දින 17ක් පුරා උමං මාර්ගයේ සිරවූ කම්කරුවන්ගෙන් පළමු කම්කරුවා මීට සුළු මොහොතකට පෙර බේරාගෙන ඇත.

උතුරු ඉන්දියාවේ උමං මාර්ගයක සිරවී සිටින සේවකයින් 41කින් යුතු පිරිස සිටින ස්ථානයට ළගාවීමට මුදාගැනීමේ කණ්ඩායම් සමත්වී තිබේ.

පසුගිය නොවැම්බර් මස 12 වැනිදා Uttarakhand හි උමං මාර්ගයක් කඩා වැටීමෙන් ඒ තුළ සේවකයින් පිරිසක් කොටු විය.

ඊශ්‍රායලය සහ හමාස් සංවිධානය අතර මානුෂීය සටන් විරාමය තවත් දින 2කින් දීර්ඝ කර තිබෙනවා.

සිකුරාදා ආරම්භ වූ දින 4 ක සටන් විරාමයේ අවසන් හෝරා කිහිපය ගෙවී යාමට මත්තෙන් දෙපාර්ශ්වය තවත් දින 2ක සටන් විරාමයකට එකඟ වූ බව කටාර් රාජ්‍යය නිවේදනය කළේ ය.

සිකුරාදා සිට මේ දක්වා හමාස් සංවිධානය නිදහස් කර ඇති ප්‍රාණ ඇපකරුවන් ගණන 69කි.

මනාලයෙකු විසින් සිය මංගල දිනයේ දී ඔහුගේ මනාලියට සහ තවත් තිදෙනෙකුට වෙඩි තබා ඔහුද සියදිවි හානි කර ගැනීමේ පුවතක් තායිලන්තයෙන් වාර්තා වෙනවා.

තායිලන්තයේ පැරා මලල ක්‍රීඩකයෙකු සහ හිටපු සොල්දාදුවෙකු වන 29 හැවිරිදි Chaturong Suksuk නම් ක්‍රීඩකයා මෙලෙස වෙඩි තබා ඇත්තේ සිය මනාලියට, ඇයගේ මවට, සහෝදරියට සහ තවත් පුද්ගලයෙකුට බවයි විදෙස් මාධ්‍ය වාර්තා කරන්නේ.

වෙඩි වැදීමෙන් තුවාල ලැබු මංගල උත්සවයේ අමුත්තන් තිදෙනෙකු ද රෝහල් ගත කර ඇති බව සඳහන් වෙනවා.

කුමන හේතුවක් මත මෙම වෙඩිතැබීම සිදුකළේ ද යන්න මෙතෙක් අනාවරණය වී නොමැති බවත් මනාලයා හදිසියේම මංගල සාදයෙන් පිටව ගොස් තුවක්කුවක් රැගෙන විත් මෙම වෙඩිතැබීම සිදුකර ඇති බවයි විදෙස් මාධ්‍ය වාර්තා කරන්නේ.

මනාල යුවළ අතර වයස් පරතරය සම්බන්ධයෙන් ඇති වූ බහින්බස් වීමක් මෙම සිදුවීමට හේතුවන්නට ඇතැයි ද විදෙස් මාධ්‍ය වාර්තා කරන්නේ.