Hot News

හීනටියන මහේෂ්ගේ ප්‍රධාන ගෝලයා STF අත්අඩංගුවට

පාතාලය හෙල්ලු ඩුබායි සැගව සිටින හිනටියන මහේෂ් ගෙ ප්‍රධාන ගෝලයා T56 ගිණි අවියක් සහ පිස්තෝල අවි දෙකක් සමග අද දින මිගමුවේදී පොලිස් විශේෂ කාර්ය බලකායේ අත්අඩංගුවට ගෙන තිබෙනවා.

ඩුබායි සැගව සිට අපරාධ රැල්ල මෙහෙයවන හීනටියන මහේෂ්ගේ 25 හැවිරිදි ප්‍රධාන ගෝලයා සමගින් මීගමුව ප්‍රදේශයේ ගමන් ගෙදර පියා සහ පුතුන් තිදෙනා ගාතනය කල සහ බස්නාහිර උතුර සහ දකුණු භිතියෙන් ඇලලී ගිය මනුෂ්‍ය ගාතනයන්ට භාවවිතා කල දී T56 ගිනි අවි යද පිස්තෝල අවි දෙකක් ද විශේෂ කාර්ය බලකාය නිලධාරීන්ගේ බාරයට ගෙන තිබෙනවා.

විශේෂ කාර්ය බලකාය ගෝනහේන කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී ජේෂ්ඨ නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි බස්නාහිර උතුර බාර ජේෂ්ඨ පොලිස් අධිකාරී ජේ.ආර්. සේනාධීර මහතාගේ මෙහෙයවීම මත, විශේෂ කාර්ය බලකාය ගෝනහේන කඳවුරේ ප්‍රධාන පොලිස් පරික්ෂක මාරසිංහ ඇතුළු නිලධාරීන් කණ්ඩායමක් විසින් 2023.11.06 වන දින මීගමුව පොලිස් වසමේ අංක 37, මේරියන් පෙදෙස, කුඩා පාඩුව මීගමුව ලිපිනයේ දී වැටලීමක් සිදුකර ඇත.

එහි දී යම් අපරාධයකට සැරසෙමින් සිටියදී, සන්විධානාත්මක අපරාධ කරුවෙකු වන හීනටියන මහේෂ්ගේ ගෝලයකු හීනටියන මහේෂ්ට අයත් T56 අවි 01 යි, එම අවියට යොදන මැගසින් 03 ක් සහ උන්ඩ 87 සහ 8mm වර්ගයේ පිස්තෝල අවි 01 ක් සහ ෂොට් ගන් අවියට යොදන ජීව උණ්ඩ 15 ක්ද, ව්‍යාජ අංක තහඩු දෙකක්ද සමඟ මීගමුව ප්‍රදේශයේ පදිංචි වයස අවුරුදු 25 ක පුද්ගලයකු අත්අඩංගුවට ගෙන වැඩිදුර විමර්ශන කටයුතු සඳහා මීගමුව පොලිස් ස්ථානය වෙත භාර දී ඇත.

තවද මෙම T56 අවිය පසුගිය සමයේ මිනුවන්ගොඩ ගමන්ගෙදර ප්‍රදේශයේ නිවසකට පැන පියෙකු හා පුතුන් දෙදෙනා වෙඩි තබා ඝාතනයට යොදාගත් අවිය බවට කරුණු අණාවරණය විය.

දකුණු පාලාත සහ බස්නාහිර ප්‍රදේශ තුල අපරාධ සහ මනුෂ්‍ය ඝාතන සදහා යොදාගත් අවියක් බවට කරුණු අණාවරණය වී ඇති අතර 2023.11.06 වන දින මෙම අපරාධය සදහා සැකකරු මෙහෙයවා ඇත්තේ ඩුබායි සැගව සිට අපරාධ මෙහෙයවන හීනටියන මහේෂ්ගේ තවත් ගෝලයකු වන සුන්නා නමින් හදුන්වන අයෙකු වේ.

විශේෂ කාර්ය බලකාය ගෝනහේන කඳවුරේ නිලධාරීන්ට ලද තොරතුරකට අනුව විශේෂ කාර්ය බලකාය අණදෙන නිලධාරී ජේෂ්ඨ නියෝජ්‍ය පොලිස්පති නීතීඥ වරුණ ජයසුන්දර මහතාගේ නියෝග හා උපදෙස් පරිදි බස්නාහිර උතුර බාර ජේෂ්ඨ පොලිස් අධිකාරී ජේ.ආර්. සේනාධීර මහතාගේ මෙහෙයවීම මත, විශේෂ කාර්ය බලකාය ගෝනහේන කඳවුරේ ප්‍රධාන පොලිස් පරික්ෂක මාරසිංහ ඇතුළු නිලධාරීන් කණ්ඩායමක් විසින් මෙම වැටලීමක් සිදුකර ඇත.

