අන්තර්ජාල ක්රීඩාවන් සඳහා මුදල් සොයා ගැනීමට ත්රීවිල් රථ සොරකම් කළ පුද්ගලයෙකු කළුතර අපරාධ කොට්ඨාසය මගින් අත්අඩංගුවට ගෙන තිබෙනවා.
දැනට මාස කිහිපයක සිට පානදුර මූලික රෝහලට රෝගීන් බැලීම සඳහා රෝහලට පැමිණෙන පුද්ගලයින්ගේ ත්රීවිල් රථ දිගින් දිගටම සොරා ගැනීම් සම්බන්ධයෙන් කළුතර අපරාධ කොට්ඨාසය සිදුකළ සිදු කළ විමර්ශනයකදී එම ත්රීවිල් රථ සොරාගත් පුද්ගලයා කළුතර අපරාධ කොට්ඨාසය මගින් ඊයේ දින අත්අඩංගුවට ගැනුණා.
මෙසේ අත්අඩංගුවට පත්වූයේ වාද්දුව තල්පිටිය ප්රදේශයේ පදිංචි 34 හැවිරිදි පුද්ගලයෙක්.
මෙම ස්ථානයෙන් සොරකම් කරන ලද ත්රීවිල් රථ වාහන පොත් නොමැතිව අලෙවි කිරීම සඳහා මුහුණු පොතේ ඇති පිටුවේ ඡායාරූප යොදවා මොහු විසින් විකුණන ලද ත්රීවිල් රථ ඇඹිලිපිටිය ,රත්නපුර ගාල්ල වැනි ප්රදේශවල තිබී පොලිසිය විසින් පොලීසිය විසින් සොයා ගෙන ඇත.ඔහු විසින් සොරකම් කර විකුණා දමා තිබූ ත්රීවිල් රථ හතරක් මේ වන විට සොයාගෙන ඇති අතර අනෙක් ත්රීවිල් රථ සොයා ඉදිරි විමර්ශන ක්රියාත්මකයි.
මෙම ත්රීවිල් රථ සොරකම සම්බන්ධයෙන් මොහු පොලිසියට පවසා ඇත්තේ ඔහු අන්තර්ජාලයේ මුදල් යොදවා සිදුකරන ක්රීඩාවන් වලට තදබල ලෙස ඇබ්බැහි වී ඇති බවත් එම මුදල් සොයා ගැනීම සඳහා මෙම ත්රීවිල් රථ විකුණා මුදල් ලබා ගැනීම සිදුකර ඇති බවයි.
එමෙන්ම යතුරු යොදා ක්රියාවිරහිත කොට ඇති ත්රීවිල් රථ නැවත පණ ගැන්වීම සඳහා මොහු අන්තර්ජාලයෙන් ලබාගත් දැනුම උපයෝගී කරගනිමින් එම ත්රීවිල් වල වයර් ගලවා ත්රීවිල් පනගැන්වීම සිදුකර ඇති බවටද තොරතුරු අනාවරණය වී ඇත.
මෙම සොරකමට සම්බන්ධ සැකකරු පානදුර නගරයේ සැරිසරන බවට ලද තොරතුරක් මත ඊයේ දින මොහු පානදුර නගරයේ දී කළුතර අපරාධ කොට්ඨාසය මගින් අත්අඩංගුවට ගෙන ඇත.
මෙම සැකකරු පානදුර රෝහල ඉදිරිපිට සැරිසරන අයුරු සහ ත්රීවිල් රථ සොරාගෙන යන ආකාරය සීසීටීවී කැමරාවල සටහන්ව තිබුණි.
සැකකරු අද දින පානදුර මහේස්ත්රාත් අධිකරණයට ඉදිරිපත් කිරීමට නියමිතයි.
(සම්පත් කුලරත්න – කළුතර )
