දුම්රිය තුළ පිහිටුවා ඇති ආපනශාලා හදිසි පරික්ෂාවන්ට ලක් කිරීමට තීරණයක් ගෙන ඇති බව ශ්‍රී ලංකා මහජන පරික්ෂකවරුන්ගේ සංගමයේ ලේකම් ශානක බෝපිටිය පවසනවා.
පසුගියදා මීනගයා දුම්රියේ ආපනශාලාව පරීක්ෂාවට ලක්වූ අතර, එහිදී එම ආපනශාලාව අපිරිසිදු ලෙස පවත්වාගෙන යන බව නිරීක්ෂණය වීමත් සමග ඉහත තීරණය ගත් බවයි ඔහු සඳහන් කළේ.
මේ අතර, පරීක්ෂාවට ලක්වූ මීනගයා දුම්රිය ආපනශාලා මැදිරිය අධිකරණ නියෝගයක් මත තාවකාලිකව අත්හිටුවීමට පියවර ගෙන තිබෙනවා.
