අග්‍රාමාත්‍ය නරේන්ද්‍ර මෝදි නායකත්වය දරන භාරතීය ජනතා පක්ෂය, ඉන්දියාවේ ප්‍රාන්ත මැතිවරණයේ ප්‍රාන්ත 4ක ප්‍රතිඵල මේ වනවිට නිකුත් වී තිබේ. ඒ අනුව ප්‍රාන්ත 3ක බලය තවදුරටත් තහවුරු කරගැනීමට සමත්ව ඇත.
මෙලෙස භාරතීය ජනතා පක්ෂය හිමිකරගෙන තිබෙන්නේ, මධ්‍ය ප්‍රදේශ්, රාජස්ථාන් සහ චතිස්ග්‍රා යන ප්‍රාන්තවල ජයයි.මීට පෙර රාජස්ථාන් හි බලය හිමිව තිබූ කොංග්‍රස් පක්ෂයට එහි බලය තහවුරු කරගැනීමට අසමත් වීම සුවිශේෂී කරුණකි.
විදෙස් මාධ්‍ය වාර්තා කරන්නේ, එම මැතිවරණයෙන් තෙලන්ගානා හි ජය හිමිකරගැනීමට සමත්ව ඇත්තේ රාහුල් ගාන්ධිගේ නායකත්වය දරන කොංග්‍රස් පක්ෂය බවයි.
මැතිවරණය පැවති ප්‍රාන්ත අතරින් මිසෝරම් හි ඡන්ද ප්‍රතිඵලය හෙට දිනයේ නිකුත් කිරීමට නියමිතව ඇත.
