දස හැවිරිදි බාල වයස්කාර දියණියට ලිංගික අතවර සිදුකළ බව කියන සිද්ධියක් සම්බන්ධයෙන් එම දියණියගේ පියා ඊයේ (22) රාත්‍රියේ පොලීසිය විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ 45 හැවිරිදි වැල්ගොල්ල, පස්සර ප්‍රදේශයේ පදිංචි දෙදරු පියෙක්.
අප කළ විමසීමක දී පොලීසිය සඳහන් කළේ සිද්ධියට මුහුණ දී ඇති දැරිය දින දෙක තුනක සිට හැසිරීම් රටාවේ වෙනසක් පෙන්නුම් කර ඇති අතර, එම වෙනස පිළිබඳව දැරියගේ මව විසින් කළ වීමසීමේ දී පසුගිය 19 වන දින මව කුඹුරේ වැඩට ගිය අවස්ථාවේ දී පියා විසින් තමාට සිදුකළ අතවරය පිළිබඳව දැරිය මවට පවසා ඇති බවයි.
පසුව, මව විසින් පස්සර පොලිස් ස්ථානයට ඉදිරිපත් කළ පැමිණිල්ලකට අනුව පොලීසිය විසින් සැකකාර පියා අත්අඩංගුවට ගෙන තිබෙනවා.
සිද්ධියට මුහුණදුන් දැරිය පස්සර මූලික රෝහලට ඇතුළත් කිරීමෙන් අනතුරුව වෛද්‍ය පරීක්ෂණයක් සඳහා රෝහලට යැවීමට කටයුතු කළ බවද පොලීසිය සඳහන් කළා.
අත්අඩංගුවට ගත් සැකකරු පස්සර මහෙස්ත්‍රාත් අධිකරණය වෙත ඉදිරිපත් කිරීමට නියමිතයි.
(මිනුවන්ගොඩ දමිත් තිසර)
