ජනාධිපතිවරණය ප්රකාශයට පත් කිරීමත් සමග තැපැල් ඡන්දය සඳහා අයදුම්පත් කැඳවීමේ කාල සීමාව දීර්ඝ කර තිබෙනවා.
තැපෑලේ දී සිදුවිය හැකි ප්රමාදවීම සහ කොමිෂන් සභාව වෙත කරනු ලැබූ ඉල්ලීමක් සැලකිල්ලට ගෙන එම තීරණය ගෙන ඇති බවයි මැතිවරණ කොමසාරිස් ජනරාල්වරයා නිවේදනය කරන්නේ
එම නිවේදනයට අනුව අද (05) මධ්යම රාත්රී 12න් අවසන් වීමට තිබූ තැපැල් ඡන්ද අයදුම්පත් භාරගැනීමේ කාලය අගෝස්තු මස 9 වන සිකුරාදා මධ්යම රාත්රී 12 තෙක් දීර්ඝ කර තිබෙනවා
ඒ අනුව අයදුම්පත් අගෝස්තු 9 වනදා මධ්යම රාත්රී 12ට පෙර දිස්ත්රික් මැතිවරණ කාර්යාලය වෙත ලැබීය යුතුයි.
අයදුම්පත් ලැබීමේ දී සිදුවිය හැකි ප්රමාදය වළක්වා ගැනීම සඳහා අගෝස්තු 8 සහ 9 යන දෙදින තුළ සම්පූර්ණ කරන තැපැල් ඡන්ද අයදුම්පත් තැපෑලට භාරදීමෙන් වැළකී ඒවා එක් එක් දිස්ත්රික්කය අනුව වෙන්කර වෙන වෙනම කවරවල බහා සහතික කිරීමේ නිලධාරී කාර්යාලය පිහිටි දිස්ත්රික්කයේ දිස්ත්රික් මැතිවරණ කාර්යාලයට අතින් ගෙනැවිත් භාරදීමට කටයුතු කිරීම වඩාත් යෝග්ය බවද මැතිවරණ කොමසාරිස් ජනරාල්වරයා නිවේදනය කරනවා.
