ගිනිකොනදිග බෙංගාල බොක්ක ගැඹුරු මුහුදු ප්රදේශයේ යාත්රා කරන බහුදින ධීවර සහ නාවික යාත්රා සඳහා සැලකිලිමත්වන ලෙසට දන්වා කාලගුණවිද්යා දෙපාර්තමේන්තුව විසින් අනතුරු ඇඟවීමේ නිවේදනයක් නිකුත්කර තිබෙනවා.
ගිනිකොන දිග බෙංගාල බොක්ක මුහුදු ප්රදේශයේ පවතින අඩු පීඩන කලාපය ඉදිරි පැය 24 තුළ බටහිර – වයඹ දෙසට ගමන් කිරීමට ඉඩ ඇති බවයි එම නිවේදනයේ සඳහන් වන්නේ.
එය දෙසැම්බර් 11 වනදා පමණ ශ්රී ලංකා – තමිල්නාඩු වෙරළට ඔබ්බෙන් නිරිත දිග බෙංගාල බොක්ක මුහුදු ප්රදේශයට ළඟා වීමට ඉඩ තිබෙනවා.
එම මුහුදු ප්රදේශවල තාවකාලිකව ඉතා තද සුළං පැ.කි.මී. 60, සමගින් තද වැසි පැවතිය හැකි අතර එම මුහුදු ප්රදේශ ඉතා රළු විය හැකියි.
කාලගුණ විද්යා දෙපාර්තමේන්තුව මගින් මේ සම්බන්ධව නිකුත් කරන ඉදිරි නිවේදන පිළිබඳ සිය අවධානය යොමු කරන ලෙසට කාලගුණවිද්යා දෙපාර්තමේන්තුව ධීවර හා නාවික ප්රජාවට දැනුම් දී තිබෙනවා.
