බණ්ඩාරනායක ජාත්යන්තර ගුවන් තොටුපලේ (BIA) යෝජිත දෙවන පර්යන්තයේ ඉදිකිරීම් ඉක්මනින් නැවත ආරම්භ කිරීමට බලාපොරොත්තු වන අතර, අවශ්යණය පහසුකම් ලබන මාසය වන විට ලැබෙනු ඇතැයි ගුවන් තොටුපළ සහ ගුවන් සේවා හි (ශ්රී ලංකා) සභාපති (AASL), අතුල ගල්කැටිය මහතා පවසනවා.
එහිදී ඔහු සඳහන් කළේ, ජපාන ජාත්යන්තර සහයෝගිතා නියෝජිතායතනය (JICA) සමඟ ඒ සම්බන්ධයෙන් සාකච්ඡා කරමින් සිටින බවත්, පොරොන්දු වූ පරිදි ලබන මාසය වන විට අවශ්ය ණය පහසුකම් ලබා දෙනු ඇති බවයි.
ගුවන් මගින් මිලියන 09කට පහසුකම් සැලසෙන මෙම පර්යන්තයේ වැඩ කටයුතු 2028 වන විට අවසන් කිරීමට නියමිත බවත් ඔහු සඳහන් කළා.
ඔහු වැඩිදුරටත් පැවසුවේ, එම පර්යන්තය සඳහා ආගමන විගමන ක්රියාදාමයන් විධිමත් කරමින් පැමිණීම් සහ පිටවීම් සඳහා විද්යුත් ගේට්ටු හතර බැගින් ඉදිකිරීමත් සමඟ නව ගොඩනැගිල්ලේ පිටවීමේ ප්රදේශයට තවත් කවුන්ටර 30ක් එක් කිරීමට නියමිත බවයි.
