago

උසස් පෙළ තාක්ෂණ සිසුන්ට ජනපති අරමුදලෙන් ශිෂ්‍යත්ව ප්‍රදානයට අදාළ අයදුම්පත් භාර ගැනීමේ කාලය දීර්ඝ කෙරේ

World4 hours ago

රාහුල් ගාන්ධිත් එක්කම වේදිකාවක් කඩාවැටෙයි

Hot News4 hours ago

හැන්ඩ් ෆ්‍රී එකක් කනේ ගසාගෙන රේල් පාරේ ගමන් කළ තරුණයා දුම්රියට බිලි

Hot News4 hours ago

බාල බෙහෙත්වල කැරපොතු කොටස් – වීදුරු කෑලිත් තිබිලා

Hot News5 hours ago

පවතින වර්ෂාවත් සමඟ එළවළු මිල යලිත් ඉහළට

Hot News5 hours ago

කටුනායක ගුවන්තොටුපොළට පැමිණෙන වාහනවලට නිවේදනයක්

Politics6 hours ago

වතු කම්කරුවන්ගේ වැටුප් වැඩි නොකරන වතු යළි රජයට පවරාගන්නවා – මනූෂ

Politics6 hours ago

වව්නියාව දිස්ත්‍රික් මහ රෝහලේ නව හෘද රෝග හා වකුගඩු රෝග ඒකකය ජනපති අතින් විවෘත කෙරේ

Politics7 hours ago

උරුමය ඉඩම් ඔප්පු ලබාදීම කෘෂි නවීකරණ වැඩපිළිවෙළ ගමට ගෙන යාමේ ආරම්භක පියවරයි – ජනපති

Article7 hours ago

මාලිමා බොරුව සහ ජවිපෙ කෙරැවාව – නීතිඥ චන්ද්‍රසිරි සෙනෙවිරත්න

Hot News8 hours ago

වෙසක් සමයේ ඉන්ධන පරිභෝජනය 50% කින් ඉහළට

Hot News8 hours ago

විරංජිත් තාඹුගලට ඇප

Politics8 hours ago

ලෝක සත්ව සෞඛ්‍ය සංවිධානයේ සමුළුවකට අමරවීර ප්‍රංශයට යයි

Hot News8 hours ago

මියන්මාරයේ සහ රුසියාවේ සිරවී සිටින ශ්‍රී ලාංකිකයන් බේරා ගන්න විපක්ෂයේ මන්ත්‍රීවරුන් තිදෙනෙක් තායිලන්තයට

Hot News9 hours ago

හරක් කටාට එරෙහි නඩුව යළි කැඳවයි

Hot News9 hours ago

චීනයේ ප්‍රබල භූමිකම්පාවක්

Hot News9 hours ago

දිලිත් – ගම්මන්පිල – විමල් ඇතුළු පිරිසක් සන්ධානගත වෙයි

Hot News10 hours ago

බස්නාහිර මෙන් උතුරු පළාතේ සෞඛ්‍ය සේවාව ද දියුණු කරනවා

Hot News11 hours ago

කේප්පාපිලවු ග්‍රාමයේ ඉඩම් ගැටළුව විසඳීමට ජනපති මැදිහත් වෙයි

Hot News11 hours ago

දකුණු ආසියාවේ උසම කුලුනේ මහා පිරිත් දෙසුමක්

Hot News3 months ago

සියලුම පාසල් වෙත විශේෂ දැනුම්දීමක්

Hot News5 months ago

42 හැවිරිදි ගුරුවරිය සිසුවෙකු සමඟ කළ ෆොටෝශූට් එක සමාජ මාධ්‍ය කළඹයි

Hot News3 months ago

Watch: රංගන ශිල්පිණි මහේෂි මධුෂන්කාට හිරු මාධ්‍ය ආයතනයේ ප්‍රධානි රේනෝගේ බිරිඳගෙන් තර්ජන, වීඩියෝ ලීක් කරනවලු- මහේෂිගෙන් බරපතල චෝදනාවක්

