මස්කෙලිය ප්‍රදේශයේ නිවසක සුරතලේට ඇති කරන සුනඛයෙකු කදුකර කොටියෙකු පැමිණ ගොදුරු කර ගැනිමට උත්සහ කරන සිසිටිවි දර්ශනයක් සමාජ මාධ්‍ය ඔස්සේ ප්‍රචාරය වි තිබුණි.
නිදාගෙන සිටි සුනඛයා එකවරම කෑ ගසන හඩ ඇසි නිවසේ හිමිකරු කදුකර කොටියා සුනඛයා ගොදුරු කරගෙන දිව යන අයුරු දැක කෑගසමින් කදුකර කොටියා පසුපස දිවයන විට කදුකර කොටියා ගොදුර අතහැර තේ වත්ත දෙසට දිවගොස් ඇත.
කදුකර කොටියාගෙන් මිදි දිවි ගලවාගත් සුනඛයාට සුළු තුවාල පමණක් සිදු වි ඇති බවට වාර්තා වන අතර , මස්කෙලිය ප්‍රදේශයේ තේ වතු ආශ්‍රිතව කදුකර කොටියන් විශාල ප්‍රමාණයක් වෙසෙන අතර , එම කොටියන් නිවාස වල සුරතලේට ඇති කරන සුනඛයින් රැගෙන යන බවයි මස්කෙලිය ප්‍රදේශවාසින් කියා සිටියේ.
(හැටන් රංජිත් රාජපක්ෂ)
