තණමල්විල මූලස්ථාන පොලිස් ස්ථානයේ නිලධාරීන් පිරිසක් විසින් තණමල්විල අගුණුකුලපෑලෑස්ස සූරියආර ප්‍රදේශයේ සිදු කල වැටලීමකදී අයිස් මත්ද්‍රව්‍ය සමග කාන්තාවක් අත්අඩංගුවට ගෙන තිබේ.
එම අයිස් මත්ද්‍රව්‍ය කොළ පැහැති වර්ණයකින් යුක්ත වන අතර ලංකාවේ ප්‍රථම වරට මෙම කොළ පැහැති අයිස් මත්ද්‍රව්‍ය හමු වූ බව පොලිසිය පැවසීය.
එහිදී පැකට් පහක ඇසුරුම් කර තිබු අයිස් ග්‍රෑම් පහයි මිලිග්රැම් හැත්තෑවක් පොලිස් නිලධාරීන් විසින් සොයාගෙන ඇත.
අත්අඩංගුවට ගත් කාන්තාව එම ප්‍රදේශයේ ම පදිංචි වයස අවුරුදු හැට තුනක කාන්තාවක වන අතර සැකකාරිය වැල්ලවාය මහේස්ත්‍රාත් අධිකරණයට ඉදිරිපත් කිරීමට නියමිතව තිබිණි.
(ජයන්ත වීරසේකර – වැල්ලවාය)