(අම්බලන්ගොඩ අනුරාධ ප්‍රියදර්ශන)

Hot News

තම දියණියගේ නිරුවත් ඡායාරූප විකිණීමට ඉල්ලූ සැමියාව බිරිඳ අවසන් ගමන් යවයි

මුදල් සෙවීමේ අරමුණින් සිය 14 හැවිරිදි දියණියගේ නිරුවත් ඡායාරූපයක් ලබාදෙන ලෙස බිරිඳ කළ ඉල්ලීමකට ඇති වූ ආරවුලක් මත බිරිඳ විසින් කඩුවකින් පහර දී සැමියා ඝාතනය කර තිබෙනවා.

මෙම සිද්ධිය වාර්තා වන්නේ කුරුණෑගල, වැල්ලව ප්‍රදේශයෙන්.

මීට පෙර ද සැමියාගේ විසින් මෙම ඉල්ලීම සිදුකර තිබෙන අතර ඒ සම්බන්ධයෙන් බිරිඳ සහ ඔහු අතර නිරන්තරයෙන් ගැටුම් ඇතිව තිබෙන බව සඳහන්.

ඊයේ(03) දිනයේද එම පුද්ගලයා බිරිඳගෙන් සිය දියණියගේ ඡායාරූප ඉල්ලා බිරිඳ සමඟ බහින් බස් වී ඇති අතර, එය දුර දිග ගොස් බිරිඳට පහර දී තිබෙනවා.

එම අවස්ථාවේ දී බිරිඳ සැමියාට මිරිස් කුඩු ප්‍රහාරයක් එල්ල කර තිබෙන අතර පසුව ඇය විසින් නිවසේ තිබූ කඩුවකින් සැමියාගේ බෙල්ල ප්‍රදේශයට සහ කකුලකට පහර දී ඝාතනය කර තිබෙන බවයි අනාවරණය වන්නේ.

මෙලෙස ඝාතනයට ලක්ව ඇත්තේ 38 හැවිරිදි දෙදරු පියෙකි.

මෙම ඝාතනය සම්බන්ධයෙන් 36 හැවිරිදි මව වැල්ලව පොලිසිය විසින් අත්අඩංගුවට ගෙන තිබෙනවා.

සැකකාරිය අද (04) දිනයේදී කුරුණෑගල මහේස්ත්‍රාත් අධිකරණය වෙත ඉදිරිපත් කර තිබෙනවා.

සිද්ධිය සම්බන්ධයෙන් වැල්ලව පොලීසිය විසින් වැඩිදුර පරීක්ෂණ පවත්වනු ලබනවා.

Hot News

Watch : පුහුණුවීම් අතරතුර පාපැදිකරුවෙකු රිය අනතුරකින් මරුට

අනුරාධපුර ගෙවල් 55 ප්‍රදේශයේ අද උදෑසන සිදුවූ රිය අනතුරකින් පුද්ගලයෙකු ජීවිතක්ෂයට පත්ව තිබෙනවා.

අද උදෑසන පාපැදිකරුවෙකු සිය පුහුණුවීම් කටයුතු සිදු කරමින් සිටින අතරතුර එම පාපැදිකරු හා මෝටර් රථයක් එකිනෙක ගැටීමෙන් මෙම අනතුර සිදුවී ඇති අතර බරපතල තුවාල ලැබූ පාපැදිකරු අනුරාධපුර ශික්ෂණ රෝහල වෙත ඇතුළත් කිරීමෙන් අනතුරුව මිය ගොස් තිබේ.

මෙසේ මියගොස් ඇත්තේ අනුරාධපුර, මලියදේවපුර පදිංචි 59 හැවිරිදි තිදරු පියෙකි.

සැකපිට මෝටර් රථයේ රියදුරු අත්අඩංගුවට ගෙන ඇති අතර අනුරාධපුර පොලිසියේ රථවාහන අංශය නිලධාරීන් වැඩිදුර පරීක්ෂණ සිදුකරයි.

(ඉන්දික රංගජිව – අනුරාධපුරය)