කොළඹට පවතින අයහපත් කාලගුණ තත්ත්වය සැළකිල්ලට ගෙන කොළඹ මාර්ග කිහිපයක් අද (25) රාත්‍රියේ වසා දැමීමට තීරණය කළ බව පොලිසිය පවසනවා.
කොළඹ බ්‍රේබෘෘක් පෙදෙස, කනත්ත වටරවුමේ සිට තුම්මුල්ල මංසන්ධිය, බෞද්ධාලෝක මාවත, පෙරහර මාවත ජේම්ස් පීරිස් මාවත හන්දියේ සිට රොටුන්ඩා මංසන්ධිය දක්වා මාර්ග එසේ වසා තැබීමට තීරණය කර ඇත.
පොලිසිය සඳහන් කළේ කේම්බ්‍රිජ් පෙදෙසේ මාර්ගය අවහිර වීම නිසා කොළඹට ඇතුලුවන වාහනවලට මල්පාර ඔස්සේ ගමන් කල හැකි බවයි.
මේ අතර වෙසක් කලාප නැරඹීම සඳහා පැමිණෙන ජනතාවට පාගමින් එම මාර්ගවල ගමන් කරන ලෙස පොලීසිය දැනුම්දෙයි.
