ඉන්දීය ප්‍රිමියර් ලීග් ක්‍රිකට් තරගාවලියේ 2025 අදියර ඇතුළුව තරගාවලි තුනක් පැවැත්වෙන කාලසීමාවන් නිවේදනය කර තිබෙනවා.
ඒ අනුව එළැඹෙන 2025 අදියර මාර්තු 14 වනදා ආරම්භ වන අතර, එහි අවසන් මහා තරගය මැයි 25 වනදා පැවැත්වීමට කටයුතු යොදා ඇති බව සඳහන්.
2026 අදියර මාර්තු 15 වනදා ආරම්භ වී මැයි 31 දක්වා පැවැත්වෙනවා.
2025 හා 2026 අදියරයන්හි තරග සංඛ්‍යාව 84ක් දක්වා වැඩිකර ඇති බව සඳහන්.
2027 තරගවාරය මාර්තු 14 සිට මැයි 30 දක්වා පැවැත්වීමට ඉන්දීය ක්‍රිකට් පාලක මණ්ඩලය තීරණය කර තිබෙනවා.
එමෙන්ම 2027 වසරේදී එම සංඛ්‍යාව තවත් වැඩිකර තරග 94ක් දක්වා ඉහළ දමා ඇති බව වාර්ත වනවා.
ඉන්දීය ප්‍රිමියර් ලීග් අදියර තුනක තරග පැවැත්වෙන කාලසීමාවක් ප්‍රසිද්ධියට පත්කළ පළමු අවස්ථාව මෙයයි.
