චීනයේ පැවැති ආසියානු ක්‍රීඩා උළෙලේ කාන්තා මීටර 800 තරඟයෙන් ශ්‍රී ලංකාවට රන් පදක්කම දිනාදුන් තරුෂි කරුණාරත්න ඊයේ (07) හිටපු ජනපති මහින්ද රාජපක්ෂගේ නිල නිවසේදී හමුවී තිබෙනවා.

එහිදී හිටපු ජනපති ඇය සමග සුහද පිළිසඳරක නිරත වී තිබෙනවා.

ශ්‍රී ලංකා ක්‍රිකට් ආයතනයේ උපදේශකවරයෙක් ලෙස හිටපු ශ්‍රී ලංකා සුපිරි පිතිකරු සනත් ජයසූරිය මහතා පත් කිරීමට ශ්‍රී ලංකා ක්‍රිකට් ආයතනය තීරණය කර තිබෙනවා.

ශ්‍රී ලංකා ක්‍රිකට් ආයතනයේ නිලධාරීන් සහ සනත් ජයසූරිය මහතා අතර මේ වන විට ශ්‍රී ලංකා ක්‍රිකට් ආයතන තුළ විශේෂ සාකච්ඡාවක් පැවැත්වෙන බවත් සඳහන්.

එංගලන්ත ක්‍රිකට් ක්‍රීඩක Harry Brook සිය ජංගම දුරකථනයේ තිබෙන සියලුම සමාජ මාධ්‍ය යෙදවුම් ඉවත් කර දමන්නට තීරණය කර තිබෙනවා.

Harry Brook පවසන්නේ , ක්‍රිකට් ක්‍රීඩා කිරීමට අවශ්‍ය යහපත් මානසික සෞඛ්‍ය ගොඩනැගීමට අවශ්‍ය වූ බැවින් තමන් සමාජ මාධ්‍යයෙන් ඉවත් වීමට තීරණය කළ බවයි.