අනුබුදු මිහිඳු හිමි නිර්මල බුදුදහම රැගෙන මිහින්තලා පව්වට වැඩම කරවීම සිදුවූ උතුම් පොසොන් පුර පසළොස්වක පොහොය දිනය අදට යෙදී තිබෙනවා.
මිහිඳු මහරහතන් වහන්සේ ප්‍රමුඛ ඉට්ඨිය, උත්ථිය, සම්බල, බද්දසාල යන රහතන් වහන්සේලාත් සුමන සාමණේරයන් වහන්සේත් භණ්ඩුක උපාසකක් අද වැනි දිනක වැඩම කළ බවයි ඉතිහාසයේ දැක්වෙන්නේ.
දේවානම් පියතිස්ස රජු ඇතුළු පිරිස තෙරුවන් සරණ යාම ද අද වැනි පොසොන් පොහොය දිනක සිදුවූ බව ඉතිහාසයේ සඳහන් වනවා.
