හොංකොං සික්සර්ස් ක්‍රිකට් තරගාවලියේ අර්ධ අවසන් පූර්ව වටයේ තරග අද(02) ආරම්භ වනවා.
එම වටයේ පළමු තරගය සත්කාරක හොංකොං කණ්ඩායම සහ ඔස්ට්‍රේලියාව අතර පැවති අතර එම තරගයේ ජය හිමි කර ගැනීමට ඔස්ට්‍රේලියා කණ්ඩායම සමත් වුණා.
ශ්‍රී ලංකා කණ්ඩායම පළමු වටයේ සහභාගී වූ තරග දෙකම ජය ගනිමින් අර්ධ අවසන් පූර්ව වටය සදහා සුදුසුකම් ලබා ගත්තා.
අර්ධ අවසන් පූර්ව වටයේ ශ්‍රී ලංකා කණ්ඩායම අද නේපාලයට එරෙහිව තරග වැදීමට නියමිතයි.
තරගය ශ්‍රී ලංකා වේලාවෙන් අද පස්වරු 1.20ට ආරම්භ වනවා.
