අද (02) දිනයේ උතුරු පළාතේ වැසි වාර කිහිපයක් ඇතිවන බව කාලගුණවිද්යා දෙපාර්තමේන්තුව පවසනවා.
ගාල්ල සහ මාතර දිස්ත්රික්කවල වැසි ස්වල්පයක් ඇතිවනවා.
සෙසු ප්රදේශවල ප්රධාන වශයෙන් වැසි රහිත කාලගුණ තත්ත්වයක් පවතිනවා.
උතුරු, උතුරුමැද, වයඹ, බස්නාහිර, මධ්යම සහ දකුණු පළාත්වල විටින් විට හමන පැ.කි.මී. 40-45ක පමණ තද සුළං ඇතිවිය හැකි බව කාලගුණවිද්යා දෙපාර්තමේන්තුව පවසනවා.
පුත්තලම සිට කන්කසන්තුරය හරහා ත්රිකුණාමලය දක්වාවන මුහුදු ප්රදේශවල තැනින් තැන වැසි හෝ ගිගුරුම් සහිත වැසි ඇති බවද එම දෙපාර්තුමේන්තුව කියා සිටියා.
දිවයින වටා වන මුහුදු ප්රදේශවල සුළං බස්නාහිර සිට නිරිත දක්වා වන දිශා වලින් හමා එන අතර සුළගේ වේගය පැ.කි.මී. 30-40ක පමණ වන අතර, පුත්තලම සිට කන්කසන්තුරය හරහා ත්රිකුණාමලය දක්වා වන මුහුදු ප්රදේශවල සුළගේ වේගය ක්ෂණිකව පැ.කි.මී. 60ක් දක්වා ඉහළ යා හැකියි.
පුත්තලම සිට කොළඹ, ගාල්ල සහ හම්බන්තොට හරහා පොතුවිල් ත්රිකුණාමලය දක්වා වන මුහුදු ප්රදේශවල සුළගේ වේගය ක්ෂණිකව පැ.කි.මී. 50 පමණ දක්වා ඉහළ යාහැකියි.
පුත්තලම සිට කන්කසන්තුරය හරහා ත්රිකුණාමලය දක්වා වන මුහුදු ප්රදේශ විටින් විට රළු විය හැකි බව කාලගුණ විද්යා දෙපාර්තුමේන්තුව කියලා සිටියා.
පුත්තලම සිට කොළඹ, ගාල්ල සහ හම්බන්තොට හරහා පොතුවිල් ත්රිකුණාමලය දක්වා වන මුහුදු ප්රදේශ විටින් විට තරමක් රළු වන බවද එම දෙපාර්තුමේන්තුව සදහන් කළා.
පුත්තලම සිට ගාල්ල හරහා හම්බන්තොට දක්වා වෙරළට ඔබ්බෙන් වන මුහුදු ප්රදේශවල මුහුදු රළ උස මීටර් 2.5 – 3.0ක් පමණ ඉහළ යාමේ හැකියාවක් පවතිනවා.
එම දෙපාර්තුමේන්තුව වැඩිදුරටත් කියා සිටියේ, ගිගුරුම් සහිත වැසි ඇති වන විට එම මුහුදු ප්රදේශවල තාවකාලිකව තද සුළං ඇති විය හැකි අතර එවිට එම මුහුදු ප්රදේශ තාවකාලිකව ඉතා රළු විය හැකි බවයි.
