අයි.පී.එල් තරගාවලියේ තවත් තියුණු තරගයක් ඊයේ (26) රාත්‍රියේ කොල්කටා හි ඊඩ්න් ගාර්ඩ්න් පිටියේ දී පැවත් වුණා.
විස්සයි විස්ස තරග ඉතිහාසයේ සාර්ථකම හඹායෑම සනිටුහන් කරමින් මෙම තරගය ජයගැනීම පන්ජාබ් කිංග්ස් කණ්ඩායමට හැකියාව ලැබුණා.
මෙම තරගයේ දී පළමුව පන්දුවට පහර දුන් කොල්කටා ක්‍රීඩකයින් නියමිත පන්දුවාර 20 තුළ කඩුලු 06ක් දැවී 261ක දැවැන්ත ලකුණු පුවරුවක් නිර්මාණය කළා.
එම ඉලක්කය හඹා ගිය පන්ජාබ් කිංග්ස් කණ්ඩායම පන්දුවාර 18යි පන්දු 04ක් තුළ කඩුලු 02ක් පමණක් දැවී අදාළ ඉලක්කය පසුකර යමින් සුපිරි ජයක් හිමිකර ගත්තා.
