ඇල්පිටිය පිටුවල ප්‍රදේශයේ ගරාජයක ඇතිවූ පිපිරිමක් හේතු කොටගෙන පුද්ගලයකු දැඩි ලෙස පිලිස්සුම් තුවාල ලබා ඇල්පිටිය මූලික රෝහලට ඇතුලත් කර ඇත.
ත්‍රීරෝද රථයක් ඉදිරිපස ඉස්සීම සඳහා බැරලයක් ඊට යටින් තැබීමෙන් පසු ත්‍රි රෝද රථයේ පැස්සුම් කටයුතු සිදු කරන විට එක විටම ත්‍රීවිලය උස්සා තැබීමට භාවිතා කළ බැරලය එකවරම පිපිරිම නිසා පෑස්සුම් කටයුතු කළ ගරාජ් හිමියා පිලිස්සී ගිය අතර ත්‍රිරෝද රථයද මුළුමනින්ම ගින්නට හසු වී අලු වී ගොස් ඇත.
මෙම සිද්ධියෙන් බරපතල පිළිස්සුම් තුවාල ලැබු ගරාජ් හිමියා ඇල්පිටිය මූලික රෝහලට ඇතුළත් කර ඇත.
තුවාල ලැබුවේ පිටුවල ප්‍රදේශයේ පදිංචි ගල්වඩු ආචාරිගේ අජිත් නමැති කාර්මිකයෙකි.
සිද්ධිය සම්බන්ධව ඇල්පිටිය පොලිසිය පරීක්ෂණ පවත්වයි
(ගාල්ල අම්බලන්ගොඩ අනුරාධ)
