ඍජුව ආනයනය නොකර තුන් වැනි පාර්ශ්වයෙන් මිල දී ගන්නා රන් භාණ්ඩ වෙනුවෙන් ද දඩ මුදල් නියම කරන බව ඇමැති සියඹලාපිටිය කියයි.
වසරේ ගත වූ කාලය තුළ නීති විරෝධී ලෙස මෙරටට රන් ආනයන කළ බවට ආයතන පහක් හඳුනාගෙන ඇති බවත්, එම ආයතන වෙත රුපියල් මිලියන 1243ක දඩ මුදල් නියම කළ ඇති බවත් මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා පවසයි.
අදාළ ආයතන අතරින් එක් ආයතනයකට රුපියල් මිලියන 179ක ගෙවීමට නියම වූ බවයි අමාත්‍යවරයා සඳහන් කළේ. මින් ඉදිරියට රන්භාණ්ඩ ආනයන සිදුකරන බලපත්‍රලාභී සියලු ආයතන මෙම නීති විරෝධී ක්‍රියාවන් වෙතින් මිදිය යුතු බව අවධාරණය කළ අමාත්‍යවරයා අදාළ ආයතන ඍජුව ආනයනය නොකර තුන් වැනි පාර්ශ්ව මගින් මිලදී ගන්නා රන් සඳහා ද නිෂ්පාදන වාර්තා සලකා බලා දඩ මුදල අය කරගන්නා බව කියා සිටියේ ය.
රාජ්‍ය ආදායම අහිමි වීමට අදාළ ව පැවැති සිදුරු ක්‍රමයෙන් පියවරෙන් පියවර වසා දමමින් මෙරට රාජ්‍ය ආදායම තහවුරු කිරීමේ කටයුතු මේ වනවිට කරගෙන යන බව සියඹලාපිටිය මහතා පැවැසීය.
රන් භාණ්ඩ ආනයනය කරන ඇතැම් පාර්ශව මෙය විශාල ජාවාරමක් බවට පත් කරගෙන ඇති බවත් ඒ නිසාම ඒ වටා ගොනු වූ මාෆියාවක් ද පවතින බවත්, මේ පිළිබඳ රජයේ අවධානය යොමු වූ පළමු අදියරේ දී ම විවිධ අභියෝග, තර්ජන. ගර්ජන, බලපෑම් සහ බියගැන්වීම් විවිධ මට්ටමින් තිබුණු බවත්, ඒ සියලු අභියෝග හමුවේ නොසැලෙමින් මෙහි දෙවන පියවර වෙත ද රජය යොමු වූ බවත් අමාත්‍යවරයා වැඩිදුරටත් පැවසීය.
නීති විරෝධී ලෙස රට තුළට රන් ආනයනය කිරීම සම්බන්ධයෙන් පසුගිය වකවානුව තුළ අනාවරණය වූ සිදුවීම් සැලකිල්ලට ගෙන මෙරට රන් ජාවාරම වැළැක්වීමේ අරමුණින් ජනාධිපති රනිල් වික්‍රමසිංහ මැතිතුමන්ගේ උපදෙස් මත රන් භාණ්ඩ ආනයනයේ දී හඳුනාගත් සීමා පනවමින් අතිවිශේෂ ගැසට් නිවේදනයක් ද පසුගිය වර්ෂයේ මාර්තු මාසයේ දී නිකුත් කරන ලදී.
I like this web site it’s a master piece! Glad I detected this ohttps://69v.topn google.Raise blog range