ශ්‍රී ලංකා රූපවාහිනී සංස්ථාවේ නව සභාපතිවරයා ලෙස ආචාර්ය සෙනේෂ් දිසානාය​ක බණ්ඩාර පත් කර තිබෙනවා.

ඒ අනුව අද (25) පෙරවරුවේ නව සභාපතිවරයා ජනමාධ්‍ය අමාත්‍ය විජිත හේරත් අතින් සිය පත්වීම් ලිපිය ලබාගෙන තිබෙන බවයි සඳහන් වන්නේ.

ශ්‍රී ජයවර්ධනපුර විශ්ව විද්‍යාලයේ ජ්‍යෙෂ්ඨ කථිකාචාර්යවරයෙක් ලෙස කටයුතු කරන සෙ​නේෂ් දිසානායක බණ්ඩාර චිත්‍රපට සහ ටෙලිවිෂන් වැඩසටහන් අධ්‍යක්ෂකවරයෙක්, තිර රචකයෙක් ලෙසත් ප්‍රචලිතයි.

කැලණිය විශ්වවිද්‍යාලය, ශ්‍රී ජයවර්ධනපුර විශ්වවිද්‍යාලය, පේරාදෙණිය විශ්වවිද්‍යාලය සහ නිව්යෝර්ක් ෆිල්ම් ඇකඩමි හි විද්‍යාර්ථියෙක් වන ඔහු ජනසන්නිවේදනය විෂයය වෙනුවෙන් ශාස්ත්‍රවේදී උපාධිය, ශාස්ත්‍රපති උපාධිය සහ දර්ශනශූරී උපාධිය ලබා ඇති අතර ලේඛකත්ව සහ සන්නිවේදනය ඩිප්ලෝමාධාරියෙක් බවයි වැඩිදුරටත් සඳහන් වෙන්නේ.

ආදරණීය වස්සානය, Heart FM ය​න චිත්‍රප​ට සහ සම්මානිත ටෙලි නාට්‍යයක් වන ‘රළ බිඳෙන තැන’ ඔහුගේ නිර්මාණයන් අත​ර වනවා.

2 COMMENTS

  1. In this study, the authors first screened shRNAs targeting about 1000 human genes for their ability to inhibit proliferation of human colon cancer cells buy priligy 60 However, we were unable to discern the consequences of TA and D deficiency on wound closure in the model used because of the lack of hair follicle development in Sox18 op mice

LEAVE A REPLY

Please enter your comment!
Please enter your name here