සත්කාරක දකුණු අප්‍රිකා – ශ්‍රී ලංකා පළමු ටෙස්ට් ක්‍රිකට් තරගය අද (27) ආරම්භ වේ.
ටෙස්ට් ක්‍රිකට් ලෝක ශූරතාවලිය යටතේ ක්‍රියාත්මක ශ්‍රී ලංකා – දකුණු අප්‍රිකා ටෙස්ට් ක්‍රිකට් තරගාවලියේ පළමු තරගය දකුණු අප්‍රිකාවේ ඩර්බන්හිදී පැවැත්වේ.
2019 වසරේදී සත්කාරක දකුණු අප්‍රිකාව සමග පැවති ටෙස්ට් ක්‍රිකට් තරගාවලිය තරග 2ට 0ක් ලෙස ජය ගත්තේ ශ්‍රී ලංකා කණ්ඩායමයි.
ඒ අනුව සිය මව් රටේදිම දකුණු අප්‍රිකා කණ්ඩායම පරාජය කළ පළමු ආසියාතික රට ලෙස ශ්‍රී ලංකා කණ්ඩායම වාර්තා අතරට එක්විය.
ටෙස්ට් ක්‍රිකට් ලෝක ශූරතාවලියේ ලකුණු සටහනට අනුව ශ්‍රී ලංකා කණ්ඩායම රැඳී සිටින්නේ තුන්වැනි ස්ථානයේයි.
දකුණු අප්‍රිකාව එහි පස්වැනි ස්ථානයේ පසුවේ.
ටෙස්ට් ක්‍රිකට් ලෝක ශූරතාවලියේ අවසන් තරගයට පිවිසීමේ බලාපොරොත්තු රඳවා ගැනීමට නම් කණ්ඩායම් දෙකමට මෙම තරගාවලියේ ජයග්‍රහණය අතිශය වැඳගත් වනු ඇති.
අද තරගය ශ්‍රී ලංකා වේලාවෙන් පස්වරු 1.00ට ආරම්භ වීමට නියමිතයි.
