සමෘද්ධි සංවර්ධන අධිකාරියට අනුයුක්තව සේවය කළ සේවකයින් හට සමෘද්ධි සංවර්ධන දෙපාර්තමේන්තුව වෙත අන්තර් ග්රහණය වීම සඳහා අවස්ථාව සලසා දීම සඳහා කැබිනට් අනුමැතිය හිමි වී තිබෙනවා.
2013 අංක 01 දරන දිවිනැගුම පනත හරහා දිවිනැගුම දෙපාර්තමේන්තුවපිහිටුවීමේදී එවකට සමෘද්ධි සංවර්ධන අධිකාරියට අනුයුක්තව සේවය කරන ලද සේවකයින් හට එම පනතේ ප්රතිපාදන යටතේ තම මනාපය පරිදි විශ්රාම වැටුපක් සහිතව එවකට දිවිනැගුම සංවර්ධන දෙපාර්තමේන්තුව වෙත අන්තග්රහණය වීමට අවස්ථා කිහිපයකදී අවස්ථාව සලසා දී තිබුණා.
කෙසේවෙතත්, විවිධ කරුණු හේතුවෙන් තම මනාපය සංශෝධනය කිරීමට නොහැකි වූ සේවකයින් 3,000 ක් පමණ සිටින බව හඳුනාගෙන ඇති බව රජය පෙන්වා දෙනවා.
ඒ අනුව, පවතින නීතිමය රාමුව තුළ, රාජ්ය සේවා කොමිෂන් සභාව විමසමින් සමෘද්ධි සංර්වර්ධන දෙපාර්තමේන්තුව වෙත අන්තර්ග්රහණය වීමට එකී සේවක පිරිසට අවස්ථාව සලසා දීම පිණිස ජනාධිපති රනිල් වික්රමසිංහ මහතා ඉදිරිපත් කළ යෝජනාව සඳහා අමාත්ය මණ්ඩලයේ අනුමැතිය හිමිව තිබෙනවා.