ලෝක උරුමයක් වන සීගිරියේ සංරක්ෂණ කටයුතු පුළුල් කර සංචාරක ආකර්ෂණය වැඩි කිරීම සඳහා කොරියානු අන්තර්ජාතික සහයෝගිතා ඒජන්සිය විශේෂ ව්යාපෘතියක් ක්රියාත්මක කිරීමට යෝජනා කර තිබෙනවා.
පුරාවිද්යා දෙපාර්තමේන්තුවේ පූර්ණ අනුමැතිය සහිතව මධ්යම සංස්කෘතික අරමුදලේ අධික්ෂණය මත යෝජිත මෙමගින් සීගිරි පර්වතයට පිවිසෙන මාර්ගය සංවර්ධනය කිරීම, විකල්ප ප්රවේශ මාර්ගයක් ඉදි කිරීම, සීගිරි කෞතුකාගාරය, ආපන ශාලාව සහ ප්රවේශපත්ර කවුළුව ආදිය සංවර්ධනය කිරීම ඇතුළු යෝජනා රැසකින් යුක්ත වනවා.
මෙම ව්යාපෘතියේ සමස්ත වටිනාකම රුපියල් බිලියන 2.4ක්.
මේ සඳහා බුද්ධශාසන, ආගමික හා සංස්කෘතික කටයුතු අමාත්යංශයේ උපදෙස් පරිදි මධ්යම සංස්කෘතික අරමුදල සහ කොරියානු අන්තර්ජාතික සහයෝගිතා ඒජන්සිය අතර අවබෝධතා ගිවිසුමක් අත්සන් තැබීමට ද යෝජනා වී තිබෙනවා.
මීට අදාළ සාකච්ඡාවක් පසුගිය 27 වැනි දින බුද්ධශාසන, ආගමික හා සංස්කෘතික කටයුතු නියෝජ්ය අමාත්ය ආචාර්ය හිනිදුම සුනිල් සෙනවි මහතාගේ ප්රධානාත්වයෙන් එම අමාත්යංශයේදී පැවැත්වුණා.
