2024 අධ්‍යයන පොදු සහතික පත්‍ර සාමාන්‍ය පෙළ විභාගයට අයැදුම්පත් කැඳවීම අද (23) සිට ආරම්භ වන බව විභාග දෙපාර්තමේන්තුව සඳහන් කරනව.
අද සිට ලබන 15 වැනි දා දක්වා මාර්ගගත ක්‍රමයට පමණක් අයැදුම්පත් කැඳවීම සිදු කෙරෙන බවයි වැඩිදුරටත් සඳහන් කරන්නේ.
ඒ අනුව සියලුම පාසල් අයැදුම්කරුවන් තම පාසලේ විදුහල්පති මගින් ද පෞද්ගලික අයැදුම්කරුවන් පෞද්ගලිකවම ද අදාළ උපදෙස් අනුව අයැදුම් කළ යුතු බව සඳහන් වේ.
මෙවර පෞද්ගලික අයැදුම්කරුවන් විභාගයට අයැදුම් කිරීමේදී ජාතික හැඳුනුම්පත අනිවාර්ය කර ඇත.
ජාතික හැඳුනුම්පත නොමැති වයස අවුරුදු 15 ට අඩු විභාග අපේක්ෂකයින්, ඒ සඳහා අයැදුම් කිරීමට විභාග දෙපාර්තමේන්තුවට අනිවාර්යයෙන් පැමිණිය යුතුය.
කිසිදු හේතුවක් මත අයැදුම්පත් කැඳවීමේ කාලය දීර්ඝ නොකරන බවයි විභාග දෙපාර්තමේන්තුව නිවේදනය කළේ .
