පොළොන්නරුව දිස්ත්‍රික්කයේ හිගුරක්ගොඩ ප්‍රාදේශීය ලේකම් කොට්ඨාසයට අයත් යුධගනාව ගම්මානයේ දී ඊයේ පස්වරුවේ කාන්තාවක් ඝාතනය කර තිබෙනවා.

මේසේ ඝාතනයට ලක්වූ කාන්තාව අංක 906 යුධගනාව හිගුරක්ගොඩ ලිපිනයේ පදිංචි හෙටිටිආරචිලාගේ ලසන්තා සදමාලි යන වයස අවුරුදු 27ක් වු දෙදරු මවක් වන අතර ඇයට උදැල්ලෙන් පහර දෙන විට මියගිය කාන්තාවගේ මාස එකහමාරක් වන දරුවාද සිටි ඇති අතර එම දරුවාද සුලු තුවාල ලබා මැදිරිගිරිය මුලික රෝහලේ ප්‍රතිකාර ලබනවා.

මියගිය කාන්තාවගේ පියාටද කාන්තාවට පහර දුන් උදැල්ලෙන්ම පහර දීම නිසා බරපතල තත්වයෙන් මැදිරිගිරිය මුලික රෝහලට ඇතුලත් කර ඇති අතර වැඩිදුර ප්‍රථිකාර සදහා පොලොන්නරුව මහ රෝහලට මාරු කර යවා තිබෙනවා.

මෙම කාන්තාව ඝාතනය කල ඇයගේ ස්වාමි පුරැෂයා වන සෙනරත් නකුල බංඩාර යන අය ඊයේ රාත්‍රියේදී මැදිරිගිරිය ප්‍රාදේශයේ සැගව සිටින විටදි හිගුරක්ගොඩ පොලිසිය විසින් අත්අඩංගුවට ගෙන ඇති අතර ඔහු හිගුරක්ගොඩ මහේස්ත්‍රාත් අධිකරණයට ඉදිරිපත් කිරීමට නියමිතයි.

මියගිය කාන්තාව සහ ඇගේ ස්වාමිපුරුෂයා විසින් මැදිරිගිරිය සමගිපුර ප්‍රදේශයේ ඉන්ධන අලෙවි සැලක් පවත්වාගෙන ගොස් තිබෙන අතර එම වෙළඳසැලේ රුපියල් 15,000 මුදලක් අස්ථානගත වීම සම්බන්ධව මියගිය කාන්තාවගේ ස්වාමි පුරුෂයා ඇයට නිතර නිතර මුදල් අස්ථාන දීම සම්බන්ධව චෝදනා කර තිබෙනවා එම නිසා ඔහුගේ එම වචන ඉවසාගත නොහැකි වූ කාන්තාව තම පියාට මේ බව දන්නවා ඊයේ පස්වරුවේ තම මහ ගෙදරට ගොස් තිබෙනවා.

එවිට මෙම කාන්තාවගේ ස්වාමි පුරුෂයා ද මියගිය කාන්තාවගේ නිවස ඉදිරිපිටට පැමිණ මෙම කාන්තාව සමග බහින්බස්වීමක් ඇති වී තිබෙන අතර පසුව උදැල්ලක් රැගෙන මෙම කාන්තාවට පහර දී තිබෙනවා.

ඉන් අනතුරුව එම කාන්තාවගේ පියාට ද එම උදැල්ලෙන් ම පහර දී සැකකරු ප්‍රදේශයෙන් පළා ගොස් ඇත.

හිඟුරක්ගොඩ වැඩබලන මහේස්ත්‍රාත් වරයා ඊයේ රාත්‍රියේදීම අදාල ස්ථානය පරික්ෂාවට ලක්කල අතර හිගුරක්ගොඩ පොලිසිය වැඩිදුර පරීක්ෂණ පවත්වයි.

(රසංග නිරොෂන් පොළොන්නරුව)