ඉන්දීය කණ්ඩායමේ සුපිරි තුන් ඉරියව් ක්රීඩක රවින්ද්ර ජඩේජා තමා 20 -20 ජාත්යන්තර පිටියෙන් සමුගන්නා බවට නිවේදනයක් නිකුත් කර තිබෙනවා.
සිය ඉන්ස්ටග්රෑම් පිටුවේ සටහනක් තබමින් ඔහු මේ බව කියා තිබුණා.
දකුණු අප්රිකාව හා පැවති තරගයෙන් අනතුරුව ලෝක කුසලානය දිනාගැනීමෙන් පසු ඉන්දීය නායක රෝහිත් ෂර්මා සහ තුන් ඉරියව් ක්රීඩක විරාත් කෝලි ද විස්සයි විස්ස පිටියෙන් සමුගන්නා බව මින් ඉහත දැනුම් දුන්නා.
රවින්ද්ර ජඩේජා ඔහුගේ නිල ඉන්ස්ටග්රෑම් ගිණුමේ සටහනක් සමඟ ඡායාරූපයක් පළකරමින් තමන් සමුගන්නා බැව් කියා තිබුණා.
සිය රට වෙනුවෙන් තමන් උපරිමය සිදු කළ බවද තමන් වෙනුවෙන් දුන් සහයෝගයට සියලු දෙනාට ස්තුතිවන්ත වෙන බවද එම සටහනේ සඳහන්.
