දිවුලපිටිය මරදගහමුල ප්‍රදේශයේ කාලයක් තිස්සේ ප්‍රදේශ කිහිපයකට අයිස් මත්ද්‍රව්‍ය බෙදා දුන් මරදගහමුල අයිස් චන්දිමාල් නමැති පුද්ගලයා දිවුලපිටි පොලිස් ස්ථානයේ විශේෂ මෙහෙයුමකදී හේන්පිටගෙදර ප්‍රදේශයේ දී
අත්අඩංගුවට ගන්නා ලදී.
අත්අඩංගුවට ගත් අයිස් චන්දිමාල් නමැති පුද්ගලයා සහ තවත් පුද්ගලයෙකු මත්ද්‍රව්‍ය පානය කරමින් සිටි බව දිවුලපිටි පොලිස් ස්ථානයේ දූෂණ මර්දන අංශයේ ස්ථානාධිපති නිහාල් දිසානායක මහතා පවසයි.
අත්අඩංගුවට ගත් අයිස් චන්දිමාල් ළඟ තිබී අයිස් ග්‍රෑම් 4 යි මිලිග්‍රෑම් 500 ක් සොයා ගැනීමට දිවුලපිටිය පොලිසියට හැකි විය.
මෙම ප්‍රධාන සැකකරු දිවුලපිටිය මරදගහමුල ප්‍රදේශයේ පදිංචිකරුවෙක් බවත් අනිත් සැකකරු හේන්පිටගෙදර ප්‍රදේශයේ පදිංචි කරුවෙක් බවත් පොලිසිය පවසයි.
අයිස් චන්දිමාල් නමැති පුද්ගලයා මත්ද්‍රව්‍යයට ඇබ්බැහි වෙච්ච පුද්ගලයෙක් සහ ජාවාරම් කරුවෙක් බව දිවුලපිටි පොලිසිය අප කළ විමසීමකදී පවසයි.
අත්අඩංගුවට ගත් ප්‍රධාන සැකකරු සහ අනිත් සැකකරු මිනුමන්ගොඩ අධිකරණයට ඉදිරිපත් කිරීමෙන් පසු මීගමුව රක්ෂිත බන්ධනාගාර ගත කරයි.
(මිනුවන්ගොඩ දමිත් තිසර)
