කූඨ ලේඛන සකස් කර මුදල් වංචා කිරීමක් සම්බන්ධයෙන් අධිකරණය මග හරිමින් සිටි කාන්තාවන් දෙදෙනෙකු අත්අඩංගුවට ගෙන තිබෙනවා.
මෙසේ අත්අඩංගුවට ගෙන ඇත්තේ ගොනාගොල්ල, අම්පාර ප්රදේශයේ පදිංචි අවුරුදු 52 හා 30 යන වයස්වල පසුවන කාන්තාවන් දෙදෙනෙක්.
2013 වර්ෂයේ දී රජයේ රැකියා ලබා දෙන බවට පවසමින් ඌව පළාත් සභාවේ සෞඛ්ය අමාත්යාංශයේ ලේකම්වරයාගේ අත්සන ව්යාජ ලෙස යොදා කූඨ ලෙස සකස් කළ පත්වීම් ලිපි ලබා දී එක් සැකකාරියක් විසින් මුදල් වංචා සිදුකර ඇති බව සඳහන්.
පොලීසිය පවසන්නේ සැකකාරියට එරෙහිව තිබූ පැමිණිලි 26 ක අදාළව බදුල්ල, විශේෂ අපරාධ විමර්ශන අංශය මගින් විමර්ශන සිදුකර සැකකාරිය අත්අඩංගුවට ගෙන අධිකරණයේ නඩු පවරා තිබූ බවයි.
ඒ අනුව මෙම සැකකාරිය කූඨ ලේඛන සකස් කිරීම සම්බන්ධයෙන් අධිකරණය මගින් වැරදිකරු කරන ලද අතර වැරදිකාරිය අධිකරණය මගහරිමින් සිට තිබෙනවා.
මෙම සැකකාරියට අධිකරණයෙන් වරෙන්තු 26ක් ද නිකුත් කර තිබූ බව වාර්තා වෙනවා.
ඒ අනුව, බදුල්ල, විශේෂ අපරාධ විමර්ශන අංශය මගින් ඊයේ (28) ආරච්චිකට්ටුව, නල්ලදරම්කට්ටුව ප්රදේශයේ දී මෙම සැකකරියව අත්අඩංගුවට ගෙන ඇති අතර පසුව සැකකරියට ඇප තැබූ තැනැත්තිය ද හලාවත නගරයේ දී අත්අඩංගුවට ගෙන තිබෙනවා.
මේ සම්බන්ධයෙන් බදුල්ල, විශේෂ අපරාධ විමර්ශන අංශය විසින් වැඩිදුර විමර්ශන සිදු කිරීමට නියමිතයි.
