අද (23) සිට මගී ප්රවාහන බස් රථ ඇතුළු අනෙකුත් වාහන පරීක්ෂා කිරීමේ දීපව්යාප්ත විශේෂ රථවාහන මෙහෙයුමක් ක්රියාත්මක කිරීමට සැලසුම් කර තිබෙනවා.
පසුගිය දිනවල මගී ප්රවාහන බස් රථ ඇතුළු අනෙකුත් වාහනවලින් සිදු වූ රිය අනතුරු සැලකිල්ලට ගනිමින් දිගින් දිගටම එවැනි අනතුරු සිදුවීම අවම කරගැනීම සඳහා වැඩබලන පොලිස්පතිවරයාගේ උපදෙස් අනුව මෙම රථවාහන මෙහෙයුම සිදු කිරීමට නියමිත බවයි පොලීසිය සඳහන් කළේ.
ඒ අනුව අද සිට උත්සව සමය අවසන් වන තුරු දිවයින පුරා දීපව්යාප්ත රථවාහන මෙහෙයුමක් ක්රියාත්මක කිරීමට නියමිතයි.
මෙහිදී ප්රධාන වශයෙන් පොදු මගී ප්රවාහන බස් රථ පරීක්ෂා කිරීම සිදුකෙරෙන අතර, එම බස් රථවල රියදුරන්, මත්පැන් පානය කර හෝ වෙනත් මත්ද්රව්ය භාවිතා කර රිය ධාවනය සිදු කරන්නේද යන්න විශේෂයෙන් සොයා බැලීම සිදුකරන අතර එමෙන්ම බස් රථ අපරීක්ෂාකාරි හා අන්තරාදායක ලෙස ධාවනය, අධික වේගයෙන් රිය ධාවනය, මාර්ග නීති උල්ලංඝනය කරමින් ධාවනය, ධාවනයට නුසුදුසු තත්ත්වයේ ටයර් හෝ වෙනත් දෝෂ සහිතව ධාවනය කිරීම සම්බන්ධයෙන් ද පරීක්ෂා කිරීමට නියමිත බවයි වැඩිදුරටත් සඳහන් වෙන්නේ.
