අයිස් මත්ද්‍රව්‍ය ග්‍රෑම් 15ක් ප්‍රවාහනය කරමින් සිටි බන්ධනාගාර ජේලර්වරයෙකු නිවිතිගල පොලිසිය අත්අඩංගුවට ගත්තා.
සැකකරු යතුරු පැදියෙන් මෙම අයිස් මත්ද්‍රව්‍ය රැගෙන යමින් සිටියදීයි අත්අඩංගුවට ගෙන ඇත්තේ.
රත්නපුර ජ්‍යේෂ්ඨ පොලිස් අධිකාරි කපිල ප්‍රේමදාස මහතාට ලද තොරතුරක් අනුව අයිස් මත්ද්‍රව්‍ය සමග යතුරුපැදියකින් යමින් සිටි සැකකරුව රත්නපුර කලවාන ප්‍රධාන මාර්ගයේ ගැටනිවත්ත දී පොලිස් මාර්ග බාධකයක් යොදා අත්අඩංගුවට ගෙන තිබුණි.
බන්ධනාගාර නිලධාරියෙකු ලෙස රැකියාව කරමින් සැකකරු කලෙක සිට අයිස් මත්ද්‍රව්‍ය ජාවාරම සිදු කර ඇතැයි ද පොලීසිය පවසයි.