Hot News4 months ago

Watch : සම්මානය දෙන්න ආපු අජිත් රෝහණගේ අතින් සම්මානය ගන්න බෑ කියපු ධාවකයා

Sports7 months ago

දක්ෂතම ක්‍රීඩිකාව වෙමින් තරුෂි පාසල් ක්‍රීඩාවට සමුදෙයි

Hot News7 months ago

පිරමීඩ ජාවාරමට හසු වූ උපකාරක පන්ති ගුරුවරයාගේ සිරුර බොල්ගොඩ ගඟෙන් හමුවෙයි

Sports7 months ago

ඇමරිකන් ප්‍රිමියර් ලීගය සඳහා මැතිව්ස් ඇමරිකාවට

Hot News5 months ago

චාමර වීරසිංහ දැඩි සත්කාර ඒකකයට

Hot News5 months ago

Watch : අවලෝකිතේෂ්වර බෝධිසත්වගෙන් අස්ගිරි විහාරයට යතුරක්

Local7 months ago

පාසල් නිවාඩුව ගැන දැනුම්දීමක්

Local7 months ago

Watch : කෝටි ගානක සල්ලි උස්සපු මහ හොරාව අල්ලයි – උසාවිය අසලට විශාල පිරිසක්

Hot News1 month ago

කිරිපිටි මිල පහළට

Hot News2 months ago

Watch: කමිඳු මෙන්ඩිස් දෙවැනි ඉන්මේදීද ශතකයක් වාර්තා කරමින් ලෝක වාර්තාවක් පිහිටුවයි

Hot News4 months ago

Watch : සනත් නිශාන්ත අවසන් ගමන් යද්දී බිරිඳ දෙනෙත්වල කඳුළු පුරවාගෙන කිව්ව කතාව

Hot News5 months ago

ලොව ඉහළම මතක ධාරිතාවක් ඇති සිසුවා ශ්‍රී ලංකාවෙන්

Hot News6 months ago

Watch : ඉතිහාසයේ පළමු වතාවට පොලිස් නිලධාරීන්ගේ විරෝධතාව හේතුවෙන් මහේස්ත්‍රාත්වරියකට දඬුවම් මාරුවක්

World5 months ago

පෙබරවාරි 01 වනදා සිට කියුබාවේ ඉන්ධන මිල 500% ඉහළට

World7 months ago

ක්‍රිකට් පාලක මණ්ඩලයේ සභාපතිත්වය ඩයානාට

Hot News3 months ago

දිවුලපිටිය නගරයේදී අනියම් සැමියා කාන්තාවකට පිහියෙන් ඇණ පලා යයි

Hot News5 months ago

බඩල්ගම කෝංගොඩ මුල්ල ප්‍රදේශයේ අවුරුදු 18ක දැරියක් අතුරුදහන්

Sports7 months ago

ඔස්ට්‍රේලියානු ක්‍රිකට් ක්‍රීඩක ෆවාඩ් අහමඩ්ගේ මාස හතරක් වයසැති බිලිඳා මියයයි

Hot News4 months ago

Watch : කාන්තාවන් තුන්දෙනෙක් එක්ක ට්‍රිප් එකක් ගිය විහාරාධිපති හිමියන් පන්සලෙන් නෙරපයි

World7 months ago

ඇමරිකාවේ වෙඩි තැබීමක් – පුද්ගලයින් 16ක් ජීවිතක්ෂයට

World6 months ago

තම මංගල දිනය අවමංගල්‍යයක් කර මනමාලිය සමඟ මනමාලයත් අවසන් ගමන් යයි

Hot News3 months ago

පාසලේ උදෑසන රැස්වීමේදී ක්ලාන්තය සෑදුණු ශිෂ්‍යාවක් ජීවිතක්ෂයට

Hot News4 months ago

සීදුව බ්‍රේව් සංගීත කණ්ඩායමේ විදුලි ඕගන් වාදන ශිල්පියා ජීවිතක්ෂයට

Hot News6 months ago

කිලෝ 22ක් බර මිල කළ නොහැකි ලොකු මැණිකක් හමුවෙයි

Hot News5 months ago

මීගමුවේ ඇවෙන්රා ගාර්ඩ්න් කුස්සියට සීල් තබයි

Hot News5 months ago

කාන්තාවක් සමඟ ලැඟුම්හලට ගියපු පුද්ගලයා අවසන් ගමන් යයි – කාන්තාව හොරෙන්ම පලායයි

Hot News2 months ago

අද මැදියම් රැයෙන් පසු කිරිපිටි මිල වෙනස් වෙයි – නවතම මිල ගණන් මෙන්න

World4 hours ago

රාහුල් ගාන්ධිත් එක්කම වේදිකාවක් කඩාවැටෙයි

Politics1 day ago

Watch : “සටන අරඹමු රජරටින්” ලොකු සෙනඟක් එක්ක පොහොට්ටුව තලාවෙන් වැඩ අල්ලයි

Hot News1 day ago

Watch : වන්දනාකරුවන් රැගත් වෑන් රථයක් ගසක ගැටී දරුණු අනතුරක්

Hot News2 days ago

Watch : බිස්කට් එකක් අරන් එන්න කඩේට ගිය ආච්චි අම්මා පාලමෙන් ඇද වැටී අවසන් ගමන් යයි

