පොලිස්පතිවරයා සම්බන්ධයෙන් ශ්රේෂ්ඨාධිකරණය දුන් තීන්දුවට අදාළව රජයේ ප්රතිචාරය පළ කරමින් අග්රාමාත්ය දිනේෂ් ගුණවර්ධන අද (26) උදෑසන පාර්ලිමේන්තුවේ දී විශේෂ ප්රකාශයක් සිදුකරන බව වාර්තා වෙනවා.
පොලිස්පතිවරයා සම්බන්ධයෙන් ශ්රේෂ්ඨාධිකරණය දුන් තීන්දුවට අදාළව රජයේ ස්ථාවරය නිල වශයෙන් ප්රකාශ වන්නේ අග්රාමාත්යවරයාගේ මෙම ප්රකාශය තුළින්.
ශ්රේෂ්ඨාධිකරණ තීන්දුවෙන් මේ වනවිට පොලිස්පතිවරයාට ලබාදී ඇත්තේ වාරණ නියෝගයක් පමණක් බැවින් පොලිස්පති තනතුර හිස්වී නොමැති බවට ජනාධිපතිවරයාට නීති උපදෙස් ලැබී ඇති බවඇතැම් මාධ්ය වාර්තා කර තිබුණා.
21 වැනි ආණ්ඩුක්රම ව්යවස්ථා සංශෝධනය අනුව පොලිස්පති ධුරය හිස්ව නොමැති අවස්ථාවක ජනාධිපතිවරයාට වැඩබලන පොලිස්පතිවරයෙක් පත් කිරීමට හැකියාවක් නොමැති අතර එබැවින් අදාළ නීති ගැටලුව විසඳා ගන්නා තුරු පොලිස්පති ධුරය එලෙස තැබෙනු ඇති බවයි එම වාර්තා සඳහන් කළේ.
දේශබන්දු තෙන්නකෝන් මහතා පොලිස්පති ධූරයේ කටයුතු කිරීම වළක්වාලමින් ශ්රේෂ්ඨාධිකරණය 24 වෙනිදා අතුරු තහනම් නියෝගයක් නිකුත් කළා. ඒ, ඔහු පොලිස්පති ලෙස පත්කිරීම අභියෝගයට ලක්කරමින් ශ්රේෂ්ඨාධිකරණය හමුවේ ගොනුකර තිබු මූලික අයිතිවාසිකම් පෙත්සම් 09ක් විභාගයට ගැනීමට තීන්දු කරමින්.
එම පෙත්සම් විභාගය නිමවන තෙක් පොලිස්පති ධුරය සඳහා නීත්යනුකූලව සුදුසු පුද්ගලයෙකු පත්කරන ලෙස ද ශ්රේෂ්ඨාධිකරණය ජනාධිපතිවරයාට නියම කළා.
