කොස්ගම ප්‍රදේශයේ නිවසක් බිඳ රුපියල් ලක්ෂ 10 කට ආසන්න මුදල් ඇතුළු දේපළ සොරා ගැනීම සම්බන්ධයෙන් පොලිස් කොස්තාපල්වරයෙකු අත්අඩංගුවට ගෙන තිබෙනවා.
කොස්ගම පොලිසිය පැවසුවේ, ඇඟිලි සලකුණු සමඟ සංසන්දනය වීම හේතුවෙන් එලෙස එම පොලිස් කොස්තාපල්වරයෙකු අත්අඩංගුවට ගත් බවයි.
මෙලෙස අත්අඩංගුවට ගෙන ඇත්තේ, අවිස්සාවේල්ල පොලිසියට අනුයුක්ත කොස්තාපල්වරයෙක්.
ඉකුත් අප්‍රේල් මස 28 වෙනිදා රාත්‍රී කාලයේදී සිදුවී තිබූ මෙම සොරකම සම්බන්ධයෙන් විමර්ශනය කිරීමේදී අනාවරණය කරගන්නා ලද කරුණු මත අපරාධ ස්ථානයේ තිබී සොයා ගන්නා ලද ඇඟිලි සලකුණු සමග සැකකාර බාහිර පුද්ගලයන් කීප දෙනෙකුගේ ඇඟිලි සටහන්ද විමර්ශන කටයුතු සඳහා ඇඟිලි සටහන් දෙපාර්තමේන්තුව වෙත යොමු කිරීමෙන් අනතුරුව සැකකාර කොස්තාපල්වරයාගේ ඇගිලි සටහන් සමග සංසන්දනය වීමෙන් අනතුරුව අත්අඩංගුවට ගත් බවයි පොලිසිය පවසන්නේ.