Hot News3 days ago

Watch : සරණක් නැති බලු පැටවුන්ට සෙවණක් සොයා දෙන අපූරු දන්සල

Hot News3 days ago

Watch : ශ්‍රී පාද වන්දනා වාරය අවසන් – සදාතුක කරඩුව , සමන් දේව ප්‍රතිමාව සහ දේව ආභරණ වැඩම කෙරේ

Hot News3 days ago

Watch : ඉරාන ජනාධිපතිතුමන් නිවන් සුව පතා වැල්ලවායේ නූඩ්ල්ස් දන්සැලක්

Hot News4 days ago

Watch : ජෙනරේටරයක් දාගෙන නින්දට ගිය පිය පුතු දෙදෙනා නින්දේදීම අවසන් ගමන් යයි

Hot News4 days ago

Watch : වෙසක් පොහොදා විමල් වීරවංශගෙන් සුපිරිම ගීතයක් මේක නම් අහන්නම ඕන සින්දුවක්

Hot News5 days ago

Watch : විශ්‍රාම යන ලංගමේ රියදුරුට ගමේ මිනිස්සු දුන්න අමතක නොවන සමුදීම

Hot News6 days ago

Watch : එක්ස්කියුස් මී නොකියා පන්තියට පැමිණියාට උරණ වූ පාසලේ ගුරුවරයා සිසුවියට සිදුකළ නරුම වැඩේ

Hot News1 week ago

Watch : සජිත් දුන් දිනයකට අනුර එකඟ වෙයි

Hot News1 week ago

Watch : කසිප්පුකාරයෝ බේරන්නේ නැති නිසා ඇමතිට මළපැනලා

Hot News1 week ago

Watch : සනත් නිශාන්ත සිහි වූ බිරිඳ චමරි සංවේදී වෙයි

Hot News1 week ago

Watch : අධික වේගය කරපු විනාශයක් – බස් දෙකක් මුහුණට මුහුණ ගැටෙයි

Hot News1 week ago

Watch : Foxhill ඛේදවාචකයෙන් මියගිය 16 හැවිරිදි පුංචි සත්සරණීත් ගමක් හඬවමින් යන්නම යයි

Hot News1 week ago

Watch : රංගන ශිල්පී කාවිංග පෙරේරා යුඑන්පියට

Hot News1 week ago

Watch : සජිත්ටත් ඇලඩින්ගේ පුදුම පහන වගේ මේක එකපාර වෙනස් කරන්න බෑ

Hot News1 week ago

Watch : ට්‍රැෆික් නිලධාරියා මතට ගසක් කඩා වැටී දරුණු අනතුරක්

Hot News2 weeks ago

Watch : මිරිස්කුඩු වලින් සෙල්ලම් දාපු ඇමති ප්‍රසන්න ගුවන්තොටුපළේ සේවකයෙක්ට ගහලා

Hot News2 weeks ago

Watch : ආණ්ඩුවෙන් නිකන් දුන්න හාල් කාලා මැරුණ කුකුලන්ගේ ප්‍රශ්ණය පාර්ලිමේන්තුවට යයි

Sports2 weeks ago

Watch : වනිඳු ඇතුළු සිංහ පැටව් T20 ලෝක කුසලානයට පිටත්ව ගිය හැටි මෙන්න

Hot News2 weeks ago

Watch : කැරට් කැබැල්ලක් සිර වී දරුවෙකු ජීවිතක්ෂයට

Hot News2 weeks ago

Watch : දින 20කට පසු කොටු වූ සුසිත්ගේ පෙම්වතිය මුල සිට අගට සිදු වූ සියල්ල වමාරයි

Hot News2 weeks ago

Watch : මහ වැස්සේ දකුණු අධිවේගයේ අනතුරක්

Hot News2 weeks ago

Watch : කලු පාට වෙස්මුහුණු දාගෙන ආපු කල්ලියක් ව්‍යාපාරික ස්ථානයකට කඩා පනී

Hot News2 weeks ago

Watch : වැලිපැන්නෙන් ආයුධ ගබඩාවක් මතුවෙයි

Hot News2 weeks ago

Watch : සුසිත්ව නිහඬ කළ ඇත්ත හේතුව මේකද? සුසිත් ගැන අලුත්ම අනාවරණය මෙන්න

Hot News2 weeks ago

Watch : බලන්ගොඩ දරුණු අනතුරක් , ලොරියේ තිබූ යකඩ බට බස් එක විදගෙන ඇතුළට එයි

Hot News2 weeks ago

Watch : මේ මැණික් ගල වික්කොත් නම් ලංකාවම ගොඩ

Advertisement

Categories

Trending