අද (14) පෙරවරුවේ ධාවනය වීමට නියමිතව තිබූ දුම්රිය ගමන් වාර 10 ක් පමණ දුම්රිය රියදුරු හා රියදුරු සහායකවරු නොමැතිවීම හේතුවෙන් අවලංගු කිරීමට සිදුවී ඇතැයි දුම්රිය ස්ථානාධිපති සංගමය පවසයි.
මේ අතර තවත් ගමන් වාර 22 ක් පමණ ධාවනය කිරීම සම්බන්ධයෙන් අවිනිශ්චිත තත්වයක් පවතින බවත් සංගමය වැඩිදුරටත් සදහන් කරයි.
දැනට අවලංගු කිරීමට සිදුවී ඇති දුම්රිය අතර කුරුණෑගල, රඹුක්කන, පොල්ගහවෙල, හලාවත, බලා ධාවනය වීමට නියමිත දුම්රිය ද වන අතර මේ හේතුවෙන් දුම්රිය මගීන් දැඩි දුෂ්කරතාවයන්ට මුහුණ පෑමට සිදු වූ බවත් දුම්රිය ස්ථානාධිපති සංගමය වැඩිදුරටත් පවසයි.
